Iza 9
9
1 #
Mat 4.16; Luk 1.79 Tɔrɔ mɛn nə́ ke tɔ we wɔlɔ tì li,
bɛ á re wɔlɔ fúlu gole yii.
Min mɛnɛn bɛ́ gána tì bibiri ni,
wɔlɔ fúlu á re boe bɛn manɛ.
2Dɛnaa Lawa,
n nə́ ǹ kã ka foo kɔɔ̃nbaa nɛ,
ǹ foo kɔɔ̃n kɔ á la yii ni.
Maǹ nə n nyɛnyɛɛ n yɔrɔ-a,
ka ǹ bɛ́ n nyɛnyɛɛ
kaa-piɛ waáraa lɔn.
Maǹ foo kɔɔ̃nbaa ǹ lɛ dii,
ka ǹ bɛ́ bɔ zia la ǹ mànan gii lɔn.
3Sonbore, zǔu mɛn goã
n zaman wìi li,
n goã ǹ dii ka dɔ̀rɔ̀n mɛnɛn nɛ,
ka sɛ̌nɛn kɛn nɛ ń goã ǹ duwii ni,
ń bɛn yiyiɛ,
ka n bɛ́ n gɔ̀lɔ̀baa yɛ
Madiã minin la lɔn lɛlɛ.
4Zɔ́ɔn gòã ganaa ǹ kɔsɔn kɛn
bìn diɛ tán ganaa,
ka mɔnaan kɛn nɛ mà lɛa,
bɛn tá re n zuĩ tɛ buə ne
tɛ á re ǹ tumaa kuĩ.
5A giala, nɛnyaan tiɛɛ̃n na á yɛ,
nɛginin ni, wɔa wɔ lɛa.
Kiibaa nə́ n kɔ la.
A tɔ n die goɛ̃:
Doroo wole sonbore,
Lawa Pàãyiidɛnaa,
Díi lɛa, yǎa duduu,
là nyantoro kii.
6 #
Luk 1.32-33
A kiibaa n die gole koe.
Là nyantoro mɛn bɛ́
duduu wɔ lɛa,
a n die bɛ koe a zaman la.
A n die giɛ̃ Davida a kii
dankan la,
a giã a gána mìi la.
A kũ sisia ganaa yǎa duduu,
a n die pàã we a gána nɛ,
a kaka kɔ,
peperebaa laanka
sonborebaa barka nɛ.
Dɛnaa Lawa Pàãyiidɛnaa
a miãgoã-bɔ
kɛ n diɛ bɛ a zɛnɛɛ ganaa.
Dɛnaa Lawa foo yoo Izirayeli gána li
7Dɛnaa boo da
Zakɔba tɔrɔn ganaa,
bɛa boo lɛ mɛ Izirayeli gána la.
8Zaman tumaa tá a siére-a,
Efrayimu ni ka Samarii minin ni.
Maǹ nə́ goã pii ka din koa laanka
din gole kɔ-n kɛnɛn:
9«Tii toopaa kungɔn kaa,
sɛnɛ wɔsɛn man die doe
ká kɔlɔ-sɛlɛɛ toopaa nɛ.
Mɛnɛn kɛn gɔn kooro lɛa,
bɛn nə́ yiyiɛ,
sɛnɛ wɔ n die ǹ lonkoe
ka *sɛdrə mɛnɛn nɛ.»
10Bɛ lɛ nɛ,
minin kɛn Resini a zɔ́ɔn lɛa,
Dɛnaa Lawa bɛn kaa
Izirayeli minin ganaa.
Á pàã kɔ ǹ zɔ́ɔn la,
11Siirii minin manə ǹ nyɛɛnɛ,
Filisiti minin manə ǹ kio.
Ǹ nə́ Izirayeli gána ziziɛ̃ lenlen.
Sɛnɛ, bɛ tumaa kio,
Dɛnaa Lawa a foo-yoo
tɔn nya wa,
a gɔn-munii n tɔn lon.
12Dɛnaa Lawa Izirayeli zaman dɛ.
Sɛnɛ, bɛ tumaa kio,
Izirayeli nə n bɔyaa á daa
Dɛnaa Lawa Pàãyiidɛnaa li wa.
13Bɛ lɛ nɛ, lɛawaa goon gɔ́ɔ̃ nɛ,
Dɛnaa Lawa Izirayeli gána
mìi laanka a mui kuru.
14Min golen laanka kiãn
man a mìi lɛa,
Lawa a boo gii-dali soɛ-bɔlen kɛn man a mui lɛa.
15Gána lɛ a nyɛɛnaandɛnan nə́
ǹ zaman sã,
ǹ bɛ́ min mɛnɛn nyɛɛnɛ,
ǹ nə́ bɛn bɔ̀n baa.
16Bɛ lɛ taman yii,
Dɛnaa foo a kɔɔ̃nɛ
ǹ nɛ tenən li wa,
a makara boe ǹ nɛ toenen
laanka ǹ lɔ giɔɔrɔn ganaa wa.
A giala, ǹ tumaa gɔ́ɔ̃ n tì,
sii baraa-zɛnaalin lɛa.
Ǹ lɛ gɔ́ɔ̃ ǹ boo tumaa n kɔɔsɛ.
Sɛnɛ, Dɛnaa Lawa a foo yoo
tɔn nya wa,
a gɔn-munii n tɔn lon.
17Sonbore, baraabaa n kuĩ
ka tɛ bɛ́ lɔn,
a n nyan tɔrɔ tumaa kuĩ
daã gòã li ǹ da bisin tumaa nɛ,
a tɛmaa n dii lon kurukuru.
18Dɛnaa Lawa Pàãyiidɛnaa
a foo-yoo gole taman yii,
gána lɛ n kuĩ tɛ lɛa,
a n ka tɛ n zaman lɛ kuĩ,
min kɔn ba ǹ dɔɔ̃n
makara doɛ̃ wa.
19Maǹ pɔrɛɛ gusin,
ǹ bòo dɔ a nyɛɛ wa.
Maǹ pɔrɛɛ gɔsɛ, sɛnɛ ǹ ba kiɛ̃ wa.
Didie n yui ǹ dɔɔ̃n gialaa:
20Manaasee tɔrɔn man yui
Efrayimu tɔrɔn gialaa,
Efrayimu tɔrɔn man yui
Manaasee tɔrɔn gialaa.
Ǹsɛn tɔrɔ màn paa kɛ sɛ n
piɛ̃ Zudaa tɔrɔn ganaa.
Sɛnɛ, bɛ tumaa kio,
Dɛnaa Lawa a foo-yoo
tɔn nya wa,
a gɔn-munii n tɔn lon.
Currently Selected:
Iza 9: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 9
9
1 #
Mat 4.16; Luk 1.79 Tɔrɔ mɛn nə́ ke tɔ we wɔlɔ tì li,
bɛ á re wɔlɔ fúlu gole yii.
Min mɛnɛn bɛ́ gána tì bibiri ni,
wɔlɔ fúlu á re boe bɛn manɛ.
2Dɛnaa Lawa,
n nə́ ǹ kã ka foo kɔɔ̃nbaa nɛ,
ǹ foo kɔɔ̃n kɔ á la yii ni.
Maǹ nə n nyɛnyɛɛ n yɔrɔ-a,
ka ǹ bɛ́ n nyɛnyɛɛ
kaa-piɛ waáraa lɔn.
Maǹ foo kɔɔ̃nbaa ǹ lɛ dii,
ka ǹ bɛ́ bɔ zia la ǹ mànan gii lɔn.
3Sonbore, zǔu mɛn goã
n zaman wìi li,
n goã ǹ dii ka dɔ̀rɔ̀n mɛnɛn nɛ,
ka sɛ̌nɛn kɛn nɛ ń goã ǹ duwii ni,
ń bɛn yiyiɛ,
ka n bɛ́ n gɔ̀lɔ̀baa yɛ
Madiã minin la lɔn lɛlɛ.
4Zɔ́ɔn gòã ganaa ǹ kɔsɔn kɛn
bìn diɛ tán ganaa,
ka mɔnaan kɛn nɛ mà lɛa,
bɛn tá re n zuĩ tɛ buə ne
tɛ á re ǹ tumaa kuĩ.
5A giala, nɛnyaan tiɛɛ̃n na á yɛ,
nɛginin ni, wɔa wɔ lɛa.
Kiibaa nə́ n kɔ la.
A tɔ n die goɛ̃:
Doroo wole sonbore,
Lawa Pàãyiidɛnaa,
Díi lɛa, yǎa duduu,
là nyantoro kii.
6 #
Luk 1.32-33
A kiibaa n die gole koe.
Là nyantoro mɛn bɛ́
duduu wɔ lɛa,
a n die bɛ koe a zaman la.
A n die giɛ̃ Davida a kii
dankan la,
a giã a gána mìi la.
A kũ sisia ganaa yǎa duduu,
a n die pàã we a gána nɛ,
a kaka kɔ,
peperebaa laanka
sonborebaa barka nɛ.
Dɛnaa Lawa Pàãyiidɛnaa
a miãgoã-bɔ
kɛ n diɛ bɛ a zɛnɛɛ ganaa.
Dɛnaa Lawa foo yoo Izirayeli gána li
7Dɛnaa boo da
Zakɔba tɔrɔn ganaa,
bɛa boo lɛ mɛ Izirayeli gána la.
8Zaman tumaa tá a siére-a,
Efrayimu ni ka Samarii minin ni.
Maǹ nə́ goã pii ka din koa laanka
din gole kɔ-n kɛnɛn:
9«Tii toopaa kungɔn kaa,
sɛnɛ wɔsɛn man die doe
ká kɔlɔ-sɛlɛɛ toopaa nɛ.
Mɛnɛn kɛn gɔn kooro lɛa,
bɛn nə́ yiyiɛ,
sɛnɛ wɔ n die ǹ lonkoe
ka *sɛdrə mɛnɛn nɛ.»
10Bɛ lɛ nɛ,
minin kɛn Resini a zɔ́ɔn lɛa,
Dɛnaa Lawa bɛn kaa
Izirayeli minin ganaa.
Á pàã kɔ ǹ zɔ́ɔn la,
11Siirii minin manə ǹ nyɛɛnɛ,
Filisiti minin manə ǹ kio.
Ǹ nə́ Izirayeli gána ziziɛ̃ lenlen.
Sɛnɛ, bɛ tumaa kio,
Dɛnaa Lawa a foo-yoo
tɔn nya wa,
a gɔn-munii n tɔn lon.
12Dɛnaa Lawa Izirayeli zaman dɛ.
Sɛnɛ, bɛ tumaa kio,
Izirayeli nə n bɔyaa á daa
Dɛnaa Lawa Pàãyiidɛnaa li wa.
13Bɛ lɛ nɛ, lɛawaa goon gɔ́ɔ̃ nɛ,
Dɛnaa Lawa Izirayeli gána
mìi laanka a mui kuru.
14Min golen laanka kiãn
man a mìi lɛa,
Lawa a boo gii-dali soɛ-bɔlen kɛn man a mui lɛa.
15Gána lɛ a nyɛɛnaandɛnan nə́
ǹ zaman sã,
ǹ bɛ́ min mɛnɛn nyɛɛnɛ,
ǹ nə́ bɛn bɔ̀n baa.
16Bɛ lɛ taman yii,
Dɛnaa foo a kɔɔ̃nɛ
ǹ nɛ tenən li wa,
a makara boe ǹ nɛ toenen
laanka ǹ lɔ giɔɔrɔn ganaa wa.
A giala, ǹ tumaa gɔ́ɔ̃ n tì,
sii baraa-zɛnaalin lɛa.
Ǹ lɛ gɔ́ɔ̃ ǹ boo tumaa n kɔɔsɛ.
Sɛnɛ, Dɛnaa Lawa a foo yoo
tɔn nya wa,
a gɔn-munii n tɔn lon.
17Sonbore, baraabaa n kuĩ
ka tɛ bɛ́ lɔn,
a n nyan tɔrɔ tumaa kuĩ
daã gòã li ǹ da bisin tumaa nɛ,
a tɛmaa n dii lon kurukuru.
18Dɛnaa Lawa Pàãyiidɛnaa
a foo-yoo gole taman yii,
gána lɛ n kuĩ tɛ lɛa,
a n ka tɛ n zaman lɛ kuĩ,
min kɔn ba ǹ dɔɔ̃n
makara doɛ̃ wa.
19Maǹ pɔrɛɛ gusin,
ǹ bòo dɔ a nyɛɛ wa.
Maǹ pɔrɛɛ gɔsɛ, sɛnɛ ǹ ba kiɛ̃ wa.
Didie n yui ǹ dɔɔ̃n gialaa:
20Manaasee tɔrɔn man yui
Efrayimu tɔrɔn gialaa,
Efrayimu tɔrɔn man yui
Manaasee tɔrɔn gialaa.
Ǹsɛn tɔrɔ màn paa kɛ sɛ n
piɛ̃ Zudaa tɔrɔn ganaa.
Sɛnɛ, bɛ tumaa kio,
Dɛnaa Lawa a foo-yoo
tɔn nya wa,
a gɔn-munii n tɔn lon.
San Bible Protestant Edition © Bible Society of Burkina Faso, 2011.