Iza 8
8
Izayii a nɛ tɔ a binyəə
1Dɛnaa Lawa pɛ ma nɛ: «Sɛ́wɔ kiɛ̃ ǹ goo gole saa, n kɛ kiɛ̃ la foaã nɛ: Wo naforo ganaa fufuu, n mìi fɔ̃ a ganaa, n kokoo.» 2Má sɛ́wɔ kiɛ̃ ǹ goo lɛ nyaa min paa nɛ, foo n doa nɛ ǹ ganaa parsiini: Lawa a wúlu-bɔle Uria nɛ ka Yeberekia a nɛgiĩ Zakarii ni. 3Bɛ kio, tèlò-n má giã kun ka maa lɔ Lawa a boo gii-dali ni. Á nɔ̀ si, á nɛginin yɛ. Dɛnaa Lawa tɔ́n pɛ mà ma a tɔ kɔ "Wo naforo ganaa fufuu, n mìi fɔ̃ a ganaa, n kokoo". 4A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.
Asiirii minin da kɔ gána lɛ
5Dɛnaa Lawa wusoo á pɛ ma-n doo:
6Silowee mu ke baa sii sɛlɛlɛ,
Zudaa zaman nə́ n piã ka bɛ nɛ,
a giala,
ǹ foo n kɔɔ̃nɛ kii màn paa
kɛ taman yii:
Resini laanka Pekaa.
7Bɛ lɛ nɛ, masɛ Dɛnaa n die
Efrati tà mu gole kɛ diɛ ǹ la,
bɛ giala mà Asiiriin kii laanka a pàã.
Efrati tà lɛ n die piɛ̃, a toɛ̃,
a n da bǎã yii la.
8A n die piɛ̃ a toɛ̃,
a Zudaa gána kũ yǎa a bɔlɔ-a.
Á re n daɛ n bǎã tumaa la,
a n gána tumaa si a n kɔ lɛ, Emanuwɛli.
Emanuwɛli n gɔ̀lɔ̀baa ǹ sii a kɔnboe lɛa
9Tɔrɔn lɛn, ka gɔ̀nɔn bìn da,
nyɛ́ɛ ka kũ!
Gána sɔsɔɔ tɔrɔn lɛn, ka n too kɔ!
Ta ka n yɔrɔ bɔ zia taman yii lɔn,
kaa wɔ n ka foo biɛ na nɛ!
Taãn nɛ, ta ka n yɔrɔ bɔ lɔn,
kaa wɔ n ka foo biɛ na nɛ!
10Tɔrɔn lɛn, ka siin yɔrɔ bɔ,
sɛnɛ, ǹ ba re yɔrɔ yii wa!
Ka n taasɛ siin ganaa,
sɛnɛ, ǹ ba re boe wa!
A giala,
Dɛnaa Lawa n kun ka wɔsɛn nɛ.
Ka nyɛ́ɛ baa Dɛnaa Lawa nɛ
11Dɛnaa Lawa nə́ n gɔn waa
ma nɛ ka pàã nɛ,
mà ma baran n saa
Zudaa gána minin giã ǹ gɔn li wa.
A boo mɛn pɛ ma nɛ, bɛ á ke:
12 #
Piɛ1 3.14-15
Zaman bɛ́ sii mɛn bíi sii wɔ kɔn,
kasɛn nyan bɛ bíi sii wɔ kɔn wa.
Ǹ bɛ́ nyɛ́ɛ biɛ màn mɛn nɛ,
ka nyan nyɛ́ɛ baa bɛ-n wa.
Ka nyan nyɛ́ɛ baa ǹ nɛ wa.
13Ka doamaa-n ka dɔ̃,
mà Dɛnaa Lawa Pàãyiidɛnaa
din nə sonbore.
Ka doamaa-n ka nyɛ́ɛ baa
a din yii ni,
ka doamaa-n ka a din guguru kɔ.
14 #
Piɛ1 2.8
Dɛnaa Lawa n duru ǹ bǎã lɛa,
a n kɔlɔ lɛa Izirayeli gána
màn paa kɛ nə n gòã niɛ̃ a ganaa,
a n minin boe ǹ daɛ.
A n die kan biɛ
Zeruzalɛmu minin ganaa.
15Min gigiã á re n gòã
niɛ̃ a ganaa,
ǹ tatalaa, ǹ bɔ ǹ mɛnaa
ǹ nə n gù yiyiɛ.
Kan tá re ǹ kuĩ,
ǹ nə́ ǹ ba n sii la doɛ̃ wa.
16Lɛ dia kɛ koa n gɔ̀ɔ̃ nɛ,
maa kialandɛnan daraa
maa doroo ǹ boon kɛn
ganaa sɔnbɔraa nɛ.
Lawa a boo gii-dali nə n lɛ tiɛ̃ n yii diɛ
17 #
Ebr 2.13
Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la. 18Á ke, masɛ laanka Dɛnaa Lawa nɛnyaanan mɛnɛn kɔ ma la, wɔ ǹ sii a kɔnboe laanka gɔn waa lɛa Izirayeli gána nɛ ka Dɛnaa Lawa Pàãyiidɛnaa tɔ nɛ, asɛ mɛn bɛ́ giã-n *Siɔn kele la. 19Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa, 20ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.
Wɔlɔ tì tɔ wɔ
21Zaman tá re n bibiĩ gána lɛ nɛ,
ǹ nə́ nɔmaa nɛ, bòo nə́ ǹ ganaa.
Bɛ lɛ taman yii, ǹ foo á re yui,
ǹ lɛn baraa bíi ǹ kii laanka
ǹ Lawa li.
Ǹ tá re n yɔrɔ diɛ lon,
22bɛ kio, ǹ tá re n yɔrɔ diɛ tán:
Sɛnɛ á ke, maǹ die koe
dinsɔɔ̃ yii,
wɔlɔ tì biribiri ni,
nyɛ́ɛ gole ne ka tèlò tì biribiri ni,
ǹ bɛ́ re ǹ noɛ̃ ǹ nə ǹ zũ
bǎã mɛn nɛ.
Là nyantoro a kii
23 #
Mat 4.15
Sɛnɛ wɔlɔ tì biribiri lɛ a re
goɛ̃ gána lɛ la duduu wa,
gána ke piɛ̃-n ka nyɛ́ɛ nɛ.
Lɛlɛ, Dɛnaa Lawa goã á sìi da
Zabulɔn laanka
Nɛfutalii gána ganaa.
Sɛnɛ ǹ kɔn pinaa,
á re gugurubaa koe yìsi mu lɛ-a
ǹ zii kɛ la,
Zurdɛ̃ paǹ goon kɛ nɛ,
ka Galilee gána kɛ nɛ tiin wɔ lɛa.
Currently Selected:
Iza 8: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 8
8
Izayii a nɛ tɔ a binyəə
1Dɛnaa Lawa pɛ ma nɛ: «Sɛ́wɔ kiɛ̃ ǹ goo gole saa, n kɛ kiɛ̃ la foaã nɛ: Wo naforo ganaa fufuu, n mìi fɔ̃ a ganaa, n kokoo.» 2Má sɛ́wɔ kiɛ̃ ǹ goo lɛ nyaa min paa nɛ, foo n doa nɛ ǹ ganaa parsiini: Lawa a wúlu-bɔle Uria nɛ ka Yeberekia a nɛgiĩ Zakarii ni. 3Bɛ kio, tèlò-n má giã kun ka maa lɔ Lawa a boo gii-dali ni. Á nɔ̀ si, á nɛginin yɛ. Dɛnaa Lawa tɔ́n pɛ mà ma a tɔ kɔ "Wo naforo ganaa fufuu, n mìi fɔ̃ a ganaa, n kokoo". 4A giala, nɛ lɛ laan bɛ̀ a n pii doɛ̃ mà "díi" hinlaa "náa", ǹ tá re Damaasi a naforon laanka Samarii gɔn mànan sii ǹ da ǹ kɔ Asiiriin kii la.
Asiirii minin da kɔ gána lɛ
5Dɛnaa Lawa wusoo á pɛ ma-n doo:
6Silowee mu ke baa sii sɛlɛlɛ,
Zudaa zaman nə́ n piã ka bɛ nɛ,
a giala,
ǹ foo n kɔɔ̃nɛ kii màn paa
kɛ taman yii:
Resini laanka Pekaa.
7Bɛ lɛ nɛ, masɛ Dɛnaa n die
Efrati tà mu gole kɛ diɛ ǹ la,
bɛ giala mà Asiiriin kii laanka a pàã.
Efrati tà lɛ n die piɛ̃, a toɛ̃,
a n da bǎã yii la.
8A n die piɛ̃ a toɛ̃,
a Zudaa gána kũ yǎa a bɔlɔ-a.
Á re n daɛ n bǎã tumaa la,
a n gána tumaa si a n kɔ lɛ, Emanuwɛli.
Emanuwɛli n gɔ̀lɔ̀baa ǹ sii a kɔnboe lɛa
9Tɔrɔn lɛn, ka gɔ̀nɔn bìn da,
nyɛ́ɛ ka kũ!
Gána sɔsɔɔ tɔrɔn lɛn, ka n too kɔ!
Ta ka n yɔrɔ bɔ zia taman yii lɔn,
kaa wɔ n ka foo biɛ na nɛ!
Taãn nɛ, ta ka n yɔrɔ bɔ lɔn,
kaa wɔ n ka foo biɛ na nɛ!
10Tɔrɔn lɛn, ka siin yɔrɔ bɔ,
sɛnɛ, ǹ ba re yɔrɔ yii wa!
Ka n taasɛ siin ganaa,
sɛnɛ, ǹ ba re boe wa!
A giala,
Dɛnaa Lawa n kun ka wɔsɛn nɛ.
Ka nyɛ́ɛ baa Dɛnaa Lawa nɛ
11Dɛnaa Lawa nə́ n gɔn waa
ma nɛ ka pàã nɛ,
mà ma baran n saa
Zudaa gána minin giã ǹ gɔn li wa.
A boo mɛn pɛ ma nɛ, bɛ á ke:
12 #
Piɛ1 3.14-15
Zaman bɛ́ sii mɛn bíi sii wɔ kɔn,
kasɛn nyan bɛ bíi sii wɔ kɔn wa.
Ǹ bɛ́ nyɛ́ɛ biɛ màn mɛn nɛ,
ka nyan nyɛ́ɛ baa bɛ-n wa.
Ka nyan nyɛ́ɛ baa ǹ nɛ wa.
13Ka doamaa-n ka dɔ̃,
mà Dɛnaa Lawa Pàãyiidɛnaa
din nə sonbore.
Ka doamaa-n ka nyɛ́ɛ baa
a din yii ni,
ka doamaa-n ka a din guguru kɔ.
14 #
Piɛ1 2.8
Dɛnaa Lawa n duru ǹ bǎã lɛa,
a n kɔlɔ lɛa Izirayeli gána
màn paa kɛ nə n gòã niɛ̃ a ganaa,
a n minin boe ǹ daɛ.
A n die kan biɛ
Zeruzalɛmu minin ganaa.
15Min gigiã á re n gòã
niɛ̃ a ganaa,
ǹ tatalaa, ǹ bɔ ǹ mɛnaa
ǹ nə n gù yiyiɛ.
Kan tá re ǹ kuĩ,
ǹ nə́ ǹ ba n sii la doɛ̃ wa.
16Lɛ dia kɛ koa n gɔ̀ɔ̃ nɛ,
maa kialandɛnan daraa
maa doroo ǹ boon kɛn
ganaa sɔnbɔraa nɛ.
Lawa a boo gii-dali nə n lɛ tiɛ̃ n yii diɛ
17 #
Ebr 2.13
Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la. 18Á ke, masɛ laanka Dɛnaa Lawa nɛnyaanan mɛnɛn kɔ ma la, wɔ ǹ sii a kɔnboe laanka gɔn waa lɛa Izirayeli gána nɛ ka Dɛnaa Lawa Pàãyiidɛnaa tɔ nɛ, asɛ mɛn bɛ́ giã-n *Siɔn kele la. 19Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa, 20ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.
Wɔlɔ tì tɔ wɔ
21Zaman tá re n bibiĩ gána lɛ nɛ,
ǹ nə́ nɔmaa nɛ, bòo nə́ ǹ ganaa.
Bɛ lɛ taman yii, ǹ foo á re yui,
ǹ lɛn baraa bíi ǹ kii laanka
ǹ Lawa li.
Ǹ tá re n yɔrɔ diɛ lon,
22bɛ kio, ǹ tá re n yɔrɔ diɛ tán:
Sɛnɛ á ke, maǹ die koe
dinsɔɔ̃ yii,
wɔlɔ tì biribiri ni,
nyɛ́ɛ gole ne ka tèlò tì biribiri ni,
ǹ bɛ́ re ǹ noɛ̃ ǹ nə ǹ zũ
bǎã mɛn nɛ.
Là nyantoro a kii
23 #
Mat 4.15
Sɛnɛ wɔlɔ tì biribiri lɛ a re
goɛ̃ gána lɛ la duduu wa,
gána ke piɛ̃-n ka nyɛ́ɛ nɛ.
Lɛlɛ, Dɛnaa Lawa goã á sìi da
Zabulɔn laanka
Nɛfutalii gána ganaa.
Sɛnɛ ǹ kɔn pinaa,
á re gugurubaa koe yìsi mu lɛ-a
ǹ zii kɛ la,
Zurdɛ̃ paǹ goon kɛ nɛ,
ka Galilee gána kɛ nɛ tiin wɔ lɛa.
San Bible Protestant Edition © Bible Society of Burkina Faso, 2011.