Iza 61
61
Boo tii kɔɔ̃n pɛ wole
1 #
Mat 11.5; Luk 7.22 #
Luk 4.18-19
Dɛnaa Lawa Yiri n ma la.
Hiĩ, a na á ma bɔ á ma koa,
mà ma boo tii kɔɔ̃n pɛ
doobaan manɛ.
Min mɛnɛn bɛ́ nɔmaa nɛ,
mà ma wo bɛn foo basã.
Ǹ min mɛnɛn goa ǹ nə́ woo ǹ ne,
mà ma wo pɛ bɛn manɛ,
mà ǹ tá re ǹ kiɛ.
Min mɛnɛn bɛ́ kòso ne,
ǹ tá re bɛn sii ǹ nə ǹ kaa.
2 #
Mat 5.4
A na á ma dia mà ma da pɛ mà
Dɛnaa Lawa a bǐɛ̃baa ǹ lɛ̀ nɛ,
mà Dɛnaa Lawa a gɛ̀ dòo
bɔ a zɔ́ɔn ganaa ǹ lɛawaa nɛ.
A na á ma dia màn mɛn bɛ́
toɛ ma gɛ̀ koa wolen yiri giã.
3 *Siɔn minin mɛnɛn bɛ́ gɛ̀ koɛ,
ma doamaa nɛ ma mɔnaa
gɔn sonbore
pɛnɛ ǹ mìi ganaa gɛ̀ koa ǹ ton
kɛ bǎã nɛ;
ma doamaa nɛ ma nyɔɔ gìĩ
kɔɔ̃n kaa
ǹ ganaa ǹ gɛ̀ koa kɛ dòo.
Ma doamaa nɛ ma zɔ́n mɔnaa wɔ
ǹ ganaa ǹ foo ziziɛ̃ kɛ dòo lɛa.
Ka bɛ-n kəni, ǹ tá re ǹ bíi:
«Peperebaa ǹ da,
dù gɔrɔ mɛn bɛ́ Dɛnaa
Lawa a siĩnbaa nyɛɛ».
4Kungɔnɔn kɛn ǹ nə́ kaa lɛlɛ,
ǹ tá re bɛn doe.
Bǎãn mɛnɛn nə ziziɛ̃ haalɛ bibi,
ǹ tá re wusii ǹ bɛn dɔ.
Kiwin mɛnɛn nə yu lɛlɛ,
ka bǎãn kɛn nɛ ǹ nə ziziɛ̃
haalɛ bibi,
ǹ tá re wusii ǹ bɛn dɔ.
5Tiin tá re goɛ̃ ǹ tan,
ǹ kaa sèren laanka ka bòen lɛduə̃.
Minin tá re boe bǎã kɔsɔn nɛ,
ǹ da kaa wurun laanka
kaa *rezɛ̃ da wurun kɔsɔ.
6Sɛnɛ, kasɛn tɔ n die goɛ̃:
«Dɛnaa Lawa a wúlu-bɔlen.»
Ǹ tá re ka bíi,
«Wɔa Lawa a dí-nyalin»
Ka á re là yii tɔrɔ kɔsɔn
gɔn mànan ganaa,
ka n dinin gole kɔ ǹ naforon
kɛn taman yii.
7Dɛnaa Lawa pɛ:
«A laan sìi ka kũ, ka ǹ die là
màn paa yii.
A laan ǹ nə́ sɔ baraa kɔ ka ganaa,
ka ǹ die n lɛ dii ka foo kɔɔ̃n nɛ
ka gii kɛ taman yii.
A giala, ka gii n die goɛ̃ paa
ǹ gána nɛ.
Foo kɔɔ̃n mɛn bɛ́ a nyɛɛ wa,
ka ǹ die goɛ̃ bɛ gɔ́ɔ̃ nɛ.
8Taãn nɛ,
kɔ sonborebaa lɛ n kɔɔ̃n
masɛ Dɛnaa Lawa ganaa.
Sɛnɛ, wurumubaa mɛn bɛ́
naa-n kɔn ka gɛ̀ dɛ nɛ,
ma a golee bɛ li wa.
Ma á re ka sarɛɛ ka peperebaa nɛ,
ma á re lɛ kɔ kɔn la we
ka ka nɛ, yǎa duduu.»
9Ǹ tá re kaa nɛnyaanan doɛ̃
tɔrɔn tumaa bii.
Kaa nɔ̀ɔnɔn kɛn, ǹ tá re bɛn doɛ̃
bǎã tumaa nɛ.
Bɛ̀ min mɛn nə́ ǹ yɛ,
a n die ǹ doɛ̃ kɛ li:
Maǹ tɔrɔ lɛa, Dɛnaa Lawa
barka da ǹ ganaa.
Lawa tɔ bɔ ǹ loe
10 #
SNS 21.2
Dɛnaa Lawa taman yii,
ma foo á kɔɔ̃nɛ á la yii ni.
Ma nə n nyɛnyɛɛ maa Lawa a lɛa.
Taãn nɛ, a nà a kirisibaa kɛ
koe ma lɛ
ká mɔnaa bɛ́ lɔn.
A peperebaa ke, a n bɛ pɛnɛ
ma ganaa
ka mɔnaa gole bɛ́ lɔn.
Man má kɔnbɔ ka kɔn-wɔle tii ni,
á zɔ́n mɔnaa gɔn yii a mìi-a
ka Lawa a wúlu-bɔle bɛ́ lɔn,
hinlaa, ka lɔ tii bɛ́ lɔn
á nyaǹ mànan wɔ.
11Da we bɛ́ gii tán lɔn,
hinlaa dù we bɛ́ boe dù
gɔrɔ-n lɔn,
Dɛnaa Lawa dɔ n die
peperebaa laanka
tɔ bɔ diɛ bɔ ganaa tɔrɔn
tumaa yɔrɔ-a.
Currently Selected:
Iza 61: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 61
61
Boo tii kɔɔ̃n pɛ wole
1 #
Mat 11.5; Luk 7.22 #
Luk 4.18-19
Dɛnaa Lawa Yiri n ma la.
Hiĩ, a na á ma bɔ á ma koa,
mà ma boo tii kɔɔ̃n pɛ
doobaan manɛ.
Min mɛnɛn bɛ́ nɔmaa nɛ,
mà ma wo bɛn foo basã.
Ǹ min mɛnɛn goa ǹ nə́ woo ǹ ne,
mà ma wo pɛ bɛn manɛ,
mà ǹ tá re ǹ kiɛ.
Min mɛnɛn bɛ́ kòso ne,
ǹ tá re bɛn sii ǹ nə ǹ kaa.
2 #
Mat 5.4
A na á ma dia mà ma da pɛ mà
Dɛnaa Lawa a bǐɛ̃baa ǹ lɛ̀ nɛ,
mà Dɛnaa Lawa a gɛ̀ dòo
bɔ a zɔ́ɔn ganaa ǹ lɛawaa nɛ.
A na á ma dia màn mɛn bɛ́
toɛ ma gɛ̀ koa wolen yiri giã.
3 *Siɔn minin mɛnɛn bɛ́ gɛ̀ koɛ,
ma doamaa nɛ ma mɔnaa
gɔn sonbore
pɛnɛ ǹ mìi ganaa gɛ̀ koa ǹ ton
kɛ bǎã nɛ;
ma doamaa nɛ ma nyɔɔ gìĩ
kɔɔ̃n kaa
ǹ ganaa ǹ gɛ̀ koa kɛ dòo.
Ma doamaa nɛ ma zɔ́n mɔnaa wɔ
ǹ ganaa ǹ foo ziziɛ̃ kɛ dòo lɛa.
Ka bɛ-n kəni, ǹ tá re ǹ bíi:
«Peperebaa ǹ da,
dù gɔrɔ mɛn bɛ́ Dɛnaa
Lawa a siĩnbaa nyɛɛ».
4Kungɔnɔn kɛn ǹ nə́ kaa lɛlɛ,
ǹ tá re bɛn doe.
Bǎãn mɛnɛn nə ziziɛ̃ haalɛ bibi,
ǹ tá re wusii ǹ bɛn dɔ.
Kiwin mɛnɛn nə yu lɛlɛ,
ka bǎãn kɛn nɛ ǹ nə ziziɛ̃
haalɛ bibi,
ǹ tá re wusii ǹ bɛn dɔ.
5Tiin tá re goɛ̃ ǹ tan,
ǹ kaa sèren laanka ka bòen lɛduə̃.
Minin tá re boe bǎã kɔsɔn nɛ,
ǹ da kaa wurun laanka
kaa *rezɛ̃ da wurun kɔsɔ.
6Sɛnɛ, kasɛn tɔ n die goɛ̃:
«Dɛnaa Lawa a wúlu-bɔlen.»
Ǹ tá re ka bíi,
«Wɔa Lawa a dí-nyalin»
Ka á re là yii tɔrɔ kɔsɔn
gɔn mànan ganaa,
ka n dinin gole kɔ ǹ naforon
kɛn taman yii.
7Dɛnaa Lawa pɛ:
«A laan sìi ka kũ, ka ǹ die là
màn paa yii.
A laan ǹ nə́ sɔ baraa kɔ ka ganaa,
ka ǹ die n lɛ dii ka foo kɔɔ̃n nɛ
ka gii kɛ taman yii.
A giala, ka gii n die goɛ̃ paa
ǹ gána nɛ.
Foo kɔɔ̃n mɛn bɛ́ a nyɛɛ wa,
ka ǹ die goɛ̃ bɛ gɔ́ɔ̃ nɛ.
8Taãn nɛ,
kɔ sonborebaa lɛ n kɔɔ̃n
masɛ Dɛnaa Lawa ganaa.
Sɛnɛ, wurumubaa mɛn bɛ́
naa-n kɔn ka gɛ̀ dɛ nɛ,
ma a golee bɛ li wa.
Ma á re ka sarɛɛ ka peperebaa nɛ,
ma á re lɛ kɔ kɔn la we
ka ka nɛ, yǎa duduu.»
9Ǹ tá re kaa nɛnyaanan doɛ̃
tɔrɔn tumaa bii.
Kaa nɔ̀ɔnɔn kɛn, ǹ tá re bɛn doɛ̃
bǎã tumaa nɛ.
Bɛ̀ min mɛn nə́ ǹ yɛ,
a n die ǹ doɛ̃ kɛ li:
Maǹ tɔrɔ lɛa, Dɛnaa Lawa
barka da ǹ ganaa.
Lawa tɔ bɔ ǹ loe
10 #
SNS 21.2
Dɛnaa Lawa taman yii,
ma foo á kɔɔ̃nɛ á la yii ni.
Ma nə n nyɛnyɛɛ maa Lawa a lɛa.
Taãn nɛ, a nà a kirisibaa kɛ
koe ma lɛ
ká mɔnaa bɛ́ lɔn.
A peperebaa ke, a n bɛ pɛnɛ
ma ganaa
ka mɔnaa gole bɛ́ lɔn.
Man má kɔnbɔ ka kɔn-wɔle tii ni,
á zɔ́n mɔnaa gɔn yii a mìi-a
ka Lawa a wúlu-bɔle bɛ́ lɔn,
hinlaa, ka lɔ tii bɛ́ lɔn
á nyaǹ mànan wɔ.
11Da we bɛ́ gii tán lɔn,
hinlaa dù we bɛ́ boe dù
gɔrɔ-n lɔn,
Dɛnaa Lawa dɔ n die
peperebaa laanka
tɔ bɔ diɛ bɔ ganaa tɔrɔn
tumaa yɔrɔ-a.
San Bible Protestant Edition © Bible Society of Burkina Faso, 2011.