Iza 42
42
Dɛnaa Lawa na a dí-nyali nyɛɛ
1 #
Mat 3.17; 17.5; Mar 1.11; Luk 3.22; 9.35 #
Mat 12.18-21
«Maa dí-nyali á ke:
Man kuĩ a gɔn ganaa.
Má bɔ ka foo kɔɔ̃nbaa nɛ.
Má n yiri da la,
má a peperebaa nyaa tɔrɔn manɛ.
2A ba re n lɛ dii wa,
a re parɛɛ wa.
Min ba re a lɛ miɛ zii gialaa wa.
3Buu mɛn nə n pusu,
a re bɛ yiɛ wa.
Tɛ buə̃ mɛn pàã puusə kɔ,
a re bɛ nimi wa.
Sɛnɛ,
á re peperebaa nyɛɛ
ka sonborebaa nɛ.
4A foo a re ziziɛ̃ wa.
A gù a re giɛ̃ wa,
yǎa peperebaa yii tán tumaa la.
Gánan mɛnɛn bɛ́ mu nə́ ǹ da bii,
bɛn man giɛ a daraa li.»
5 #
NDS 17.24-25
Lawa, Dɛnaa Lawa n kɛ pii
asɛ mɛn lon zɛnaa, a ná a lɛ bɔ.
Á tán lɛ bɔ ka a gɔ́ɔ̃gɔ́ɔ̃ ǹ
màn tumaa nɛ.
Tɔrɔn mɛnɛn tumaa bɛ́ tán la,
a n yiikoonaabaa koe ǹ la,
a piɛ̃ kɔ a giã man wolen la.
6 #
Iza 49.6; Luk 2.32; NDS 13.47; 26.23 «Masɛ Dɛnaa Lawa-n má
n bíi wɔ peperebaa a lɛa,
ma n kũ n gɔn ganaa;
Ma á die n tamɛɛ, ma n koa
máa n maa lɛ kɔ kɔn la
kɛ yɔrɔ bɔ ka tɔrɔn nɛ,
n kanaa tumaa a wɔlɔ fúlu baa.
7N tá re yii tere-an yii buĩ,
n kòso nɛn kaa n nə ǹ bɔ kòso ne.
Min mɛnɛn bɛ́ wɔlɔ tì li
kòso kion,
n tá re bɛn woɛ n soo ǹ ne.
8Man Dɛnaa Lawa lɛa.
Bɛ lɛ n ma tɔ lɛa.
Maa gugurubaa ke,
bɛa doe min kɔn ganaa wa.
Ma ba maa tɔ golebaa kɛ toɛ
dì nyínin kɛn manɛ wa.
9Á ke, sii bibinaan nə́ n zɛnaa
ǹ nə́ kiɛ̃.
Kanna, man sii soreen boo diɛ.
Ma nə ǹ pii ka nɛ,
ǹ laan bɛ̀ ǹ nə n zɛnaa.»
Kanaa tumaa Dɛnaa Lawa tɔ bɔ
10Ka loe tii lɔ Dɛnaa Lawa nɛ.
A kũ tán lɛ dan ganaa, ka a tɔ bɔ,
kasɛn mɛnɛn bɛ́ yìsi mu zii tɔ we,
ka màn mɛn tumaa bɛ́ yìsi mu li,
ka kasɛn dɔn nɛ,
mu gánan mɛnɛn da bii,
ka loe lɔ ka Dɛnaa Lawa tɔ bɔ nɛ.
11Diə gole laanka a kiwin lɛn,
Kedaara a kiwi bisinin lɛn
ka loe lɔ!
Selaa minin nə n lɛ dɛ
ka foo kɔɔ̃n nɛ,
ǹ nə n toa kelen mìi ni,
ǹ foo kɔɔ̃nbaa ǹ lɛ-dɛ wɔ.#42.11 Kadaara lɛ n Larabun diə gole lɛa. Selaa lɛ na á Pedra kiwi baa pelo Zordanii gána nɛ.
12Dɛnaa Lawa tɔ nə n bɔ,
mu gánan mɛnɛn da bii,
bɛn na a tɔ bɔ ka lɛn gole ne.
13Dɛnaa Lawa nə n zoɛ̃ woe
ka sɔraasi foo kaka-a bɛ́ lɔn.
Foo tãbaa na a nɛ
ka zia-baali zanbia bɛ́ lɔn.
A n gɔ̀lɔ̀baa ǹ lɛ-dɛ we,
a n ziabaa ǹ lɛ dɛ gole we,
a n boe a zɔ́ɔn la.
Dɛnaa Lawa sii mɛn taasɛ, a n die bɛ zɛnɛɛ
14Haalɛ bibi, má n lɛ tã.
Ma boo kɔn da wa.
Má n din kũ ka sii zɛnaa nɛ.
Sɛnɛ, sisia, ma nə n lɛ dii,
ka lɔ mɛn bɛ́ nɔɔrɔ koe.
Ma nə n lɛ dii,
má gini, maa piɛ̃ lɛ n zoɛ̃
mà a kuru.
15Man die kelen laanka
tentenən wurii.
Màn mɛn tumaa bɛ́ boe la,
ma bɛ laa.
Man die tàn bɔyɛɛ ma baa
bǎã gere lɛa.
Ma pɛrɛ dadaran mu piɛ̃ ka daɛ̃.
16Yii tere-an bɛ́ ǹ ba zii mɛn doɛ̃ wa,
man diɛ ǹ kiɛ bɛ la.
Man die ǹ kiɛ tɔ wɔ ganaa zii la,
zii mɛn bɛ ǹ ba doɛ̃ wa.
Man die tèlò bɔyɛɛ ma baa
wɔlɔ fúlu lɛa ǹ nyɛɛnɛ.
Ǹ bɛ́ n gòã niɛ̃ màn mɛn ganaa,
man bɛ boe ma bɔ ǹ nyɛɛnɛ.
Ma sii mɛn taasɛ, a din nə ke.
Ma a re wusii ma kio-n wa.
17Sɛnɛ ǹ tá re wusii ǹ kio ne,
sìi á re ǹ kuĩ,
ǹsɛn mɛnɛn foo bɛ́
doa-n dìn ganaa,
ǹ nə́ pii màn nyínin manɛ:
«Wɔa lawa n ka ka dinin ni.»
Izirayeli minin ba li ǹ lɛ si wa
18Kasɛn, too tere-an lɛn,
ka n too kɔ!
Kasɛn yii tere-an lɛn,
ka n yii bũ, ka yii wɔlɔ yɛ!
19Die n yii tere-a lɛa
bɛ̀ maa dí-nyali kɛ bie wa?
Die n too tere-a lɛa ka dia dí-a
wole kɛ bɛ́ lɔn má dia?
Die n yii tere-a lɛa,
ka min kɛ bɛ́ lɔn má bɔ má koa,
yii tere-a lɛa ka Dɛnaa Lawa
a dí-nyali kɛ bɛ́ lɔn?
20Nsɛ, Izirayeli a zaman,
n sii gigiã yɛ,
sɛnɛ n nə n yiri koa màn kɔn
li wa.
N nə́ n toon bũ,
sɛnɛ n boo kɔn ma wa.
21Dɛnaa Lawa a peperebaa
taman yii,
a na á goã li a na a dí-pɛn
baa gole,
a ǹ siĩn kɔ.
22Sɛnɛ, á ke, ǹ nə́ ka kokoo,
ǹ nə́ màn tumaa sii ka la.
Ka tumaa lɛ tiɛ̃maa-n
nyankɔrɔ zuzulu ni,
ka n durii-n kòso ne.
Kaa zɔ́ɔn nə́ ka kokoo ka
ǹ bɛ́ naforo goɛ zia la lɔn.
Min kɔn dɔ da n dɔ ka lɛ wa.
Ǹ nə́ màn tumaa si ka la,
min kɔn dɔ pɛ mà ǹ ka toa
walan wa.
23Die n ka bii, a n li
a n too kɔ taãn-taãnɛ?
Die n ka bii, a n die n yiri koɛ
bɛ li biɛ̃ ǹ a lɛa?
24Min mɛnɛn nə Zakɔba a
zaman gɔn mànan si,
die na á ǹ wɔ bɛn gɔn?
Min mɛnɛn nə Izirayeli kokoo,
die na á ǹ wɔ bɛn gɔn?
Dɛnaa Lawa bie wa?
A giala, mà wɔ n wɔ́ sã a ganaa.
A zii mɛn nyaa a zaman nɛ,
ǹ kɔ bɛ lɛ wa,
a dí-pɛ mɛn kɔ ǹ la,
ǹ kɔ lɛ wa.
25Bɛ lɛ nɛ,
Dɛnaa Lawa na a foo yoo
baraa kɛ kaa ǹ la,
ka zia baraa nɛ.
Bɛa zia lɛ tɛ da ǹ paǹ yii ganaa
a ná a lɛnpɛnɛ nɛ,
sɛnɛ, Izirayeli na a giala ma wa;
á kũ, sɛnɛ a baa a parsii lɛa wa.
Currently Selected:
Iza 42: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 42
42
Dɛnaa Lawa na a dí-nyali nyɛɛ
1 #
Mat 3.17; 17.5; Mar 1.11; Luk 3.22; 9.35 #
Mat 12.18-21
«Maa dí-nyali á ke:
Man kuĩ a gɔn ganaa.
Má bɔ ka foo kɔɔ̃nbaa nɛ.
Má n yiri da la,
má a peperebaa nyaa tɔrɔn manɛ.
2A ba re n lɛ dii wa,
a re parɛɛ wa.
Min ba re a lɛ miɛ zii gialaa wa.
3Buu mɛn nə n pusu,
a re bɛ yiɛ wa.
Tɛ buə̃ mɛn pàã puusə kɔ,
a re bɛ nimi wa.
Sɛnɛ,
á re peperebaa nyɛɛ
ka sonborebaa nɛ.
4A foo a re ziziɛ̃ wa.
A gù a re giɛ̃ wa,
yǎa peperebaa yii tán tumaa la.
Gánan mɛnɛn bɛ́ mu nə́ ǹ da bii,
bɛn man giɛ a daraa li.»
5 #
NDS 17.24-25
Lawa, Dɛnaa Lawa n kɛ pii
asɛ mɛn lon zɛnaa, a ná a lɛ bɔ.
Á tán lɛ bɔ ka a gɔ́ɔ̃gɔ́ɔ̃ ǹ
màn tumaa nɛ.
Tɔrɔn mɛnɛn tumaa bɛ́ tán la,
a n yiikoonaabaa koe ǹ la,
a piɛ̃ kɔ a giã man wolen la.
6 #
Iza 49.6; Luk 2.32; NDS 13.47; 26.23 «Masɛ Dɛnaa Lawa-n má
n bíi wɔ peperebaa a lɛa,
ma n kũ n gɔn ganaa;
Ma á die n tamɛɛ, ma n koa
máa n maa lɛ kɔ kɔn la
kɛ yɔrɔ bɔ ka tɔrɔn nɛ,
n kanaa tumaa a wɔlɔ fúlu baa.
7N tá re yii tere-an yii buĩ,
n kòso nɛn kaa n nə ǹ bɔ kòso ne.
Min mɛnɛn bɛ́ wɔlɔ tì li
kòso kion,
n tá re bɛn woɛ n soo ǹ ne.
8Man Dɛnaa Lawa lɛa.
Bɛ lɛ n ma tɔ lɛa.
Maa gugurubaa ke,
bɛa doe min kɔn ganaa wa.
Ma ba maa tɔ golebaa kɛ toɛ
dì nyínin kɛn manɛ wa.
9Á ke, sii bibinaan nə́ n zɛnaa
ǹ nə́ kiɛ̃.
Kanna, man sii soreen boo diɛ.
Ma nə ǹ pii ka nɛ,
ǹ laan bɛ̀ ǹ nə n zɛnaa.»
Kanaa tumaa Dɛnaa Lawa tɔ bɔ
10Ka loe tii lɔ Dɛnaa Lawa nɛ.
A kũ tán lɛ dan ganaa, ka a tɔ bɔ,
kasɛn mɛnɛn bɛ́ yìsi mu zii tɔ we,
ka màn mɛn tumaa bɛ́ yìsi mu li,
ka kasɛn dɔn nɛ,
mu gánan mɛnɛn da bii,
ka loe lɔ ka Dɛnaa Lawa tɔ bɔ nɛ.
11Diə gole laanka a kiwin lɛn,
Kedaara a kiwi bisinin lɛn
ka loe lɔ!
Selaa minin nə n lɛ dɛ
ka foo kɔɔ̃n nɛ,
ǹ nə n toa kelen mìi ni,
ǹ foo kɔɔ̃nbaa ǹ lɛ-dɛ wɔ.#42.11 Kadaara lɛ n Larabun diə gole lɛa. Selaa lɛ na á Pedra kiwi baa pelo Zordanii gána nɛ.
12Dɛnaa Lawa tɔ nə n bɔ,
mu gánan mɛnɛn da bii,
bɛn na a tɔ bɔ ka lɛn gole ne.
13Dɛnaa Lawa nə n zoɛ̃ woe
ka sɔraasi foo kaka-a bɛ́ lɔn.
Foo tãbaa na a nɛ
ka zia-baali zanbia bɛ́ lɔn.
A n gɔ̀lɔ̀baa ǹ lɛ-dɛ we,
a n ziabaa ǹ lɛ dɛ gole we,
a n boe a zɔ́ɔn la.
Dɛnaa Lawa sii mɛn taasɛ, a n die bɛ zɛnɛɛ
14Haalɛ bibi, má n lɛ tã.
Ma boo kɔn da wa.
Má n din kũ ka sii zɛnaa nɛ.
Sɛnɛ, sisia, ma nə n lɛ dii,
ka lɔ mɛn bɛ́ nɔɔrɔ koe.
Ma nə n lɛ dii,
má gini, maa piɛ̃ lɛ n zoɛ̃
mà a kuru.
15Man die kelen laanka
tentenən wurii.
Màn mɛn tumaa bɛ́ boe la,
ma bɛ laa.
Man die tàn bɔyɛɛ ma baa
bǎã gere lɛa.
Ma pɛrɛ dadaran mu piɛ̃ ka daɛ̃.
16Yii tere-an bɛ́ ǹ ba zii mɛn doɛ̃ wa,
man diɛ ǹ kiɛ bɛ la.
Man die ǹ kiɛ tɔ wɔ ganaa zii la,
zii mɛn bɛ ǹ ba doɛ̃ wa.
Man die tèlò bɔyɛɛ ma baa
wɔlɔ fúlu lɛa ǹ nyɛɛnɛ.
Ǹ bɛ́ n gòã niɛ̃ màn mɛn ganaa,
man bɛ boe ma bɔ ǹ nyɛɛnɛ.
Ma sii mɛn taasɛ, a din nə ke.
Ma a re wusii ma kio-n wa.
17Sɛnɛ ǹ tá re wusii ǹ kio ne,
sìi á re ǹ kuĩ,
ǹsɛn mɛnɛn foo bɛ́
doa-n dìn ganaa,
ǹ nə́ pii màn nyínin manɛ:
«Wɔa lawa n ka ka dinin ni.»
Izirayeli minin ba li ǹ lɛ si wa
18Kasɛn, too tere-an lɛn,
ka n too kɔ!
Kasɛn yii tere-an lɛn,
ka n yii bũ, ka yii wɔlɔ yɛ!
19Die n yii tere-a lɛa
bɛ̀ maa dí-nyali kɛ bie wa?
Die n too tere-a lɛa ka dia dí-a
wole kɛ bɛ́ lɔn má dia?
Die n yii tere-a lɛa,
ka min kɛ bɛ́ lɔn má bɔ má koa,
yii tere-a lɛa ka Dɛnaa Lawa
a dí-nyali kɛ bɛ́ lɔn?
20Nsɛ, Izirayeli a zaman,
n sii gigiã yɛ,
sɛnɛ n nə n yiri koa màn kɔn
li wa.
N nə́ n toon bũ,
sɛnɛ n boo kɔn ma wa.
21Dɛnaa Lawa a peperebaa
taman yii,
a na á goã li a na a dí-pɛn
baa gole,
a ǹ siĩn kɔ.
22Sɛnɛ, á ke, ǹ nə́ ka kokoo,
ǹ nə́ màn tumaa sii ka la.
Ka tumaa lɛ tiɛ̃maa-n
nyankɔrɔ zuzulu ni,
ka n durii-n kòso ne.
Kaa zɔ́ɔn nə́ ka kokoo ka
ǹ bɛ́ naforo goɛ zia la lɔn.
Min kɔn dɔ da n dɔ ka lɛ wa.
Ǹ nə́ màn tumaa si ka la,
min kɔn dɔ pɛ mà ǹ ka toa
walan wa.
23Die n ka bii, a n li
a n too kɔ taãn-taãnɛ?
Die n ka bii, a n die n yiri koɛ
bɛ li biɛ̃ ǹ a lɛa?
24Min mɛnɛn nə Zakɔba a
zaman gɔn mànan si,
die na á ǹ wɔ bɛn gɔn?
Min mɛnɛn nə Izirayeli kokoo,
die na á ǹ wɔ bɛn gɔn?
Dɛnaa Lawa bie wa?
A giala, mà wɔ n wɔ́ sã a ganaa.
A zii mɛn nyaa a zaman nɛ,
ǹ kɔ bɛ lɛ wa,
a dí-pɛ mɛn kɔ ǹ la,
ǹ kɔ lɛ wa.
25Bɛ lɛ nɛ,
Dɛnaa Lawa na a foo yoo
baraa kɛ kaa ǹ la,
ka zia baraa nɛ.
Bɛa zia lɛ tɛ da ǹ paǹ yii ganaa
a ná a lɛnpɛnɛ nɛ,
sɛnɛ, Izirayeli na a giala ma wa;
á kũ, sɛnɛ a baa a parsii lɛa wa.
San Bible Protestant Edition © Bible Society of Burkina Faso, 2011.