Iza 41
41
Lawa taãn ka dìn ni
1Dɛnaa Lawa pɛ:
Kasɛn, gánan kɛn mu ka da bii,
ka giã kiĩni ma yɔrɔ-a,
ka n too kɔ ma lon
Kasɛn, tɔrɔn tumaa, ka n we yii.
Ka n zɔ̃ ka dɔ ka boo da.
Ka wɔ n ta kiri wɔ ǹ bǎã-n kun.
2Die na á min kɛ da zii la
boe lɛ̀giala-n die#41.2 Ka zii 46.11 bɛ́ lɔn, bɛa giĩ kɛ lɛ n Pɛrsin kii Siirusu lɛa.,
a n kiri pepere we
a bɔ ǹ bǎã tumaa nɛ?
Die na á da zii la?
Die n tɔrɔn we a gɔn?
Die n kiin kiɛ a pàã giulun?
A gɔya sa nə ǹ bɔyɛɛ
a ǹ baa gusuũ lɛa,
A sa nə ǹ kio lui
ka piɛ̃ bɛ́ woe buu gere-n lɔn.
3A nə ǹ kio lui.
A n woe fufuu a yiri n waa nɛ,
a gòã bin mɛ zii kɛ la a tá la wa.
4Die na á bɛ tumaa zɛnaa?
Min mɛn bɛ́ kanaa a tɔrɔn koɛ,
bɛ nɛ.
Ma din Dɛnaa Lawa nɛ.
Ma din ni sii tumaa giala kɔ lɛa.
A wo kaa ǹ giala-nyɔmɔɔ lɛ,
ma din Dɛnaa Lawa-n doo.
5Gánan mɛnɛn bɛ́ mu nə́ ǹ da bii,
sii mɛn nə n zɛnaa, ǹ nə́ yɛ.
Nyɛ́ɛ nə́ ǹ kũ
Kanaa lɛ dan gánan nə́ bìn da,
ǹ nə́ daa, ǹ gɔ̀nɔn nə́ bìn diɛ.
6Didie nə n doe ǹ miã lɛ.
Didie n pii ǹ dɔɔ̃n nɛ:
«N foo taã.»
7Gɔn-sɛlɛli n sana-yole foo taɛ̃.
Gɔn dí-nyali mɛn bɛ́ fɔlɔ
dí nyɛɛ ka yele ne,
bɛ n fuũ foo taɛ̃.
A n pii a dí wɔ paǹ li: «Á bǐɛ̃ kɔ.»
Bɛ kio, a n dì nyín lɛ dere
ka kiɛ nɛ,
màn mɛn bɛ́ toɛ a nyan
bìn da wa.
Dɛnaa Lawa nə n doe a zaman lɛ
8 #
KZS2 20.7; Zaaki 2.23 Nsɛ Izirayeli, maa dí-nyali,
nsɛ Zakɔba,
ma zaman mɛn yii gɔgɔɔ̃,
ma n maa giaára Abrahamu
tɔrɔ lɛa.
9Man má woo ga n li
kanaa lɛ dan ganaa,
má lɛ dia n la gána sɔsɔɔn nɛ.
Má pɛ n nɛ:
Ma n maa dí-nyali lɛa,
má n yii gɔgɔɔ̃,
ma n toa walan wa.
10Nyɛ́ɛ nyan nə n kũ wa,
a giala, ma á kunun n ni.
N nyan ga n para li ka foo
ziziɛ̃-n wa.
Masɛ din ni n Lawa lɛa.
Man pàã koe n la,
man die n gú ganaa,
man kirisibaa
ka maa bɔlɔgoondɛnaabaa nɛ.
11Á ke, min mɛnɛn tumaa
lɛ bɛ́ n li,
bɛn wɔ n ka sìi ni ka tɔ ziziɛ̃ nɛ.
Min mɛnɛn bɛ́ kɔn-a n nɛ ka
zia nɛ
bɛn tá re màn kooro biɛ,
ǹ tá re papaɛ̃.
12Ń tá re giɛ n zɔ́ɔn lɛn basa li
n fɔ̃,
min mɛnɛn bɛ́ kɔn-a n nɛ ka
zia nɛ,
ǹ tá re màn kooro biɛ,
ǹ ba re goɛ̃ ǹ tan doo wa.
13A giala,
masɛ Dɛnaa Lawa nə n Lawa lɛa.
Má n gusin-a gɔn kũ kaka.
Man wusii pii n ni:
«Nyɛ́ɛ nyan nə n kũ wa,
man die n gú ganaa.»
14Nyɛ́ɛ nyan ka kũ wa
Zakɔba a zaman,
kasɛn kɛn ǹ nə́ ka biɛ ka
nyuun bɛ́ lɔn,
kasɛn Izirayeli a zaman;
ma dinmaa n die kaa gú ganaa,
Dɛnaa Lawa a da ǹ boo ne,
kaa si sii la wole Izirayeli a
Lawa sonbore ne.
15Á ke man die n biɛ
dí nya ǹ màn dii lɛa,
a sɔn nə́ sosolo, a n tii nyui,
a sɔn nə màn papaa kɔn la.
N tá re kelen yɔyɔrɛ,
n nə ǹ bɔyaa n nə ǹ baa
gusuũ lɛa.
Tentenən kɛn,
n tá re bɛn biɛ buu gere lɛa.
16N tá re ǹ sui,
piɛ̃ nə ǹ goa a wo ǹ ne.
Piɛ̃ gole á re ǹ pɛsɛ̃ paǹ tumaa li.
Sɛnɛ nsɛ,
n tá re n lɛ dii ka foo kɔɔ̃n nɛ,
Dɛnaa Lawa taman yii.
Izirayeli a Lawa sonbore kɛ á re
n foo kɔɔ̃n koe.
Diə gole á re buũ koe
17Nɔmaa wolen laanka
doobaan man giɛ mu li.
Sɛnɛ, ǹ ba yii wa.
Mu boro nə́ ǹ lɛwɔn laa.
Á bǐɛ̃ kɔ, á ke!
Masɛ Dɛnaa Lawa n die ǹ lɛ sii.
Masɛ Izirayeli a Lawa,
ma a re n la boe ǹ ganaa wa.
18Man die tà mu diɛ
baa si ganaa kele mìi kooro-an la,
ma mu yalan bũ nyankɔrɔ
basa nɛ.
Man die diə gole bɔyɛɛ
ma baa pɛrɛ gole lɛa,
ma tán gere baa mu bǎã lɛa.
19Diə gole ne,
man die *sɛdrə da zumi,
ka kasia da nɛ, mirti da nɛ,
ka *olivie da nɛ.
Gánan mɛnɛn bɛ́ mu ba ǹ nɛ wa,
ma á re da tɔrɔ gigiã kiɛ kun
ma zumu walan.
20Ka bɛ nɛ, min tumaa á re yii,
min tumaa á re doɛ̃,
min tumaa á re n yiri koɛ li,
ǹ na a giala ma,
mà Dɛnaa Lawa na á siin
kɛn lɛn zɛnaa,
mà Izirayeli a Lawa sonbore
na á ǹ zɛnaa.
Dìn ba màn kɔn lɛa wa
21Kasɛn tɔrɔ kɔsɔn dìn lɛn,
ka da kaa siin yɔrɔ pɛ,
Dɛnaa Lawa a da ǹ boo ne;
ka kaa zɛnaa ǹ siin nyaa,
Zakɔba a kii na á pɛ.
22Ka da ǹ nɛ,
siin mɛnɛn bɛ́ die,
ka bɛn pɛ wɔ nɛ.
Lɛlɛ siin kɛn nə goã lɔn,
ka bɛ pɛ wɔ nɛ.
Ka ǹ nyaa wɔ nɛ,
wɔ n taasɛ ǹ ganaa.
Wɔ á re bɛn kio siin doɛ̃.
Biɛ̃ ǹ siin kɛn, ka ǹ pɛ wɔ nɛ,
wɔ dɔ̃ sii mɛn bɛ́ re n zɛnɛɛ.
23Sii mɛn bɛ́ re n zɛnɛɛ biɛ̃,
ka bɛ pɛ wɔ nɛ.
Wɔ á re doɛ̃ ka bɛ nɛ,
wáa ka ǹ lawan lɛa.
Ka sii bǐɛ̃ hinlaa sii baraa zɛnaa,
laa ka sii kɔn zɛnaa wɔ yii yɛ,
wɔ boo la wɔ ga a ganaa kun.
24Sɛnɛ, kaa màn kɔn din lɛa wa.
Ka bɛ́ siin mɛnɛn zɛnɛɛ, kooro ne.
Min mɛn bɛ́ ka biɛ lawa lɛa,
bɛ n min bɔbɔnɛɛ lɛa.
25Má min da zii la gɔsɛ a lɛ̀gɔn la,
a n boe wasa a bɔ ǹ bǎã-n die.
A n ma tɔ guguru koe.
A n tɔrɛ gánadɛnan la,
ka ǹ bɛ́ tɔrɛ bɛrɛɛ la lɔn,
ka dɔn-bɔle bɛ́ gì tɔrɛ a gòã-n lɔn.
26Die na á bɛ pɛ wɔ nɛ
a giala-kɔ li,
mà wɔ dɔ̃?
Die na á n gɔn waa wɔ-n lɛlɛ,
mà wɔ pɛ mà sonbore ne?
Ka bii min kɔn màn kɔn pɛ wa.
Min kɔn nə n lɛ bũ wa.
Min boo kɔn din ma ka lɛ-n wa.
27Ma din Dɛnaa Lawa n má
a boo da *Siɔn bibinaa nɛ,
má maa dia dí-a wole
dia Zeruzalɛmu
máa a wo boo tii kɔɔ̃n pɛ.
28Má ga tɛrɛɛ nɛ,
ma min kɔn yɛ wa.
Ǹ bii, ǹ kɔn banban
a na a taasiɛn nyaa wa.
Min banban, nɔ̀n nə́ boe la
a n da la wa.
Min kɔn banban a boo binyəə
kɔ ma la wa.
29Á ke, ǹ ba màn kɔn lɛa wa,
ǹ ba màn kɔn zɛnɛɛ wa.
Ǹ dìn kɛn man piɛ̃ lɛa,
màn kooron lɛa.
Currently Selected:
Iza 41: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
Iza 41
41
Lawa taãn ka dìn ni
1Dɛnaa Lawa pɛ:
Kasɛn, gánan kɛn mu ka da bii,
ka giã kiĩni ma yɔrɔ-a,
ka n too kɔ ma lon
Kasɛn, tɔrɔn tumaa, ka n we yii.
Ka n zɔ̃ ka dɔ ka boo da.
Ka wɔ n ta kiri wɔ ǹ bǎã-n kun.
2Die na á min kɛ da zii la
boe lɛ̀giala-n die#41.2 Ka zii 46.11 bɛ́ lɔn, bɛa giĩ kɛ lɛ n Pɛrsin kii Siirusu lɛa.,
a n kiri pepere we
a bɔ ǹ bǎã tumaa nɛ?
Die na á da zii la?
Die n tɔrɔn we a gɔn?
Die n kiin kiɛ a pàã giulun?
A gɔya sa nə ǹ bɔyɛɛ
a ǹ baa gusuũ lɛa,
A sa nə ǹ kio lui
ka piɛ̃ bɛ́ woe buu gere-n lɔn.
3A nə ǹ kio lui.
A n woe fufuu a yiri n waa nɛ,
a gòã bin mɛ zii kɛ la a tá la wa.
4Die na á bɛ tumaa zɛnaa?
Min mɛn bɛ́ kanaa a tɔrɔn koɛ,
bɛ nɛ.
Ma din Dɛnaa Lawa nɛ.
Ma din ni sii tumaa giala kɔ lɛa.
A wo kaa ǹ giala-nyɔmɔɔ lɛ,
ma din Dɛnaa Lawa-n doo.
5Gánan mɛnɛn bɛ́ mu nə́ ǹ da bii,
sii mɛn nə n zɛnaa, ǹ nə́ yɛ.
Nyɛ́ɛ nə́ ǹ kũ
Kanaa lɛ dan gánan nə́ bìn da,
ǹ nə́ daa, ǹ gɔ̀nɔn nə́ bìn diɛ.
6Didie nə n doe ǹ miã lɛ.
Didie n pii ǹ dɔɔ̃n nɛ:
«N foo taã.»
7Gɔn-sɛlɛli n sana-yole foo taɛ̃.
Gɔn dí-nyali mɛn bɛ́ fɔlɔ
dí nyɛɛ ka yele ne,
bɛ n fuũ foo taɛ̃.
A n pii a dí wɔ paǹ li: «Á bǐɛ̃ kɔ.»
Bɛ kio, a n dì nyín lɛ dere
ka kiɛ nɛ,
màn mɛn bɛ́ toɛ a nyan
bìn da wa.
Dɛnaa Lawa nə n doe a zaman lɛ
8 #
KZS2 20.7; Zaaki 2.23 Nsɛ Izirayeli, maa dí-nyali,
nsɛ Zakɔba,
ma zaman mɛn yii gɔgɔɔ̃,
ma n maa giaára Abrahamu
tɔrɔ lɛa.
9Man má woo ga n li
kanaa lɛ dan ganaa,
má lɛ dia n la gána sɔsɔɔn nɛ.
Má pɛ n nɛ:
Ma n maa dí-nyali lɛa,
má n yii gɔgɔɔ̃,
ma n toa walan wa.
10Nyɛ́ɛ nyan nə n kũ wa,
a giala, ma á kunun n ni.
N nyan ga n para li ka foo
ziziɛ̃-n wa.
Masɛ din ni n Lawa lɛa.
Man pàã koe n la,
man die n gú ganaa,
man kirisibaa
ka maa bɔlɔgoondɛnaabaa nɛ.
11Á ke, min mɛnɛn tumaa
lɛ bɛ́ n li,
bɛn wɔ n ka sìi ni ka tɔ ziziɛ̃ nɛ.
Min mɛnɛn bɛ́ kɔn-a n nɛ ka
zia nɛ
bɛn tá re màn kooro biɛ,
ǹ tá re papaɛ̃.
12Ń tá re giɛ n zɔ́ɔn lɛn basa li
n fɔ̃,
min mɛnɛn bɛ́ kɔn-a n nɛ ka
zia nɛ,
ǹ tá re màn kooro biɛ,
ǹ ba re goɛ̃ ǹ tan doo wa.
13A giala,
masɛ Dɛnaa Lawa nə n Lawa lɛa.
Má n gusin-a gɔn kũ kaka.
Man wusii pii n ni:
«Nyɛ́ɛ nyan nə n kũ wa,
man die n gú ganaa.»
14Nyɛ́ɛ nyan ka kũ wa
Zakɔba a zaman,
kasɛn kɛn ǹ nə́ ka biɛ ka
nyuun bɛ́ lɔn,
kasɛn Izirayeli a zaman;
ma dinmaa n die kaa gú ganaa,
Dɛnaa Lawa a da ǹ boo ne,
kaa si sii la wole Izirayeli a
Lawa sonbore ne.
15Á ke man die n biɛ
dí nya ǹ màn dii lɛa,
a sɔn nə́ sosolo, a n tii nyui,
a sɔn nə màn papaa kɔn la.
N tá re kelen yɔyɔrɛ,
n nə ǹ bɔyaa n nə ǹ baa
gusuũ lɛa.
Tentenən kɛn,
n tá re bɛn biɛ buu gere lɛa.
16N tá re ǹ sui,
piɛ̃ nə ǹ goa a wo ǹ ne.
Piɛ̃ gole á re ǹ pɛsɛ̃ paǹ tumaa li.
Sɛnɛ nsɛ,
n tá re n lɛ dii ka foo kɔɔ̃n nɛ,
Dɛnaa Lawa taman yii.
Izirayeli a Lawa sonbore kɛ á re
n foo kɔɔ̃n koe.
Diə gole á re buũ koe
17Nɔmaa wolen laanka
doobaan man giɛ mu li.
Sɛnɛ, ǹ ba yii wa.
Mu boro nə́ ǹ lɛwɔn laa.
Á bǐɛ̃ kɔ, á ke!
Masɛ Dɛnaa Lawa n die ǹ lɛ sii.
Masɛ Izirayeli a Lawa,
ma a re n la boe ǹ ganaa wa.
18Man die tà mu diɛ
baa si ganaa kele mìi kooro-an la,
ma mu yalan bũ nyankɔrɔ
basa nɛ.
Man die diə gole bɔyɛɛ
ma baa pɛrɛ gole lɛa,
ma tán gere baa mu bǎã lɛa.
19Diə gole ne,
man die *sɛdrə da zumi,
ka kasia da nɛ, mirti da nɛ,
ka *olivie da nɛ.
Gánan mɛnɛn bɛ́ mu ba ǹ nɛ wa,
ma á re da tɔrɔ gigiã kiɛ kun
ma zumu walan.
20Ka bɛ nɛ, min tumaa á re yii,
min tumaa á re doɛ̃,
min tumaa á re n yiri koɛ li,
ǹ na a giala ma,
mà Dɛnaa Lawa na á siin
kɛn lɛn zɛnaa,
mà Izirayeli a Lawa sonbore
na á ǹ zɛnaa.
Dìn ba màn kɔn lɛa wa
21Kasɛn tɔrɔ kɔsɔn dìn lɛn,
ka da kaa siin yɔrɔ pɛ,
Dɛnaa Lawa a da ǹ boo ne;
ka kaa zɛnaa ǹ siin nyaa,
Zakɔba a kii na á pɛ.
22Ka da ǹ nɛ,
siin mɛnɛn bɛ́ die,
ka bɛn pɛ wɔ nɛ.
Lɛlɛ siin kɛn nə goã lɔn,
ka bɛ pɛ wɔ nɛ.
Ka ǹ nyaa wɔ nɛ,
wɔ n taasɛ ǹ ganaa.
Wɔ á re bɛn kio siin doɛ̃.
Biɛ̃ ǹ siin kɛn, ka ǹ pɛ wɔ nɛ,
wɔ dɔ̃ sii mɛn bɛ́ re n zɛnɛɛ.
23Sii mɛn bɛ́ re n zɛnɛɛ biɛ̃,
ka bɛ pɛ wɔ nɛ.
Wɔ á re doɛ̃ ka bɛ nɛ,
wáa ka ǹ lawan lɛa.
Ka sii bǐɛ̃ hinlaa sii baraa zɛnaa,
laa ka sii kɔn zɛnaa wɔ yii yɛ,
wɔ boo la wɔ ga a ganaa kun.
24Sɛnɛ, kaa màn kɔn din lɛa wa.
Ka bɛ́ siin mɛnɛn zɛnɛɛ, kooro ne.
Min mɛn bɛ́ ka biɛ lawa lɛa,
bɛ n min bɔbɔnɛɛ lɛa.
25Má min da zii la gɔsɛ a lɛ̀gɔn la,
a n boe wasa a bɔ ǹ bǎã-n die.
A n ma tɔ guguru koe.
A n tɔrɛ gánadɛnan la,
ka ǹ bɛ́ tɔrɛ bɛrɛɛ la lɔn,
ka dɔn-bɔle bɛ́ gì tɔrɛ a gòã-n lɔn.
26Die na á bɛ pɛ wɔ nɛ
a giala-kɔ li,
mà wɔ dɔ̃?
Die na á n gɔn waa wɔ-n lɛlɛ,
mà wɔ pɛ mà sonbore ne?
Ka bii min kɔn màn kɔn pɛ wa.
Min kɔn nə n lɛ bũ wa.
Min boo kɔn din ma ka lɛ-n wa.
27Ma din Dɛnaa Lawa n má
a boo da *Siɔn bibinaa nɛ,
má maa dia dí-a wole
dia Zeruzalɛmu
máa a wo boo tii kɔɔ̃n pɛ.
28Má ga tɛrɛɛ nɛ,
ma min kɔn yɛ wa.
Ǹ bii, ǹ kɔn banban
a na a taasiɛn nyaa wa.
Min banban, nɔ̀n nə́ boe la
a n da la wa.
Min kɔn banban a boo binyəə
kɔ ma la wa.
29Á ke, ǹ ba màn kɔn lɛa wa,
ǹ ba màn kɔn zɛnɛɛ wa.
Ǹ dìn kɛn man piɛ̃ lɛa,
màn kooron lɛa.
San Bible Protestant Edition © Bible Society of Burkina Faso, 2011.