Ɛsit 10
10
1Kii Zɛrzɛsi lɛ nyin giɔ̀mɔ saraa da gána lɛ mìi ni, ka gána sɔsɔɔn kɛn nɛ. 2Kii lɛ sii dadaran mɛnɛn tumaa zɛnaa ka foo tãbaa nɛ, a Mardoose saa á da lon lɔn á golebaa kɔ la, bɛn ǹ boo tá kiɛ̃ nɛ Mɛdi gána laanka Pɛrsi gána a kiin sɛ́wɔ kɛ nɛ. 3A giala, bɛ̀ gána lɛ a goledɛnaabaa yoo Zɛrzɛsi la, a n doe Zuifun giĩ Mardoose din ganaa. Mardoose na á goã *min gole lɛa Zuifun lɛn gɔn. Mardoose lɛ dɔɔ̃nɔn tumaa goã narɛ, a giala a na á goã giɛ a minin lɛn bǐɛ̃ kɔ li, a ń dí nyɛɛ a tɔrɔn lɛn tumaa a là nyantoro yɛ taman yii.
San Bible Protestant Edition © Bible Society of Burkina Faso, 2011.