Vẽnegre 18
18
Babilond lʋɩɩse
1Rẽ zugẽ, mam yãnda malɛɛk a to sẽn tar pãn-kãseng sẽn yi arzãn n sigda, n tar noor sõama la a zĩirã kõo dũniyã vẽenem. 2#Eza 21.9, Zer 51.8, Vẽn 14.8, Eza 13.21, Zer 50.39Malɛɛkã zẽka a koɛɛg ne pãng n yeele:
A lʋɩɩme! A lʋɩɩme!
Babilond kãsengã lʋɩɩme!
Yẽnda lebga zĩn-dãmb yiri, la zĩ-dẽgd fãa, la bõn-yɩgd‑rẽgd fãa, la rũm‑dẽgd buud fãa nebã sẽn kis zĩiga. 3#Eza 23.17, Zer 51.7Soolem dãmba fãa sẽn yũ Wẽnnaam sũ-puugr wa reezẽ rãam yẽnda yoobã yĩnga, tɩ dũni rĩm-dãmb maan yoob ne yẽnda, la tɩ dũni lɛɛbdb tũnug yẽnda nag-teedã pãng n lebg arzegs rãmba.
4 #
Eza 48.20, Zer 50.8, 51.6,45 La mam wʋma koɛɛg a to sẽn yi arzãn n yeele: Mam nebã, yi-y tẽngã pʋga, tɩ y ra wa n naag n maan yel-wẽn ning a sẽn maandã, la tɩ y ra wa n naag yẽnda n paam tood nins sẽn na n paam-a wã ye. 5#Sɩng 18.20,21, Zer 51.9Bala, yẽnda yel-wẽnã zamame hal n tãag arzãna, la Wẽnnaam tẽega a ka-tɩrlem tʋʋmã yelle. 6#Yɩɩn 137.8, Zer 50.29Yao-y yẽnda wa yẽnda sẽn yao wã, la y lebs-a a tʋʋmã naoor a yiibu! Wamd ning pʋgẽ a sẽn kiigã, kiig-y-yã a woto naoor a yiib n kõ-a. 7#Eza 47.7-9Yẽnda sẽn waoog a meng n kẽ nagma pʋgẽ n ta zĩig ningã, kɩt-y t'a toogã ne a sũ-sãangã ta a boto. Bala, a yeta a sũurẽ yaa: Mam zĩi wa rĩm-poaka, mam ka pʋg‑kõore, la mam kõn tol n paam kũum sũ-sãang ye. 8Rẽnda yĩngã, yẽnda toodã na n waa daar a yembr pʋgẽ. Bãag sẽn na n kʋ-a, sũ-sãanga, kom, la bugum na n dɩ-a lame. Bala, Zu-soab a Wẽnnaam, sẽn kaood-a yẽnda bʋʋdã yaa pãn-kẽeng soaba.
9 #
Eze 26.16,17 Dũniyã rĩm-dãmb nins fãa sẽn maan yoob ne tẽn-kãngã, la b paam te-neeb ne yẽnda wã sã n wa yã tẽngã sẽn dɩt bugmã bug-zõose, b na n yãbame n wiis a yĩnga. 10Bãmb sẽn zoet rabeem tɩ yẽnda toogã na n wa paam bãmbã yĩnga, b na n yalsa yɩɩg n yeel yaa: Kayto! Kayto! Tẽn-kãsengã, Babilond tẽng sẽn tar pãnga! Fo sɩbgr waa wakat a yembr pʋgẽ bala. 11#Eze 27.31,36La dũni fãa toandb yãbdame n wiisd yẽnda yĩnga, ned baa a yembr sẽn ka leb n daad bãmb koosmã yĩnga: 12#Eze 27.12,13,22Yaa sãnem, la wanzuri, la kug sẽn be yõod wʋsgo, la pɛrl‑dãmba, la lamd gĩs-bãaneg peen-sõamyã, la peen-miu-kẽese, la peen‑fʋlfʋle, la pɛɛl sẽn yaa miuug masɩ, la raoog buud fãa sẽn tar yũ-noogo, la teoog buud fãa sẽn maan ne wob-yẽna, la teed buud fãa sẽn maan ne raad sẽn be yõod wʋsgo, la sẽn maan ne zũudu, la kutu, la kug sẽn boond tɩ marbre, 13kanell#18.13 Kanelle: Yaa tɩɩg buud a yembr pagd sẽn tar yũ-noogo, tɩ b dag n tar-a n ningd rɩɩbẽ. B dag n tar-a lame me n maand parfẽ rãmba. la ra-pegd buud sẽn tar yũ-noogo, la zẽ-biis sẽn kõt yũ-noogo, la tɩdare, la vãad buud b sẽn boond tɩ miiri, la wisdu, la reezẽ rãam, la kaam, la zom-bãanega, la koodo, la niig ne piisi, la wed-moose, la terok-rãmba, hal baa ninsaalba. 14Fo sẽn da rat bũmb ning ne f sũur fãa wã loog n basa foom. Bõn-sõamy wã fãa, wall bõn-neebã menemame n bas foom, la ned kõn leb n yãnd-b abada. 15#Eze 27.31,36Toandb nins sẽn tũnug Babilond n lebg arzegs rãmbã sẽn zoet rabeem ne toog ning sẽn na n paam tẽn-kãngã yĩngã, b na n yalsa yɩɩga, n yãbe, n maan sũ-sãanga. 16Bãmb na n yeelame yaa: Kayto! Kayto! Tẽn-kãsengã sẽn dag n yer peen‑neer fut la fu-miu-kẽesã, la fut sẽn yaa miid mas n nags a meng ne sãnem ne kug-neeb la pɛrl dãmbã! 17#Eza 23.14, Eze 27.26-30Wakat a yembr pʋgẽ bala, arzegs wʋsg a woto sãamame. Koom kogond zu-soben-dãmbã fãa ne neb nins fãa sẽn be koom kogendã pʋsã, la koom kogendã pʋg tʋmtʋmdbã ne neb nins fãa sẽn tolemd ne koom kogendã dag n yasa yɩɩga, 18#Eze 27.32la b sẽn yã bugmã sẽn dɩt tẽngã bug-zõosã, b kelmame n yeele: Tẽn-bʋg n dag n wẽnd tẽn-kãsengã? 19#Eze 27.30-34Bãmb da yugda b zut tom, n yãbda n maand sũ-sãang wa ned n ki, la b kelemdẽ n yetẽ: Kayto! Kayto! Tẽn-kãseng ning sẽn dag n tar paoong wʋsg tɩ neb nins fãa sẽn tar koom kogond ko-kãsengã zugã tũnug be n lebg arzegs rãmbã, wakat a yembr pʋgẽ bala, a lebga rasempʋɩɩga. 20#Tõ 32.43, Zer 51.48Arzãna, maan sũ-noog ne bũmb ning sẽn paam-a wã. Yãmb me sẽn welg toor Wẽnnaam yĩnga, la tẽn-tʋmdbã ne Wẽnnaam no-rɛɛsdbã, maan-y sũ-noogo. Bala Wẽnnaam sẽn kao tẽngã bʋʋdã, b roka yãmb sũuri. 21#Zer 51.63,64, Eze 26.21Dẽ, malɛɛk sẽn tar pãng tebga kugr sẽn wẽnd neer sẽn yaa bedr n lob-a ko-kãsengã pʋgẽ n yeele: B na n tusa Babilond sẽn yaa tẽn-kãsengã a woto ne pãng n lubi, la ned kõn leb n yãnd-a yɛs ye. 22#Eze 26.13, Eza 24.8#Zer 7.34, 25.10La ned kõn leb n wʋm pend-wẽedbã, la yʋʋmbã, la wɩɩs ne bar-pɛɛbdbã rãamd fo pʋgẽ ye. Ned kõn leb n yãnd nug-tʋʋmd buud baa a yembr soab beenẽ ye, la ned kõn leb n wʋm neer rãamd beenẽ ye. 23Fɩtl vẽenem kõn leb n yãg be ye, la ned kõn leb n wʋm pʋg-paal sɩd ne a pʋg-paalã koees beenẽ yɛs ye. Bala, fo toandbã dag n yaa dũni nin-kãsemse, fo belga soolem dãmbã fãa ne f bagrã. 24#Zer 51.49La b yãnda Wẽnnaam no-rɛɛsdbã ne nin-sõamyã, la neb nins fãa b sẽn kood dũniyã zugã zɩɩm fo pʋgẽ.
Currently Selected:
Vẽnegre 18: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
