Vẽnegre 11
11
Kaset dãmb a yiibu
1 #
Eze 40.3, Zaka 2.5,6 B kõo maam tãnwĩig sẽn wẽnd wa dasaar n yeel maam yaa: Yik n mak Wẽnnaam doogã ne tẽn-kugrã, la neb nins sẽn be beenẽ n pʋʋsdẽ wã. 2#Luk 21.24La f bas Wẽnnaam doogã samandã kɛɛng n da mak-a ye, tɩ bala, b kõ-a-la bu-zẽmsã, la bãmb na n taba tẽn-sõngã kiis pis-naas la a yiibu.
3Mam na n kõo m kaset dãmb a yiibã pĩnd-n-bãngr goam kũuni, tɩ b yeelg bot n togs bãngr goamã rasem tusr la kobs-yi la pis-yopoe. 4#Zaka 4.3,11-14Yaa bãmb la Oliiv tɩɩs a yiibã, la fɩtl-dogends a yiibã sẽn yas tẽngã Zu-soabã taoorã. 5Ned sã n dat n nams-ba, bugum n yit bãmb noorẽ wã n dɩt b bɛɛbã. N-yẽe, ned sã n dat n nams-ba, yaa tɩlɛ tɩ kũum a woto kʋ-a. 6#1Rĩm 17.1, Yik 7.17-19, 1Sãm 4.8Bãmb tara pãn-tõog tɩ pag yĩngri, tɩ saag ka ni dasem nins bãmb sẽn togsd pĩnd‑bãngr goamã wakate, la b tar pãn-tõog n tõe n tek koomã tɩ lebg zɩɩm, la b kɩt tɩ tood buud fãa paam nebã tẽng zugu, wakat ning fãa b sẽn date.
7 #
Dãn 7.7, Vẽn 13.5-7, 17.8,
Dãn 7.21
Bãmb sã n wa kɩs b kasetã n sɛ, rũng ning sẽn yit bog-zulungẽ wã na n yika zabr ne bãmba, n tõog-ba, n kʋ-ba. 8#Eza 1.9,10La b kũumã na n paa tẽn-kãseng ning b sẽn boond sɩɩg wɛɛngẽ tɩ Sodom la Ezɩptã pʋgẽ, vɩʋʋgẽ, zĩig ning meng b sẽn dag n ka bãmb Zu-soabã da-pɩk zugã. 9Tẽms toay-toay nebã, la buud toay-toay nebã, la neb sẽn gomd goam buud toor-toore, la soolem toay-toay neb na n yãnda bãmb kũumã rasem a tãab la pʋɩ-sʋka, la b kõn sak tɩ b rɩk-b n tɩ mum ye. 10Dũni nebã na n maana sũ-noog ne bũmb ning sẽn paam kaset dãmb a yiibã, la b na n kɩdmame. Bãmb na n tʋma kũun n kõ taaba. Bala Wẽnnaam no-rɛɛsdb a yiib kãens da namsa nebã sẽn be tẽngã zugã. 11#Eze 37.10La rasem a tãab la pʋɩ-sʋkã zugẽ, vɩɩm sɩɩg sẽn yi Wẽnnaam nengẽ kẽe bãmb pʋsẽ la b yikame n yals b nao zutu. Rabeem kãseng yõka neb nins sẽn yãt bãmbã. 12#2Rĩm 2.11No-rɛɛsdb a yiibã wʋma koɛɛg sẽn yi arzãn n yeel-b yaa: Wa-y yĩngr ka! Bãmb kẽe sawadgẽ n zẽk n kẽng arzãna, la b bɛɛbã yãnda bãmba. 13#Vẽn 6.12, 16.18Wakat-kãng bala, tẽn-digimdg sẽn yaa kãseng zĩndame, la tẽngã pʋɩɩr a yembr piig sʋk sirgame. Tẽn-digimdg‑kãng kʋʋ neb tus a yopoe, la rabeem yõka neb a taabã, la b kõo saasẽ Wẽnnaamã waoogre. 14Toog a yiib soabã loogame. Ad keta bilf tɩ toog a tãab soabã wa.
Baorg a yopoe soaba
15 #
Yik 15.18, Dãn 2.44, 7.14,27 Malɛɛk a yopoe soabã peeba baorgo. La koe-kãsems zĩnda arzãn n yeel yaa: Dũniyã soolem lebga tõnd Zu-soabã ne bãmb Kirisã n so. Bãmb na n dɩɩ naam zamaan woo zamaana!
16Kãsem-dãmb pisi la a naasã sẽn dag n zao b gɛyã zut Wẽnnaam taoorã wõgemdame n fõgen b nens tẽng n waoog Wẽnnaam n yeele: 17Zu-soab a Wẽnnaam Sẽn‑Tõe‑Fãa, sẽn be, la sẽn dag n be wã, tõnd pʋʋsd-y‑la barka, yãmb sẽn deeg y pãn-kãsengã la y sẽn zĩndg y naamã yĩnga. 18#Yɩɩn 2.5, 110.5, Yɩɩn 115.13Soolem toay-toayã rãmb ra yika b sũyã, la yãmb sũ-puugrã waame, la wakat taame tɩ y na n kao neb nins sẽn ki wã bʋʋdo, la y keo y no-rɛɛsdbã sẽn yaa yãmb tʋmtʋmdbã ne y nin-tũusdsã la neb nins sẽn zoet yãmb yʋʋrã, nin-tals la nin-kãsemse, la y sãam neb nins sẽn sãamd tẽngã.
19 #
Vẽn 8.5, 16.18,
Vẽn 16.21
B paka Wẽnnaam doogã sẽn be arzãnã, la b yãnda Wẽnnaam kãabg koglgã b roogã pʋga. Sa-yãgbo, la koeese, la sa-kelemse, la tẽn-digimdg ne sapɩlem wʋsg zĩndame.
Currently Selected:
Vẽnegre 11: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
