A Zeremi 35
35
A Zeremi ne a Rekaab yagensã
1 #
2Rĩm 23.36—24.6, 2Kib 36.5-7 Sẽn-Ka-Saab goma ne a Zeremi wakat ning a Zoziyaas biig a Yoyakim sẽn dag n dɩt naam Zʋʋda wã n yeel-a yaa: 2Kẽng a Rekaab yagensã nengẽ n tɩ gom ne-ba. Tall-b n kẽng Sẽn-Ka-Saab roogã ro-pʋg a yembr pʋgẽ, n kõ-b reezẽ rãam. 3Dẽ, mam tɩ peega a Habatsiniya biig a Zeremi#35.3 Zeremi: B sẽn gomd Zeremi ning yell kaanẽ wã yaa Zeremi a to. biig a Yazaniya, ne a saam-biisã, la a kom-dibli wã fãa, n paas a Rekaab yagensã fãa, 4n tall-b n kẽng Sẽn-Ka-Saab roogẽ wã, roog ning b sẽn kõ a Igdaliya sẽn yaa Wẽnnaam daoã biig a Hanan kambã. Ro-kãng pẽe nanambsã roogo, la a be a Salum biig a Maaseya sẽn yaa rigno-gũudã zugu. 5Mam dɩgla wũmbli sẽn pid ne reezẽ rãam a Rekaab yagensã taoore, ne wama, la m yeel-b yaa: Yũ-y reezẽ rãam! 6La bãmb leokame yaa: Tõnd ka na n yũ reezẽ rãam ye, bala a Rekaab biig a Yonadaab sẽn yaa tõnd yaabã yeela tõnd yaa: ‹Bɩ yãmb ne y kambã ra tol n yũ reezẽ rãam ye. 7Bɩ yãmb da me roto, wall y bʋd bõn-buudu, wall y sel reezẽ tɩɩse, wall y tall reezẽ tɩɩs me ye. Yãmb vɩɩmã tɛka, y na n zĩnda fu-rot pʋse. Woto, yãmb na n vɩɩmd n kaoosa tẽn-kãngã yãmb sẽn yaa sãamb a pʋgẽ wã. 8Tõnd saka bũmb nins fãa tõnd yaab a Yonadaab sẽn dag n yeel tõndã. Dẽ wã, tõnd mensã wall d pagbã ne d kom-dibli wã la d kom-pugli wã ka na n tol n yũ reezẽ rãam abada. 9Tõnd ka met rot n kẽedẽ, d leb n ka tar reezẽ tɩɩs d sẽn kood me ye. 10Tõnd gãee fu-rot pʋse. Tõnd sakda bũmb nins fãa tõnd yaab a Yonadaab sẽn yeel tõndã, n ka kɩɩsd ba a yembr ye. 11Babilond dĩm a Nebukatnedzaar sẽn wa n yãmb tẽn-kãngã wã, tõnd yãka yam n na n zoe n kẽng Zeruzalɛm, sẽn na yɩl n põs Babilond ne Siiri tãb-biisã! Yaa rẽ n kɩt tɩ tõnd be Zeruzalɛm. 12Dẽ, Sẽn-Ka-Saab yeela a Zeremi yaa: 13Saasẽ-Pãng-Soabã sẽn yaa Israyɛll Wẽnnaamã yetame: «Kẽng n tɩ yeel Zʋʋda ne Zeruzalɛm nebã tɩ maam a Sẽn-Ka-Saab sokdame yaa: Yaa bõe tɩ yãmb ka sakd mam demsgã, la y ka kelgd mam goamã?» 14A Rekaab biig a Yonadaab yeela a yagensã tɩ b ra yũ reezẽ rãam ye. Sɩd me, hal tɩ ta rũndã, bãmb saka b yaabã noore, n ka yũud reezẽ rãam ye. La mam meng yaool n goma ne yãmb n ka tol n bas ye, la yãmb ka kelg maam ye. 15Mam tʋma m tʋmtʋmdbã sẽn yaa m no-rɛɛsdbã fãa yãmb nengẽ, tɩ b wa yeel yãmba, tɩ m kotame tɩ yãmb ned kam fãa wẽnemd n bas a manesem-wẽngã, la a maan sẽn zemse. B yeela yãmb tɩ y bas bu-zẽmsã wẽnnaam-dãmb waoogre, tɩ yãmb tõe n pa tẽng ning mam sẽn kõ yãmb ne y yaab-rãmbã pʋgẽ. La yãmb ka sak n kelg maam ye. 16A Rekaab biig a Yonadaab sakda noor ning b yaabã sẽn kõ bãmbã, la nin-bãmbã ka kelgd maam ye! 17Woto yĩnga, maam a Sẽn-Ka-Saab sẽn yaa Saasẽ-Pãng-Soab a Wẽnnaam, n yaa Israyɛll Wẽnnaamã yetame: «Mam na n kɩtame tɩ toog ning mam sẽn dag n yeel t'a na n paama Zʋʋda ne Zeruzalɛm nebã fãa wã paam-ba, mam sẽn gom ne bãmb tɩ b ka kelgã yĩnga, la m sẽn bool bãmb tɩ b ka sakã yĩnga.» 18Dẽ, a Zeremi yeela a Rekaab yagensã yaa: «Saasẽ-Pãng-Soabã sẽn yaa Israyɛll Wẽnnaamã yetame: ‹Yãmb sẽn sak y yaab a Yonadaab noore, n maan bũmb nins fãa a sẽn yeel yãmbã yĩnga,› 19maam a Saasẽ-Pãng-Soabã sẽn yaa Israyɛll Wẽnnaamã yetame: ‹Ned kõn tol n kong a Rekaab biig a Yonadaab yagensã sʋk sẽn na n yals mam taoor ye.› »
Currently Selected:
A Zeremi 35: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
