Bʋ‑kaoodba 17
17
A Mika ne a bõn-naandgã kibare
1Ned a yembr n dag n be Efrayiim soolem ning sẽn be tãms sʋkã pʋga, t'a yʋʋr boondẽ t'a Mika. 2A Mika yeela a ma wã yaa: «Mam wʋma fo sẽn dag n kãabd ned ning sẽn zuk-a fo wanzuri ligd koeems tusr la koabgã. Ade, wanzuri wã bee ne maam, yaa maam n dag n dɩk-a.» La a ma wã yeel-a lame yaa: «Bɩ Sẽn-Ka-Saab barkã zĩnd m biigã zugu.» 3La a Mika rɩka wanzuri ligd koeems tusr la koabgã n lebs a ma wã. La a ma wã yeelame: «Mam na n welga wanzuri-kãngã toor kõ Sẽn-Ka-Saab yĩnga, n kɩt tɩ b yẽneg n dõog wẽn-naandg m biigã yĩnga. Rẽ wã, m biiga, mam dɩkd-a lame n lebsd foom moasã.» 4La biigã lebg n dɩka wanzuri wã n lebs a ma. A ma wã yãka wanzuri ligd koeems kobs-yi n kɩs yõaka, la yõakã rɩk-a lame n yẽneg n dõog wẽn-naandga. La b rɩka wẽn-naandgã n ning a Mika roogẽ wã. 5A Mika kell n maana wẽn-naands pʋʋsg roogo#17.5 Wẽn-naands pʋʋsg roogo: Zĩis kẽere, b gʋlsame tɩ Wẽnnaam pʋʋsg roogo.. Yẽnda maana a maan-kʋʋr fuugu, la a maan a wẽn-naandse, la a yãk a biig a yembr t'a lebg yẽnda maan-kʋʋda.
6 #
Bʋ 21.25
Wakat-kãnga, Israyɛll nebã rag n ka tar dĩm ye. Ned kam fãa rag n maanda wa a sẽn tagsd tɩ zemsame. 7Leevi buudã bi-bɩɩg a yembr n dag n wa n kẽed Betlehɛm sẽn yaa Zʋʋda buudã soolmã pʋga. 8Rao-kãng yii Betlehɛm sẽn yaa Zʋʋda soolmã n na n kẽng n tɩ bao zĩig a to n kẽ. La yẽnda kẽname n tɩ ta Efrayiim soolem ning sẽn be tãms sʋkã, n ta a Mika yirã. 9A Mika sok-a lame t'a yita yɛɛnẽ. La a leokame tɩ yẽnda yaa Leevi neda, n yit Betlehɛm sẽn yaa Zʋʋda soolmẽ, n baooda zĩig a sẽn tõe n paam n kẽ. 10La a Mika yeel-a lame yaa: «Bɩ y wa zĩnd ne maam, n lebg m ba#17.10 M ba: Rat n yeelame tɩ b rag n geelgda maan-kʋʋd buudã fãa tɩ ba. la m maan-kʋʋda, la yʋʋmd fãa, mam na n kõo yãmb wanzuri wakɩ-koeems piiga, la m kõ-y fut ne rɩɩb tɩ sek-yã.» La Leevi bi-bɩɩgã yam dag n yuusdame. 11La yẽnda baas n sakame n zĩnd a Mika yirã. Dẽ, a Mika rag n get-a-la wa a meng biiga. 12A Mika kɩtame tɩ Leevi bi-bɩɩgã lebg yẽnda maan-kʋʋda la a kell n paa yẽnda yirã. 13Dẽ, a Mika yeelame yaa: «Moasã, mam miime tɩ Sẽn-Ka-Saab na n maan-m-la neere, bala, mam paama Leevi buudã ned t'a lebg m maan-kʋʋda.»
Currently Selected:
Bʋ‑kaoodba 17: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
