Zake 5
5
Keoogr arzegs rãmbã yĩnga
1Moasã, mam gomda ne yãmba, arzegsã rãmba! Wɩsg-y y meng n yãbe, tood nins sẽn na n wa yãmb zutã yĩnga! 2#Mat 6.19Yãmb arzɛkã põogame. Zũnzũy rɩɩ yãmb futã. 3Tẽngempiisim n dɩ yãmb sãnemã ne y wanzuri wã, la b tẽngempiismã na n yɩɩ kaset sẽn kaood yãmb bʋʋdo, n sãam yãmb yĩngã wa bugum. Yãmb tigsa paoong moasã wakat sẽn yaa yaoolmã n bĩngi. 4#Tõ 24.14,15Ade, tẽn-tʋmdb nins sẽn tigs yãmb koodã tɩ yãmb yaool n ka yao-bã kelemdame. Tigsdbã kelems zẽk n taa pãn-kẽemd soabã tʋbẽ. 5Yãmb vɩɩmda rɩ-n-tɩk pʋgẽ, la teed sẽn nags sʋka. Yãmb wuba y mens sãoong daarã yĩnga. 6Yãmb kaoo nin-tɩrg bʋʋd n kʋ-a, la yẽnda ka kɩɩs yãmb ye.
Sũ-mare ne pʋʋsgo
7Woto yĩnga, m ba-biisi, maan-y sũ-mar hal tɩ ta Zu-soabã waoongo. Ad ka-koaad gũuda a pʋtã bi-sõamyã n pid ne sũ-mar a yĩnga, hal t'a paam sigr saaga la bõn-bɩʋʋng saaga. 8Bɩ yãmb me maan sũ-mare, n keng y raoodo, bala, Zu-soabã waoong kolgame.
9M ba-biisi, da yẽgm-y ne taaba, tɩ Zu-soabã ra wa kao yãmb bʋʋd ye. Ad bʋ-kaoodã yɛsa dignoorẽ wã. 10M ba-biisi, dɩk-y Wẽnnaam no-rɛɛsdbã sẽn gom Zu-soabã yʋʋrã yĩngã mamsgo la b sũ-marã tɩ yɩ mamsg yãmb yĩnga. 11#Zoob 1.21,22, 2.10, Yɩɩn 103.8Gese, tõnd yetame tɩ neb nins sẽn yals-b kãenkãe wã yaa sũ-noog rãmba. Yãmb wʋmame tɩ b gom a Zoob sũ-marã yelle, la yãmb yãnda baoosg ning Zu-soabã sẽn kõ-a wã. Bala,
Zu-soabã pida ne nonglem la nimbãan-zoeere.
12 #
Mat 5.34-37
M ba-biisi, sẽn yɩɩd fãa, bɩ y da wẽen ne arzãna, wall ne tẽngã, wall ne wẽeneg buud a to ye. La bɩ yãmb n-yẽe yɩ n-yẽe, tɩ yãmb ayo yɩ ayo tɩ bʋʋd da wa n lʋɩ y zut ye.
13Ned bee yãmb sʋk n namsdẽ? Bɩ a pʋʋse. Ned n tar sũ-noogo? Bɩ a yɩɩl Wẽnnaam yɩɩla. 14#Mark 6.13Ned n be yãmb sʋkã n ka keeme? Bɩ a bool Wẽnnaam nin-tũusdsã kãsem-dãmbã, la bɩ bãmb tik-a ne kaam ne Zu-soabã yʋʋre, n pʋʋs a yĩnga. 15Tẽeb pʋʋsg na n fãaga bãadã, la Zu-soabã na n yik-a lame, la a sã n da maana yel-wẽna, a na paam sugri.
16Woto yĩngã, vẽneg-y n togs-y taab y yel-wẽna, la y pʋʋs taab yĩnga, tɩ y tõe n paam maagre. Nin-tɩrg pʋʋsgo, a sẽn pʋʋs ne a sũur fãa tara tõogr wʋsgo. 17#1Rĩm 17.1, 18.1A Eli dag n yaa ninsaal wa tõndo. A pʋʋsa ne pẽdgre, tɩ saag kõn ni ye, la saag ka tok tẽng yʋʋm a tãab la kiis a yoob ye. 18#1Rĩm 18.42-45La a leb n pʋʋsame, la saag yii yĩngr n ni, la tẽng bõn-koaadl woma biisi.
19M ba-biisi, yãmb ned a yembr sã n menem n zãag ne sɩdã, tɩ ned a to leb n tall-a t'a wa a pʋgẽ, 20#Yel 10.12, 1Pɩy 4.8bɩ y bãng tɩ ned ning sẽn leb n tall-a yel-wẽn-maandã t'a bas meneng sorã n lebg n wa wã, a fãaga ned yõore, la a sõng-a t'a paam yel-wẽn wʋsg sugri.
Currently Selected:
Zake 5: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
