A Ooze 13
13
Israyɛll na n sãamame
1Efrayiim nebã sã n dag n gome.
Nebã rigda ne rabeem.
Bãmb n dag n so Israyɛlle.
La bãmb sẽn waoog Baall n beegã,
B kiime
2Moasã bãmb yel-wẽnã paasdame,
Bãmb dõoga bõn-naandg ne b wanzuri wã,
la b maan wẽn-naands b toore.
Bõn-kãens fãa yaa tʋʋm-mitb nus tʋʋma.
B yeta bãmb wɛɛngẽ yaa:
Neb nins sẽn maand maoong ne ninsaalbã,
b tõe n moka lolse!
3Yaa rẽ n kɩte,
tɩ b na n yɩ wa yibeoog wulgu,
wa yibeoog meenem sẽn mesgdã,
wa wudg sobg sẽn dɩkd zɛɛgẽ,
la wa bug-zõos sẽn yit roog võorẽ.
4Mam yaa Sẽn-Ka-Saab n yaa yãmb Wẽnnaam.
Hal sẽn sɩng Ezɩpte,
Yãmb ka mi Wẽnnaam a to,
sã n ka maam ye.
La fãagd a to ka be sã n ka maam ye
5 #
Tõ 8.11-17
Maam n bãng yãmb we-raoogã pʋga,
tẽng sẽn yaa koɛɛng pʋgẽ.
6Bãmb paama yamd zĩig n wãb n tɩge.
Bãmb sẽn bãng tɩ b wãb n tɩgame,
b wuka b mens n yĩm mam yelle.
7Mam lebga wa gɩgemd bãmb yĩnga.
Mam na n gũusa bãmb wa ãbg sẽn be sor zugu.
8Mam na n sega bãmba,
wa b sẽn wʋk rũm-toaag kamb t'a zabdẽ.
Mam na n pãrsa bãmb yãadã
Mam na n wãba bãmb beenẽ wa gɩgem-yãanga,
We-rũmsã na n beesa bãmba.
9Israyɛll nebã, woto na n yɩɩ yãmb sãoongo,
Yãmb sõangd yaool n dag n yaa maam.
10 #
1Sãm 8.5,6 Yãmb dĩmã bee yɛɛnẽ moasã?
Bɩ a wa sõng yãmb tẽmsã fãa pʋse.
Yãmb bʋ-kaoodbã bee yɛɛnẽ?
Bʋ-kaoodb nins yãmb sẽn dag n gomd
b wɛɛngẽ n yetẽ tɩ b kõ yãmb dĩm
ne nanambsã.
11 #
1Sãm 10.17-24,
1Sãm 15.26
Mam kõo yãmb dĩm m sũ-yikrã wakate.
La m deeg-a-la m sũ-puugrã wakate.
12B gʋlsa Efrayiim nebã kongrã ne b yel-wẽnã n bĩngi.
13Bãmb na n namsa wa pag sẽn kũmd rogem.
La yaa biig sẽn ka yam,
Yẽnda rogem taame,
La a ka rat n yi a ma pʋgẽ ye.
14 #
1Kor 15.55
Mam na n fãaga bãmb kɩɩm-kulgu,
La m na n fãag-b-la ne kũum.
Kũum, fo toog bee yɛɛnẽ?
Kɩɩm-kulgu, fo sãoong bee yɛɛnẽ?
Mam ka leb n tar nimbãan-zoeer ye!
15Baa bãmb sẽn womd biis b ba-biisã sʋkã,
seobgã na n yii yaanga,
Sẽn-Ka-Saab sobg sẽn yit we-raoogã pʋga,
n wa kʋɩɩs a koomã ne a bulsã.
Sẽn-Ka-Saab n na n wa fã laogã
sẽn yaa te-sõama fãa.
Currently Selected:
A Ooze 13: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
