A Ooze 10
10
Israyɛll soolmã sɛɛbo
1Israyɛll dag n yaa reezẽ tɩɩg sẽn be zĩ-sõngẽ,
n womd biisi.
La a biisã sõor sẽn dag n lebgd wʋsgã,
a paasda a tẽn-kugã me sõore.
A paoongã sẽn dag n paasdã,
a manega a kug-vigindsã tɩ b lebg neeba.
2Bãmb yaa yam a yiib rãmba.
Moasã, bãmb kongrã na n luɩ b zugu.
Sẽn-Ka-Saab na n wãa bãmb tẽn-kugã.
3La moasã, bãmb yetame:
Tõnd ka tar dĩm ye.
Bala, tõnd ka zoe Sẽn-Ka-Saab rabeem ye.
La rĩmã, bõe la a na n maan tõnd yĩnga?
4Bãmb wẽeda nokoɛɛma,
n wẽend zĩrẽ-be-wẽenego,
la b maand kaoola.
Sɩbgrã na n yii wa tɩɩg sẽn tar zẽnem
sẽn yit pʋt vũgsẽ.
5Samaari nebã na n zoee rabeem
Bet-Avɛn nag-sadsã poorẽ.
Nebã na n yãb n kaasa a yĩnga.
La maan-kʋʋdb nins sẽn waoogd-a wã
na n diga ne rabeem a yĩnga,
la a ziirã sẽn na n yi n bas-a wã yĩnga.
6B na n dɩk-a lame n kõ Asiiri,
t'a yɩ yaood rĩm-kãsengã yĩnga.
Yãnd na n yõka Efrayiim buudã,
Israyɛll saag-wẽnsã yãnd na n yõk-a lame.
7Samaari wãame, la a rĩmã yaa
wa tɩɩg will sẽn daeed koom zugu.
8 #
Luk 23.30, Vẽn 6.16 B na n sãama maoong kʋʋb zĩis nins
Israyɛll sẽn dag n maand yel-wẽn-kãsemsã b zutã.
Gõos ne tuud na n yii b tẽn-kugã zutu.
Bãmb na n yeela tãmsã tɩ b bus-ba,
la b yeel kunkubã tɩ b lʋɩ n yẽeg-ba.
9 #
Bʋ 19.1-30
Hal sẽn sɩng Gɩbeya,
foom a Israyɛll maana yel-wẽna.
Bãmb paa yel-wẽn-kãens pʋga,
la zabrã na n paama nin-wẽnsã Gɩbeya.
10Mam na n sɩbg-b-la wa m sẽn date.
B beegr a yiibã yĩnga,
buud toay-toay na n tigma taaba n zab ne bãmba.
11A Efrayiim dag n yaa nag-sad-wubdg
sẽn nong n tabd koodo.
La maam n balg a yublã sẽn yaa neerã.
Mam soga Efrayiim buudã ne wãka,
Zʋʋda na n koome.
La Zakoob buudã na n taka wãkã.
12 #
Zer 4.3
Israyɛll nebã, maan-y sẽn yaa tɩrga,
la y maan sẽn zems sɩda.
Tuk-y pʋ-paalle!
Wakat taame tɩ y tog n bao Sẽn-Ka-Saabo,
hal tɩ b wa kɩt tɩ tɩrlem zĩnd yãmb sʋka.
13Yãmb bʋda wẽnga, n tigs zãmbo,
Yãmb dɩɩ zĩrẽ yagb rɩɩbo.
Israyɛlle, fo sẽn teeg f meng pãngã,
la f teeg f gãndaadã sõorã yĩnga,
14bʋr-kãseng na n yii fo nebã sʋka,
la fo tẽms nins sẽn gũbg ne lalsã
na n sãama wa a Salman sẽn zab ne Bɛt-Arbɛlle,
n sãam-a wa b sẽn kʋ ma n naag a kambã.
15Yaa woto n na n paam Betɛlle,
wẽng ning yãmb sẽn maanã yĩnga.
Zĩigã sã n yẽege, Israyɛll dĩmã na n sãamame.
Currently Selected:
A Ooze 10: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
