A Ooze 1
1
1 #
2Rĩm 15.1-7, 2Kib 26.1-23,
2Rĩm 15.32-38, 2Kib 27.1-8,
2Rĩm 16.1-20, 2Kib 28.1-27,
2Rĩm 18.1—20.21, 2Kib 29.1—32.33,
2Rĩm 14.23-29
Ad koɛɛg Sẽn-Ka-Saab sẽn kõ a Beeri biig a Ooze, Zʋʋda rĩm-dãmb a Oozɩyaas ne a Yotam la a Akaaz ne a Ezekɩyaas wakate, la a Zoaas biig a Zeroboaam sẽn yaa Israyɛll dĩmã wakate.
A Ooze ne a Gomeer kambã
2Ad goam nins Sẽn-Ka-Saab sẽn tũnug a Ooze n togsã sɩngre.
Sẽn-Ka-Saab yeela a Ooze yaa:
«Kẽng n tɩ peeg pʋg-yoodr n maan f paga,
t'a rog yoodem kamba,
Bala, tẽn-kãngã nebã basa maam
a Sẽn-Ka-Saabo, wa pag sẽn bas a sɩd
n kẽng yoobo.»
3Dẽ, a Ooze kẽngame n tɩ peeg a Diblayim
bi-pugl a Gomeer n maan a paga.
A Gomeer dɩka pʋg n dog bi-ribla.
4 #
2Rĩm 10.11
Sẽn-Ka-Saab yeela a Ooze yaa:
«Pʋd biigã yʋʋr t'a Zɩzreyɛlle,
bala, keta wakat bilfu,
tɩ mam dok m sũur ne a Zehu roogã,
bãmb sẽn daag zɩɩm Zɩzreyɛllã yĩnga.
Mam na n kɩtame tɩ Israyɛll doogã rĩung sɛ.
5Badaare, mam na n kaooga Israyɛll tãpã,
Zɩzreyɛll tẽn-nabdrẽ wã.»
6A Gomeer leb n dɩka pʋg n dog bi-pugla.
B yeela yẽnda yaa: «Pʋd a yʋʋr t'a Lo-Ruhama,
sẽn dat n togs tɩ b sẽn ka zoet-a soab nimbãanega.
Bala, mam ka na n leb n zoe
Israyɛll nebã nimbãanega,
n kõ-b sugr yɛs ye.»
7La mam na n zoee Zʋʋda nebã nimbãanega.
Maam a Sẽn-Ka-Saab sẽn yaa bãmb
Wẽnnaamã na n fãag-b lame.
La ka na n yɩ ne tãp wall zabr sʋʋga,
wall ne zabr bɩ ne wiidi, wall ne saar-dãmba,
la mam na n fãag bãmb ye.
8A Lo-Ruhama sẽn bas bĩisim,
a Gomeer leb n dɩka pʋg n dog bi-ribla.
9La Sẽn-Ka-Saab yeela yẽnda yaa:
«Pʋd a yʋʋr t'a Lo-Ami,
Sẽn dat n togs tɩ ka m neb ye.
Bala, yãmb ka mam neba,
la mam me ka baa fɩ yãmb yĩng ye.»
Currently Selected:
A Ooze 1: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
