Sɩngre 9

Wẽnnaam maana kaool ne a Nowe

1 # Sɩng 1.28 Wẽnnaam ninga a Nowe ne a kom-dibli wã bark n yeel-b yaa: «Bɩ y rog n fɩɩg n pid dũniyã. 2Rũmsã fãa sẽn be dũniyã zugã, ne bõn-yɩgdɩ wã, la ne bõn-kẽndsã, ne zĩmã fãa sẽn be koomã pʋgã na n zoee yãmb wʋsgo. Yãmb na n sooga bãmba. 3Bõn-kẽnds nins fãa sẽn vɩ wã na n yɩɩ yãmb dɩɩbo. Mam kõt-b-la yãmba, wa mam sẽn kõ yãmb bõn-vãadã. 4#Mk 7.26-27, 17.10-14, 19.26, Tõ 12.16-23, 15.23La bũmb sẽn be bala, yaa tɩ yãmb ka tog n dɩ rũng ne a vɩɩm ye. Rat n yeelame tɩ y ra rɩ-a ne a zɩɩmã ye. 5Sẽn na n daag-a yãmb zɩɩm sẽn yaa y vɩɩmã, mam kõn bas a soab taal n ka sok-a ye. Sã n yaa rũng n kʋ neda, wall sã n yaa ninsaal n daag a ba-biig zɩɩm, mam na n sok-a lame. 6#Yik 20.13, Sɩng 1.26La ninsaal sã n daag a to zɩɩm, ninsaal me n na n daag yẽnda zɩɩm. Bala, Wẽnnaam naana ninsaal wa bãmb mengã wẽnego. 7#Sɩng 1.28La yãmba, rog-y kamb n pid dũniyã, la y fɩɩg n lebg wʋsg dũniyã zugu.» 8Wẽnnaam leb n goma ne a Nowe ne a kambã n yeel-b yaa: 9«Ade, mam maanda m kaool maam ne yãmb sʋka, la yãmb yagensã sẽn na n pʋgl yãmbã sʋka. 10La kaoolã na n zĩnda maam ne bõn-vɩɩsã buud fãa sẽn be ne yãmbã sʋka. Yaa bõn-yɩgdɩ wã, rũmsã, la ne we-rũms buudã fãa sẽn be dũniyã zugã, la ne bõn-vɩɩlɩ nins fãa sẽn yi koom koglgã pʋgã, la ne we-rũms nins fãa sẽn na n zĩnd dũniyã zugã sʋka. 11Mam viginda m kaoolã ne yãmba. B ka na n leb n sãam bõn-vɩɩsã ne sa-kẽeng ye, sa-kẽeng ka na n leb n zĩnd n sãam dũniyã yɛs ye.»

12Wẽnnaam yeelame: «Ad kaool ning mam sẽn maand ne yãmbã bãnde. Bãndã na n zĩnda maam ne yãmb sʋka, la ne bõn-vɩɩsã sẽn be ne yãmbã sʋka, zamaan woo zamaane. 13Mam ningda m saag gomtɩʋʋg sawatẽ, la a na n yɩɩ kaoolã bãnde, maam ne dũniyã sʋka. 14Mam sã n wa n tigim sawatã dũniyã zugu, saag gomtɩʋʋgã na puka sawatẽ wã, 15la mam na n leb n tagsa mam kaoolã sẽn be maam ne yãmb sʋkã, la ne bõn-vɩɩsã sʋkã yelle. La koomã ka na n leb tigim n yɩ sa-kẽeng sẽn na n sãam bõn-vɩɩsã fãa ye. 16Saag gomtɩʋʋgã na n zĩnda sawatẽ, la mam na n ges-a lame n tags tɩ kaool n be maam a Wẽnnaam ne bõn-vɩɩsã fãa sẽn be dũniyã zugã sʋk wakat sẽn kõn sa yĩnga.» 17Wẽnnaam yeela a Nowe yaa: «Ade, yaa bõn-kãng n na n yɩ bãnde, n wilg kaool ning mam sẽn maan maam ne bõn-vɩɩsã sẽn be dũniyã zugã sʋkã.»

A Nowe ne a kambã kibare

18A Nowe kom-dibli nins sẽn yi koglgã pʋgã yaa a Sɛm, a Kam ne a Zafɛte. A Kam yaa a Kana baaba. 19Yaa a Nowe kom-dibli a tãabã yagensã n leb n sãeeg n be dũniyã fãa pʋga.

20A Nowe sɩnga tẽn-gãongã koobo, la a sela reezẽ tɩɩse. 21La a Nowe yũu reezẽ rãam t'a nengã yilim t'a gãe a zaal fasɩ, a fu-roogã pʋga. 22A Kam sẽn yaa Kana nebã yaabã yãnda a ba a Nowe zaalã, n dɩk n yi yɩng n togs a ba-biis a yiibã. 23Dẽ, a Sɛm ne a Zafɛt rɩka fu-goabg n palg b bãgdo, n tar po-tula n tɩ lud b ba wã sẽn dag n gãe a zaalã. Bãmb sẽn dag n wẽnemd b nensã n get kɛɛngã yĩnga, bãmb ka yãnd b ba wã yãndã ye. 24La a Nowe rãamã sẽn yi, a wʋma yẽnda bi-yao wã sẽn maan yẽnda bũmb ningã. 25Dẽ, a Nowe yeelame: «Bɩ kãab-wẽng zĩnd a Kana zugu! Yẽnda na n yɩɩ a ba-biisã yembsã yamba.» 26A Nowe leb n yeelame: «Bɩ Sẽn-Ka-Saabo, sẽn yaa a Sɛm Wẽnnaamã paam pẽgre. Bɩ a Kana yɩ bãmb yamba! 27Bɩ Wẽnnaam kɩt t'a Zafɛt soolmã yalge! Bɩ yẽnda zĩnd a Sɛm fu-rotã pʋse, t'a Kana yɩ bãmb yamba!»

28Sa-kẽengã loogr poore, a Nowe leb n vɩɩmda yʋʋm kobs-tã la pis-nu n paase. 29A Nowe sẽn wa n na n ki wã t'a tara yʋʋm kobs-wɛ la pis-nu.

Currently Selected:

Sɩngre 9: MPBU

Highlight

Copy