A Ezekɩyɛlle 35
35
Pĩnd-n-bãngr goam Edom nebã yĩnga
1 #
Eza 34.5-17, 63.1-6, Zer 49.7-22, Eze 25.12-14, Amo 1.11,12, Abd 1.1-14, Mal 1.2-5 Sẽn-Ka-Saab goma ne maam n yeele:
2«Ninsaala, wẽnemd f nengã n tees Seyɩɩr soolem ning sẽn be tãms sʋkã n togs pĩnd-n-bãngr goamã. 3‹Yeel bãmb tɩ maam a Zu-soab a Sẽn-Ka-Saab yetame: Seyɩɩr soolem ning sẽn be tãms sʋka,
mam na n yika zabr ne foom,
m na n tẽega m nugã fo zugu n kɩt tɩ f
lebg zĩ-vɩʋʋgo.
4Mam na n kɩtame tɩ f tẽmsã
lebg raboodo,
la f tẽngã gill na n sãamame.
Woto, fo na bãng tɩ mam yaa Sẽn-Ka-Saabo.
5Fo sẽn dɩt beem ne Israyɛll wakat fãa n bas-b tɩ bɛɛbã kʋ-b ne sʋʋg b beegrã wakatã yĩnga, 6mam wẽenda ne m mengã, tɩ m na n daaga fo zɩɩm, la zɩɩmã na n pʋga foom, fo sẽn kisg zɩɩmã yĩnga, zɩɩm n na n pʋg foom. 7Mam na n kɩtame tɩ Seyɩɩr soolem ning sẽn be tãms sʋkã lebg zĩ-vɩʋʋgo, la m na n menesa neb nins sẽn tũud beenẽ n loogdẽ wã. 8Mam na n pidsa yẽnda tãmsã zut ne kũum. La neb nins sẽn pa tãpẽ wã kũum na n dʋra fo kunkubã zutu, ne f tãn-londã pʋse, la f bogdã fãa pʋse.
9Mam na n kɩtame tɩ fo lebg zĩ-vɩʋʋgo,
la ned kõn leb n zĩnd beenẽ ye.
Woto, yãmb na bãng tɩ mam yaa Sẽn-Ka-Saabo.› »
10Fo yeelame: «Buud a yiibã sẽn yaa tẽms a yiibã na n yɩɩ mam dẽnda, la mam na n deeg-b lame n sooge.» Sẽn-Ka-Saab yaool n dag n be beenẽ. 11Bõn-kãng yĩnga, mam wẽenda ne m meng n yetẽ tɩ mam me na n dola yãmb ne sũ-yikri la ne sũ-kiiri, wa yãmb sẽn maan bãmb y sẽn kisg-bã pʋgẽ wã. La mam sã n wa n sɩbg yãmba, mam na n kɩtame tɩ bãmb bãng mam sẽn yaa ned ninga. Maam a Zu-soab a Sẽn-Ka-Saab n yeele. 12Woto, yãmb na bãng tɩ maam a Sẽn-Ka-Saab wʋma tʋy nins fãa yãmb sẽn tʋ Israyɛll tãmsã. Yãmb yeelame: «B lebga zĩ-vɩɩdo, b rɩk-b lame n kõ tõnd tɩ b lebg tõnd dɩɩbo! 13Yãmb gom n paooga maam, yãmb goma wuk-m-men-goam n paoog maam. Mam meng wʋma gom-kãense.»
14Ade, Zu-soab a Sẽn-Ka-Saab yetame: «Tẽngã fãa sã n wa maand sũ-noogo, mam na n kɩtame tɩ fo lebg zĩ-vɩʋʋgo. 15Yãmb sẽn maan sũ-noog Israyɛll buudã soolem sẽn lebg zĩ-vɩʋʋgã yĩnga, mam me na n maana yãmb a woto. Foom a Seyɩɩr soolem ning sẽn be tãms sʋkã, fo na n lebga zĩ-vɩʋʋgo, foom ne Edom soolmã gilli! Woto, b na n bãngame tɩ mam yaa Sẽn-Ka-Saabo.»
Currently Selected:
A Ezekɩyɛlle 35: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
