A Ezekɩyɛlle 1

A Ezekɩyɛll yãnda Sẽn-Ka-Saab ziiri

1#Vẽn 19.11Mam yʋʋm pis-tã soabã pʋgẽ, yʋʋmdã kiuug a naasẽ soabã rasem a nu daare, mam sẽn wa n be ne yembsã Kebaar kʋɩlgã noorã, saasã pakame, la mam paama Wẽnnaam vẽnegre. 2#2Rĩm 24.10-16, 2Kib 36.9,10Kiuugã rasem a nu wã daar kell n zemsda ne rĩm a Yoyakẽ sẽn be yembd pʋgã tɩ yʋʋm nuunẽ. 3Badaare, Sẽn-Ka-Saab goma ne maan-kʋʋd a Buuzi biig a Ezekɩyɛlle, Kebaar kʋɩlgã noore, Kalde nebã soolem pʋga. Yaa beenẽ la Sẽn-Ka-Saab nugã zĩnd a Ezekɩyɛll zugu.

4Mam dag n getame, la ade, sob-kãseng ne sawad-taok n yi nug-rɩtg sẽnẽ n watẽ, la bug-vɩleng sẽn kɩt tɩ vẽenem yãgda, n gilg sawaodgã. La vẽenem sẽn wẽnd bug-pãrs n dag n yit bugmã tẽn-sʋka. 5#Vẽn 4.6La bugmã tẽn-sʋka, bũmb n dag n be beenẽ n wẽnd bõn-vɩɩs a naase, tɩ b yalẽ wã wẽnd ninsaala.

6La bõn-vɩɩg fãa rag n tara nens a naase, la pɩgs a naase. 7Bãmb karsã rag n yaa tɩrse, la b naoã rag n wẽnda nag-bil nao-bendo, la b rag n pɩnda wa zũud b sẽn duug tɩ pɩnda. 8Bãmb kɩrems a naasã fãa, b rag n tara nus wa ninsaal nusi, tɩ be b pɩgsã tẽngre. La bãmb b naasã ned kam fãa rag n tara a nense, la a pɩgsa. 9La bãmb pɩgsã rag n soka taaba, la bãmb sã n da rat n kẽne, b ka wẽnemded ye, bãmb ned kam fãa rag n kẽnda a taoor tɩrg bala. 10#Eze 10.14, Vẽn 4.7Bãmb ned kam fãa taoor nengã wẽnda ninsaal nenga, la b rɩtg nengã wẽnda gɩgemd nenga, tɩ b goabg nengã wẽnd loalg nenga, tɩ b poorẽ nengã wẽnd pa-nand-tugr nenga. 11Bãmb ned kam fãa pɩgs a yiib n yɛdg n tees yĩngr n sok taaba, tɩ bãmb pɩgs a yiib lud b yĩngã. 12La bãmb ned kam fãa rag n kẽnda a taoor tɩrga. Bãmb dag n kẽnda zĩig ning sɩɩgã sẽn yet bãmb tɩ b kẽngã, la b sã n kẽnda b ka wẽnemded ye. 13#Vẽn 4.5Bõn-vɩɩsã rag n wẽnda wa bug-saala. Bãmb dag n wẽnda bug-witim, la bug-vɩlense. La bugum n dag n pɩʋʋmd b sʋkã. Bugmã rag n tãoosda vẽenem, la sa-yãgb n dag n yit bugmã pʋga. 14La bõn-vɩɩsã rag n zoet n kẽngdame la b watẽ, wa sa-tãse.

15 # Eze 10.9-13 Mam dag n geta bõn-vɩɩsã, la bãmb sɛɛgẽ, ruzãnt n dag n dɩg tẽng bõn-vɩɩsã ned kam fãa nens a naasã taoore. 16La ruzãnt-dãmbã rag n yãgda wa kirzoliti, la a naasã fãa rag n wẽnda taaba. Bãmb yalẽ wã ne b naandã rag n wẽnda wa ruzãnt fãa saga a to pʋgẽ. 17Bãmb sẽn dat n kẽng kɩreng ning fãa kɩrems a naasã sʋka, b ka baood n wẽnemd ye. 18#Vẽn 4.8Bãmb b naasã fãa ruzãnt-dãmbã rag n yaa zãonglg wʋsgo, n pid ne nin b zĩig fãa. 19La bõn-vɩɩsã sã n dag n kẽnda, ruzãnt-dãmbã me yegda bãmba. La bon-vɩɩsã sã n zẽk yĩngri, ruzãnt-dãmbã me tũud n zẽkame. 20Sɩɩgã sẽn kẽndẽ fãa, bõn-vɩɩsã me kẽnda be. Bala, bõn-vɩɩsã sɩɩg rag n bee b ruzãnt-dãmbẽ wã. 21Bõn-vɩɩsã sã n dag n kẽnda, ruzãnt-dãmbã kẽndame. La b sã n yalse, ruzãnt-dãmbã me yalsdame, b sã n zẽkdẽ, ruzãnt-dãmbã me naagd n zẽkdame, bala, sẽn vɩ-a wã sɩɩg rag n bee ruzãnt-rãmbã pʋse.

22 # Vẽn 4.6 La bũmb sẽn wẽnd sa-gãongo, n pɩnd wa vɛɛr n kẽesd dabeem n dag n be bõn-vɩɩsã zugẽ n laandẽ. 23La sa-gãongã tẽngre, bãmb dag n yɛdga b pɩgs a yiibã tɩrg n sɩɩs taaba, la bãmb ned kam fãa pɩgs a yiib a taabã rag n luda a yĩngã. 24#Vẽn 1.4-15, 19.6Bõn-vɩɩsã sã n dag n kẽnda, mam wʋmda b pɩgsã rãamd sẽn wẽnd ko-kãsengã bʋrgo, bɩ Pãng-Soabã koɛɛga. La bʋrgã rag n yaa kãseng wa tãb-bi-kʋʋng bʋrgo. La b sã n yalse, b sikda b pɩgsã. 25La koɛɛg n dag n yit sa-gãongã sẽn dag n be bõn-vɩɩsã zugẽ wã zugẽ, la bãmb sã n dag n yalse, b sikda b pɩgsã.

26 # Eze 10.1, Vẽn 4.2,3 La sa-gãongã sẽn be bõn-vɩɩsã zugẽ wã zugẽ, bũmb n dag n be beenẽ n wẽnd safɩɩre, n leb n wẽnd geere. La bũmb ning sẽn wẽnd geerã zugu, bũmb n dag n be beenẽ t'a yalẽ wã wẽnd ninsaala. 27#Eze 8.2Mam leb n yãnda bũmb sẽn wẽnd bug-pãrse, n yaa wa bugum n pɩnd zĩigã fãa, sẽn sɩng ne yẽnda sɛɛgã sẽnẽ n tãag yĩngri, la sẽn sɩng ne yẽnda sɛɛgã sẽnẽ n tãag tẽngre. Mam leb n yãnda bũmb sẽn wẽnd bugum vẽenem sẽn gũbg yẽnda. 28La vẽenem ning sẽn dag n gũbg yẽnda wã rag n wẽnda wa saag gomtɩʋʋg sẽn pukd sawatẽ saag niib daarã. A yalẽ wã rag n yaa Sẽn-Ka-Saab ziirã wẽnego. La mam sẽn yã bõn-kãngã, mam lʋɩɩme n fõgen m neng tẽnga, la mam wʋma ned sẽn gomda koɛɛga.

Currently Selected:

A Ezekɩyɛlle 1: MPBU

Highlight

Copy

Compare