Yikri 24
24
Wẽnnaam maana kaool ne Israyɛll nebã
1Rẽ, Wẽnnaam yeela a Moyiis yaa: «Bɩ foom ne a Aarõ la a Nadaab ne a Abihu la Israyɛll kãsem-dãmb pis-yopoe wã kolg tãngã n wa Sẽn-Ka-Saab sẽnẽ. La bɩ y yaas yɩɩg n wõgemde. 2Bɩ a Moyiis bal kolg Sẽn-Ka-Saabo. La bɩ neb a taabã ra kolg ye, la bɩ b ra tũ yẽnda n dʋ tãngã ye.» 3A Moyiis kẽngame n tɩ togs nebã Sẽn-Ka-Saab goamã fãa la bãmb noyã fãa. La nebã fãa naaga taab n leok n yeele: «Tõnd na n maana bũmb nins fãa Sẽn-Ka-Saab sẽn yeelã.» 4La a Moyiis gʋlsa Sẽn-Ka-Saab goamã fãa. La yẽnda yika tõdbeoog n maan tẽn-kugr tãngã pende, ne kug piig la a yiibu Israyɛll buud piig la a yiibã yĩnga. 5La yẽnda yãka Israyɛll kom-bɩɩs n tʋm tɩ b tɩ maan maand sẽn yõogd bugum, la b kʋ lols n maan zems-n-taar maand n kõ Sẽn-Ka-Saabo. 6La a Moyiis rɩka maandã zɩɩm pʋɩ-sʋk n ning laas pʋsẽ. La zɩɩmã pʋɩ-sʋk sẽn kellã, yẽnda rɩk-a-lame n mes tẽn-kugrã. 7Rẽ, yẽnda rɩka kaoolã sebr n karem tɩ nebã kelge. La nebã yeelame: «Tõnd na n sak n maana bũmb nins fãa Sẽn-Ka-Saab sẽn yeel tõndã.» 8#Mat 26.28, Mark 14.24, Luk 22.20, 1Kor 11.25, Ebr 10.29, Ebr 9.19,20Dẽ, a Moyiis rɩka zɩɩmã n yãk n mes nebã n yeele: «Woto yaa kaoolã zɩɩm, yaa kaool ning Sẽn-Ka-Saab sẽn maan ne yãmba, wa sẽn zems bãmb goamã fãa wã.» 9La a Moyiis ne a Aarõ la a Nadaab ne a Abihu la Israyɛll kãsem-dãmbã pis-yopoe wã rʋʋ tãngã. 10La bãmb yãnda Israyɛll Wẽnnaamã, la bãmb naoã sẽn tab zĩig ningã wẽnda wa b maana ne safɩɩr kugr sẽn pɩnd wa sa-gãongo. 11La bãmb ka tẽeg b nug n sãam Israyɛll kãsem-dãmbã ye. La bãmb yãnda Wẽnnaam. La bãmb dɩɩme la b yũ.
12A Moyiis sẽn be Sinayi tãngã zugu, Sẽn-Ka-Saab yeela a Moyiis yaa: «Rʋ tãngã n wa mam nengẽ, n yals beenẽ tɩ m kõ-f kug-wals sẽn tar mam tõodã ne m noyã mam sẽn gʋls n na n zãms nebã» 13Dẽ, a Moyiis ne yẽnda sõangd a Zozoe yikame n dʋ Wẽnnaam tãngã zugu. 14A Moyiis yeela kãsem-dãmbã yaa: «Yaas-y ka n gũ tõnd tɩ d kẽng la d wa. A Aarõ ne a Ʋʋr bee ne yãmba. Ned sã n tar a yell n dat manegre, bɩ a kẽng bãmb nengẽ.» 15Dẽ, a Moyiis rʋʋ tãngã zugu. La sawaodg luda tãngã. 16La Sẽn-Ka-Saab ziir zĩnda Sinayi tãngã zugu. La sawaodgã luda Sinayi tãngã rasem a yoobe. La rasem a yopoe wã raare, Sẽn-Ka-Saab zĩnda sawaodgã pʋgẽ n bool a Moyiisi. 17Israyɛll nebã yãnda Sẽn-Ka-Saab ziirã sẽn wẽnd bug-kãseng sẽn dɩt tãngã zugu. 18#Tõ 9.9La a Moyiis kẽe sawaodgã pʋgẽ n dʋ tãngã zugu. La a Moyiis paa tãngã zug rasem pis-naase, la yʋnd pis-naase.
Currently Selected:
Yikri 24: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
Yikri 24
24
Wẽnnaam maana kaool ne Israyɛll nebã
1Rẽ, Wẽnnaam yeela a Moyiis yaa: «Bɩ foom ne a Aarõ la a Nadaab ne a Abihu la Israyɛll kãsem-dãmb pis-yopoe wã kolg tãngã n wa Sẽn-Ka-Saab sẽnẽ. La bɩ y yaas yɩɩg n wõgemde. 2Bɩ a Moyiis bal kolg Sẽn-Ka-Saabo. La bɩ neb a taabã ra kolg ye, la bɩ b ra tũ yẽnda n dʋ tãngã ye.» 3A Moyiis kẽngame n tɩ togs nebã Sẽn-Ka-Saab goamã fãa la bãmb noyã fãa. La nebã fãa naaga taab n leok n yeele: «Tõnd na n maana bũmb nins fãa Sẽn-Ka-Saab sẽn yeelã.» 4La a Moyiis gʋlsa Sẽn-Ka-Saab goamã fãa. La yẽnda yika tõdbeoog n maan tẽn-kugr tãngã pende, ne kug piig la a yiibu Israyɛll buud piig la a yiibã yĩnga. 5La yẽnda yãka Israyɛll kom-bɩɩs n tʋm tɩ b tɩ maan maand sẽn yõogd bugum, la b kʋ lols n maan zems-n-taar maand n kõ Sẽn-Ka-Saabo. 6La a Moyiis rɩka maandã zɩɩm pʋɩ-sʋk n ning laas pʋsẽ. La zɩɩmã pʋɩ-sʋk sẽn kellã, yẽnda rɩk-a-lame n mes tẽn-kugrã. 7Rẽ, yẽnda rɩka kaoolã sebr n karem tɩ nebã kelge. La nebã yeelame: «Tõnd na n sak n maana bũmb nins fãa Sẽn-Ka-Saab sẽn yeel tõndã.» 8#Mat 26.28, Mark 14.24, Luk 22.20, 1Kor 11.25, Ebr 10.29, Ebr 9.19,20Dẽ, a Moyiis rɩka zɩɩmã n yãk n mes nebã n yeele: «Woto yaa kaoolã zɩɩm, yaa kaool ning Sẽn-Ka-Saab sẽn maan ne yãmba, wa sẽn zems bãmb goamã fãa wã.» 9La a Moyiis ne a Aarõ la a Nadaab ne a Abihu la Israyɛll kãsem-dãmbã pis-yopoe wã rʋʋ tãngã. 10La bãmb yãnda Israyɛll Wẽnnaamã, la bãmb naoã sẽn tab zĩig ningã wẽnda wa b maana ne safɩɩr kugr sẽn pɩnd wa sa-gãongo. 11La bãmb ka tẽeg b nug n sãam Israyɛll kãsem-dãmbã ye. La bãmb yãnda Wẽnnaam. La bãmb dɩɩme la b yũ.
12A Moyiis sẽn be Sinayi tãngã zugu, Sẽn-Ka-Saab yeela a Moyiis yaa: «Rʋ tãngã n wa mam nengẽ, n yals beenẽ tɩ m kõ-f kug-wals sẽn tar mam tõodã ne m noyã mam sẽn gʋls n na n zãms nebã» 13Dẽ, a Moyiis ne yẽnda sõangd a Zozoe yikame n dʋ Wẽnnaam tãngã zugu. 14A Moyiis yeela kãsem-dãmbã yaa: «Yaas-y ka n gũ tõnd tɩ d kẽng la d wa. A Aarõ ne a Ʋʋr bee ne yãmba. Ned sã n tar a yell n dat manegre, bɩ a kẽng bãmb nengẽ.» 15Dẽ, a Moyiis rʋʋ tãngã zugu. La sawaodg luda tãngã. 16La Sẽn-Ka-Saab ziir zĩnda Sinayi tãngã zugu. La sawaodgã luda Sinayi tãngã rasem a yoobe. La rasem a yopoe wã raare, Sẽn-Ka-Saab zĩnda sawaodgã pʋgẽ n bool a Moyiisi. 17Israyɛll nebã yãnda Sẽn-Ka-Saab ziirã sẽn wẽnd bug-kãseng sẽn dɩt tãngã zugu. 18#Tõ 9.9La a Moyiis kẽe sawaodgã pʋgẽ n dʋ tãngã zugu. La a Moyiis paa tãngã zug rasem pis-naase, la yʋnd pis-naase.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.