Tõodo 25

Bʋʋd kaoob tõogo

1Neb a yiib sã n wa tar yell ne taab n kẽng bʋʋd zĩigẽ, bɩ bʋ-kaoodã kao bʋʋdã n kõ bʋʋm soabã bʋʋm la a mong sẽn ka tar-a bʋʋmã bʋʋm. 2Sẽn ka tar-a bʋʋmã sã n tog pãbre, bɩ bʋ-kaoodã kɩt t'a gãand tẽng tɩ b pãb-a yẽnda taoore. Pãbrã tog n zemsa yẽnda sẽn maan yel-wẽndã sẽn yaa bũmb ninga.

3 # 2Kor 11.24 A ka tog n kɩt tɩ b pãb-a tɩ wẽedã sõor yɩɩd naoor pis-naas ye. Bala, b sã n pãb-a tɩ looge, y ba-biigã tõe n wa paama yãnd wʋsg fo nifẽ. 4#1Kor 9.9, 1Tɩm 5.18Da ning naaf ning sẽn tabd-a ki wã noor yʋk ye.

Tõog pʋg-kõt wɛɛngẽ

5 # Mat 22.24, Mark 12.19, Luk 20.28 Ned ne a ba-biis sã n be ne taaba, tɩ ned a yembr ki t'a pagã ka tol n paam biiga, bɩ pʋg-kõorã ra kuil ned yaar sẽn ka a sɩdã buud ye. Bɩ a sɩdã saam-biig peeg-a n maan a paga, n tall-a wa ned sẽn tog n tall a saam-biig pag to-to. 6Pipi biig ning pagã sẽn na n dogã, na n deega kiidã yʋʋre, sẽn na n yɩl t'a yʋʋrã da menem Israyɛll nebã sʋk ye. 7#Rut 4.7,8La rao-kãng sã n ka rat n deeg a saam-biigã paga, bɩ pagã kẽng kãsem-dãmbã nengẽ tẽnga noor n tɩ yeel-ba: «M sɩdã saam-biig ka rat t'a saam-biigã yʋʋr kaoos Israyɛll nebã sʋk ye. Yẽnda zãgsame t'a ka rat n maan ne maam wa ned sẽn ki saam-biig sẽn tog n maan to-to wã ye.» 8Tẽngã kãsem-dãmb na n boola raoã n gom ne-a, la a sã n kell n yeele: «M ka rat n kẽ kãadem ne-a ye,» 9bɩ pagã kolg raoã kãsem-dãmbã nifẽ, n pidg a neoodrã, la a tʋbs a nengã kolkoodo, la a yeel tɩ yaa woto la b maand ned sẽn ka rat n me a saam-biig roogo. 10La Israyɛll nebã na n boola yẽnda yirã tɩ ‹b sẽn pidg a soab neoodr yiri.›

Tõod buud toor-toor a taaba

11Neb a yiib sã n zabd taab tɩ ned a ye pag wa n na n sõng-a, n tʋm a nug n gãd ned a to wã raolem, 12bɩ y fiuug pagã nugu. Ra zoe-y-yã a nimbãaneg ye.

13 # Mk 19.35,36 Ra zã zɩslem bõn-makds a yiib f korg pʋgẽ, t'a yembr yaa zɩsg t'a yembr yaa faasg ye. 14La f ra tall pe-makds a yiib f zak pʋgẽ, t'a yembr yaa bedr t'a yembr yaa bilf ye. 15Tall zɩslem makdg ne pe-makds sẽn zemse, la sẽn yaa tɩrse, tɩ rẽ la fo na n paam yõ-wok tẽng ning Sẽn-Ka-Saab sẽn yaa yãmb Wẽnnaamã sẽn kõ yãmbã pʋgẽ. 16Bala, Sẽn-Ka-Saab sẽn yaa yãmb Wẽnnaamã ka nong neb nins sẽn maand woto n ka maand sɩdã ye.

Beem-kʋdg Amalɛk buudã zugu

17 # Yik 17.8-14, 1Sãm 15.2-9 Tẽeg-y bũmb ning Amalɛk nebã sẽn dag n maan yãmb sorã zug yãmb sẽn wa n yi Ezɩpt tẽngã wakatã. 18Yãmb sẽn dag n yɛ n ka leb n tar pãngã, bãmb sega yãmb sorã zug n zab ne yãmba. La bãmb kʋʋ yãmb neb nins sẽn dag n be poorẽ wã n ka zoe Wẽnnaam ye. 19Sẽn-Ka-Saab sẽn yaa yãmb Wẽnnaamã sã n wa fãag yãmb ne y bɛɛb nins fãa sẽn gũbg yãmbã, n kõ yãmb vʋʋsg tẽng ning Sẽn-Ka-Saab sẽn yaa yãmb Wẽnnaamã sẽn kõ yãmb tɩ y soogã pʋgẽ, bɩ y yẽes Amalɛk buudã yʋʋr tẽng zug tɩ b ra leb n tẽeg b yell ye. Da yĩm bõn-kãngã ye.

Currently Selected:

Tõodo 25: MPBU

Highlight

Copy

Compare