2 Tɩmote 4
4
1Mam yeta foom Wẽnnaam taoore, la a Zeezi Kiris sẽn na n kao nin-vɩɩs la kũum bʋʋdã taoore, la bãmb waoongã ne b rĩungã yʋʋr yĩnga, 2tɩ f moon koɛɛgã, tɩ f wɩng ne togsg wakat fãa, sã n yaa a togsg wakat wall ka a wakate. Mao tɩ nebã reeg tɩ gomdã yaa sɩda. Leng la f sagl ne sũ-mare la zãmsgo. 3Bala, wakat n wat tɩ nebã ka na n leb n dat n wʋm sɩd koɛɛgã ye. La bãmb mensã yĩns ratem yĩnga, la kelgr yamleoog sẽn tar-bã yĩnga, b na n tigsa karen-saam-dãmb wʋsgo. 4B na n yẽda b tʋbã ne sɩdã kelgre, la b yok-b ne soalmã kelgre. 5La foom, gũus f meng ne bũmb fãa. Sak namsgo. Maan koe-noogã mooneg tʋʋmde. Maan f tʋʋmdã neere. 6Bala, mam zoe n lebga wa koom b sẽn na n base#4.6 Mamsda wa b sẽn basd koom maoong wakate., la mam loogr wakat kolgame. 7Mam zaba zab-sõngo, mam zoee zoeesã n taase, mam talla tẽebo. 8Moasã, Wẽnnaam bĩnga tɩrlem maanfã mam yĩnga. Zu-soabã sẽn yaa bʋ-kaood tɩrgã na n kõ-a-la maam da-kãngã#4.8 Da-kãnga: Yaa Zu-soabã waoong daare.. La ka maam bal la b na n kõ ye, yaa neb nins fãa sẽn na nong bãmb pukrã.
Koɛɛg a Tɩmote yĩnga
9Nang pãng n wa mam nengẽ tao-tao. 10#Kol 4.14, Fɩl 1.24, 2Kor 8.23, Gal 2.3, Tit 1.4Bala, a Demaas basa maam n looge, a sẽn nong moasã dũni wã yĩnga. A kẽnga Tesaloniki. A Kersãns kẽnga Galasi, t'a Tit kẽng Dalmasi. 11#Kol 4.14, Fɩl 1.24, Tʋʋm 12.12,25, 13.13, 15.37-39, Kol 4.10, Fɩl 1.24Yaa a Luk a yembr tãa bal n be ne maam. Peeg a Mark n wa ne, bala, a bee yõod ne maam m tʋʋmdã pʋgẽ. 12#Tʋʋm 20.4, Efɛ 6.21,22, Kol 4.7,8Mam tʋma a Tisik Efɛɛse. 13#Tʋʋm 20.6Fo sã n wa watẽ, bɩ f zã m fu-bedrã m sẽn bas Torwaasã, a Karpuus yirã, ne sɛba n wa, la sẽn yɩɩd fãa, yaa gãn-nomdsã. 14#1Tɩm 1.20, Yɩɩn 62.13, Rom 2.6Yõak a Alegsãndr maana maam wẽng wʋsgo. Zu-soabã na n lebs-a-la a tʋʋm yaoodo. 15Fo me gũus ne-a t'a kɩɩsa tõnd goamã ne a pãng fãa. 16Mam sẽn yals bʋʋdã zĩigẽ pipi wã, ned baa a yembr ka zĩnd ne maam ye, b fãa loog n basa maam. Bɩ Wẽnnaam da geelg b sẽn maanã ye. 17Yaa Zu-soabã n zĩnd ne maam, n kõ-m pãnga, tɩ mam togs koɛɛgã zãnga, tɩ bu-zẽmsã wʋme. La b fãaga maam gɩgemdã noorẽ. 18Zu-soabã na n yolsa maam ne tʋʋm-wẽng fãa, la b na n fãaga maam n kẽes b soolmẽ. Bãmb n so ziir wakat sẽn ka sɛta. Ãmina!
Yaoolem pʋʋsem
19 #
Tʋʋm 18.2,
2Tɩm 1.16,17 Pʋʋs a Akilaas ne a pag a Piriska, la a Onezifoor zaka rãmba. 20#Tʋʋm 19.22, Rom 16.23, Tʋʋm 20.4, 21.29A Erast paa Korẽnte, la mam basa a Torfim Mile t'a ya bãada. 21Mao n wa sẽn deng waoodã wẽnde. A Ebuloos ne a Pudẽnse, la a Linuus ne a Koloodya, la ba-biisã fãa pʋʋsda foom. 22Bɩ Zu-soabã zĩnd ne foom. Bɩ Wẽnnaam barkã zĩnd yãmb zutu.
Currently Selected:
2 Tɩmote 4: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
