2 Kibayã 7
7
Wẽnnaam ziiri
1 #
Mk 9.23-24
A Salmo sẽn pʋʋs n sɛ wã, bugum n yi yĩngr n sig n dɩ maandã, la Sẽn-Ka-Saab ziirã pida roogã. 2La maan-kʋʋdbã rag n ka tõe n kẽ Sẽn-Ka-Saab roogã pʋg ye. Bala, Sẽn-Ka-Saab ziirã rag n pida roogã. 3#1Kib 16.34, 2Kib 5.13, Ɛsd 3.11, Yɩɩn 100.5, 106.1, 107.1, 118.1, 136.1, Zer 33.11Israyɛll nebã fãa yãnda Sẽn-Ka-Saab bugmã ne b ziirã sẽn sigd b roogã zugu, dẽ bãmb fãa yĩgimdame n wõgemde, n fõgen b nens tẽng zĩig ning b sẽn gãneg kug-peesdsã zug n waoog Sẽn-Ka-Saabo. Bala, Sẽn-Ka-Saab yaa sõama, la bãmb nonglmã paada wakat fãa.
4Rĩm a Salmo ne Israyɛll nebã maana maand Sẽn-Ka-Saab taoore 5Rĩm a Salmo kʋʋ niig tus pisi la a yiibu, la rũm-bãooneg tus-koabg la pisi, Sẽn-Ka-Saab roogã bark ningr yĩnga. Woto, rĩmã ne Israyɛll nebã ninga Wẽnnaam doogã barka. 6Maan-kʋʋdbã rag n yasa b zĩigẽ. La Leevi nebã rag n tara Sẽn-Ka-Saab yʋʋm teedã. Yʋʋm teed nins a Davɩɩd sẽn dag n kɩt tɩ b maan n waoogd Sẽn-Ka-Saabã. Bala, bãmb nonglmã paada wakat fãa. 7Dẽ, rĩm a Salmo welga samandã sẽn be Sẽn-Ka-Saab roogã noorã toore, tɩ b maand maand sẽn yõogd bugmã, ne zems-n-taar maandã kaamã beenẽ. Bala, zũud tẽn-kugr ning yẽnda sẽn dag n maanã rag n yaa bilfu, tɩ b ka tõe n yõog maandã fãa be ye.
8Wakat-kãnga, a Salmo maana tigrã rasem a yopoe, la Israyɛll nebã fãa naaga yẽnda n maane, la zãma kẽeng n yi sẽn sɩng ne Lebo-Hamat tẽngã kõom zĩigẽ, n tɩ tãag tẽms nins sẽn be Ezɩpt kʋɩlgã noorã n wa. 9La tigrã rasem a nii daarã, zãma wã maana tigin-kãseng sẽn welg toore. Bala, yɩɩ rasem a yopoe la b sẽn dɩk n maan bark ningrã, la tigrã meng yɩɩ rasem a yopoe. 10La kiuug a yopoe soabã rasem pisi la a tãab daarã, a Salmo kɩtame tɩ Israyɛll ned kam fãa kuil a yiri. La bãmb yii beenẽ ne kɩdeng la sũ-noogo, Sẽn-Ka-Saab sẽn maan a Davɩɩde, ne a Salmo, la Israyɛll sẽn yaa bãmb nebã fãa neerã yĩnga.
Sẽn-Ka-Saab leb n vẽnega b meng ne a Salmo
11Dẽ, a Salmo mee Sẽn-Ka-Saab roogã, ne na-yirã, la a maan bũmb nins fãa a sẽn dag n tagsd n dat n maan Sẽn-Ka-Saab roogã pʋg ne a meng zakã n sɛ. 12Sẽn-Ka-Saab vẽnega b meng ne yẽnda yʋng n yeel-a yaa: «Mam wʋma fo pʋʋsgã, la mam yãkda zĩ-kãngã mam mengã yĩnga, tɩ yaa maand kʋʋb zĩiga. 13Mam sã n wa gɩdg saagã t'a ka niida, bɩ m sã n kɩt tɩ sʋy wa sãam y tẽngã, wall m tʋm bã-loangdg m nebã sʋka, 14mam nebã b sẽn boond ne mam yʋʋrã sã n sik b menga, n pʋʋse, la b bao maam, bãmb sã n bas b tʋʋm-wẽnsã, maam, mam na n zĩnda saasẽ n kelg-ba, la m na n kõ-b-la b yel-wẽnã sugri, la m maag b tẽngã. 15Sẽn sɩng ne moasã, m na n puka m nini la m yok m tʋb n kelg pʋʋsg ning fãa sẽn na n pʋʋs zĩ-kãngã wã. 16La moasã mam yãka ro-kãngã, la m welg-a-la toore, tɩ mam yʋʋrã tõe n zĩnd a pʋg wakat fãa yĩnga. Mam nin ne mam sũurã na n zĩnda beenẽ wakat fãa 17Sã n yaa ne foom, fo sã n tũ maam wa f ba a Davɩɩd sẽn dag n tũ maamã, n maan wa mam sẽn wilg foomã, n sak m noyã, ne m minindã, 18#1Rĩm 2.4m na n kɩtame tɩ f pa f naamẽ wã, wa m sẽn dag n kãab f ba a Davɩɩd n yeel-a t'a kõn kong yageng sẽn na n dɩ naam Israyɛllã.
19La yãmb sã n wẽnemd n bas m tõodã ne m noyã m sẽn kõ yãmbã, n kẽng n tɩ tũ wẽn-naands n wõgemd n waoog-ba, 20mam na n yiis-y-la m tẽngẽ wã, tẽng ning m sẽn dag n kõ y yaab-rãmba pʋgẽ, la ro-kãngã m sẽn welg toor m yʋʋrã yĩngã, m na n bas-a lame, la bu-zẽmsã fãa na n paoog-y lame, la b la-yã. 21La ne ro-kãngã sẽn yɩ kãseng to-to wã, ned ning fãa sẽn na n pɩʋʋgd be na n yɛɛsame n sokdẽ: ‹Bõe tɩ Sẽn-Ka-Saab maan tẽn-kãngã, ne Wẽnd do-kãngã a woto?› 22La b na n leok-b lame n yeele: ‹Yaa b sẽn bas Sẽn-Ka-Saab sẽn yaa b yaab-rãmbã Wẽnnaamã, sẽn yiis-a bãmb Ezɩpt tẽngã, n tɩ tũ wẽn-naands n waoog-bã yĩng la Sẽn-Ka-Saab kɩt tɩ yel-beed a woto fãa paam-ba.› »
Currently Selected:
2 Kibayã 7: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
