1 Kibayã 9

Zeruzalɛm nebã yʋya

(Neem 11.3-19)

1Israyɛll nebã fãa yʋy rag n gʋlsa Israyɛll rĩm-dãmbã sebr pʋgẽ. B yõga Zʋʋda nebã n tall-b n kẽng Babilonde, b sẽn maan sẽn kis n beeg Wẽnnaamã yĩnga. 2#Ɛsd 2.27, Neem 7.72Neb nins sẽn yɩ pipi n lebg n kuil b soolmẽ wã ne b tẽmsẽ wã yaa Israyɛll nebã, Leevi nebã sẽn yaa maan-kʋʋdbã, ne Wẽnd doogã tʋmtʋmdba.

3Zʋʋda ne Benzame la Efrayiim ne Manaase yagensã kẽng n tɩ zĩnda Zeruzalɛm.

4Zʋʋda nebã yaa a Amihuud biig a Utayi, sẽn yaa a Omri biiga, n yaa a Imri yagenga, la a Bani yagen-tʋbrakẽega, Perɛɛz buudã sʋka. 5Sela buudã neb yaa a bi-kãseng a Aaza ne a kom-dibli wã. 6A Zeera kom-dibli yaa a Yehuwɛll ne a ba-biisã. Bãmb fãa sõorã yaa neb kobs-yoob la pis-wɛ.

7A Benzame kom-dibli yaa a Mesulam biig a Salu sẽn yaa Odaviya yagenga, la a Senuwa yagen-tʋbrakẽega. 8A Yeroham biig a Yibneya, a Uuzi biig a Ela, a Mikri biig a Uuzi, ne a Sefatiya biig a Mesulam sẽn yaa a Sefatiya biiga, n leb n yaa a Rehuwɛll yagenga, la a Yibneya yagen-tʋbrakẽega, 9n paas b ba-biisã, wa sẽn zems b roto. B fãa sõor yaa neb kobs-wɛ la pis-nu la a yoobe. Nin-bãmbã fãa rag n yaa b buudã kãsem-dãmba, wa sẽn zems b buudu.

10Maan-kʋʋdbã rag n yaa a Yedaya, a Yehoyariibi, n paas a Yakin, 11a Azariya ba la a Hilkiiza, t'a Hilkiiza ba la a Mesulam, t'a Mesulam ba la a Sadoke, t'a Sadok ba la a Merayote, t'a Merayot ba la a Akituubi sẽn dag n yaa Wẽnd doogã taoor soabã. 12A Adaya yaab-rãmb n dag n yaa a Yeroham, a Pasewʋʋre, la a Malkiya. A Masayi yaab-rãmb yaa a Adiyɛlle, a Yazera, a Mesulam, a Mesilemiti, la a Imeere, 13ne b ba-biisã sẽn yaa b buudã kãsem-dãmbã. Nin-kãsems nins sẽn dag n tʋmd Wẽnd doogã tʋʋmã sõor yaa neb tusr la kobs-yopoe la pis-yoobe.

14Leevi buudã neb la woto: a Semaya yaab-rãmb yaa Asuube, a Aazrikam, la a Aazabiya. Bãmb yaa a Meraari yagense. 15A Bakbakaar yaab-rãmb yaa a Herɛɛse, a Galalle, a Mataniya, a Miise, ne a Zikri, la a Azafe. 16A Abdyaas yaab-rãmb yaa a Semaya, a Galalle, la a Yedutun. A Berekɩya yaab-rãmb yaa a Aaza ne a Ɛlkana. A Ɛlkana rag n bee Netofa nebã tẽms pʋsẽ.

17Na-zakã noy gũudb rag n yaa a Salum, a Akʋʋbe, a Talmo, a Ayiman, n paas b ba-biisã. A Salum n dag n yaa b naaba, 18la hal tɩ ta moasã, yẽnda n ket n gũud rĩmã zak noor ning sẽn tees-a yaangã. Dẽ, nin-bãmbã n dag n yaa Leevi buudã neb nins sẽn dag n yaa gũudbã. 19A Koore biig a Salum sẽn yaa a Ebiyazaf yageng la a Koore yagen-tʋbrakẽegã ne a ba-biisi, n paas a Koore buudã neb a taabã, n dag n yaa sɛk roogã noor gũudba. Bãmb yaab-rãmbã rag n yɩɩ Sẽn-Ka-Saab nebã tãb-sik noor gũudba, 20la a Eleyazaar biig a Fineyaas n dag n yaa b naaba. Sẽn-Ka-Saab rag n bee ne a Fineyaase. 21A Meselemiya biig a Zakari dag n yaa sɛk roogã noor gũuda.

22Gũudb nins b sẽn yãkã sõor dag n yaa neb kobessi la piig la a yiibu, la b gʋlsa b yʋyã wa sẽn zems ned fãa ne a tẽnga. A Davɩɩd ne bãngd a Sãmwɛll n dag n wilg bãmb b wakat fãa tʋʋmdã. 23Bãmb ne b kom-dibli wã n dag n gũud Sẽn-Ka-Saab roogã ne sɛk roogã.

24Rigno-gũudb n dag n be ween-vɩɩs a naasã: yaang la taoore, ne goabg la rɩtgo. 25Bãmb ba-biis nins sẽn dag n be b tẽmsã pʋsẽ wã ra tog n wata wakat-wakat n sõngd-b rasem a yopoe. 26Rigno-gũudbã nanambs a naasã sẽn yaa Leevi buudã n dag n be beenẽ wakat fãa. Bãmb n dag n get Wẽnd doogã ro-pʋsã la laogã bĩngr yelle. 27Yʋngo, bãmb gũbgda Wẽnd doogã tɩ bala, bãmb n dag n gũud-a. Bãmb n dag n pakd Wẽnd doogã rignoy yibeoog fãa.

28Rigno-gũudbã sʋka, kẽer dag n geta tʋʋmdã lagd yelle. Bãmb n dag n sõt lagd nins b sẽn kẽesd wall b yiisdẽ wã. 29A taab me rag n geta zĩ-sõngã lagdã fãa, ne zomã, la reezẽ rãamã ne kaamã, la wisdã ne parfẽ-rãmbã yelle. 30Yaa maan-kʋʋdbã kom-dibli n dag n maand parfẽ-rãmbã.

31Leevi buudã ned a yembr yʋʋr sẽn boond t'a Matitiya, n yaa Koore buudã ned a Salum bi-kãsengã, n dag n tog n kɩɩmd bur-maasã wakat fãa. 32Bãmb ba-biis kẽer sẽn be a Kehat yagensã sʋkã n dag n maand maandã burã vʋʋsg daar fãa.

33Dẽ, Leevi buudã kãsem-dãmb nins sẽn yaa yɩɩn-yɩɩndb n be rotã pʋsẽ wã la woto. B rag n ka kõ bãmb tʋʋm a taabã tɩ bala, b rag n tʋmda wĩntoog la yʋngo.

34Leevi buudã kãsem-dãmb sẽn yaa nanambs la woto, wa sẽn zems b roto. Bãmb dag n bee Zeruzalɛm.

A Sayull buudã

35A Yeyiyɛll sẽn yaa Gabawõ ba wã rag n bee Gabawõ, la a pagã yʋʋr boondame t'a Maaka. 36Yẽnda bi-kãsengã yʋʋr yaa a Abdõ, tɩ sẽn pʋgd yaa Sʋʋre, a Kɩse, a Baalle, a Neere, a Nadaabe, 37a Gedoore, a Akiyo, la a Zakari, ne a Miklote. 38A Miklot roga a Simeyam. Bãmb me rag n bee ne b ba-biisã Zeruzalɛm.

39A Neer doga a Kɩɩse, t'a Kɩɩs rog a Sayulli, t'a Sayull rog a Zonatã, ne a Malki-Suwa, la a Abinadaab ne a Ɛs-Baalle. 40A Zonatã roga a Meriib-Baalle, t'a Meriib-Baal dog a Miise. 41A Miise kom-dibli yaa a Pitõ, a Melɛke, la a Tareya. 42A Akaaz roga a Yaara, t'a Yaara rog a Alemet ne a Azmavɛt la a Zimri. A Zimri roga a Motsa, 43t'a Motsa roga a Bineya, t'a Bineya rog a Refaya, t'a Refaya rog a Eleyasa, t'a Eleyasa rog a Atsɛlle. 44A Atsɛll paama kom-dibli a yoobe. B yʋyã la woto: Yaa a Aazrikam, a Bokru, a Ismayɛlle, a Sehariya, a Abdyaase, n paas a Hanan. Bãmb n yaa a Atsɛll kom-dibli.

Currently Selected:

1 Kibayã 9: MPBU

Highlight

Copy

Compare