1 Kibayã 25
25
Yɩɩn-yɩɩndbã ne b sula
1A Davɩɩd ne a tãb-biisã nanambs welga a Azaf ne a Eman la a Yedutun kom-dibli wã toore, tʋʋmdã yĩnga. Nin-bãmb dag n yɩɩnda ne kʋl la pends ne kɛma, n togsd pĩnd-n-bãngr goamã. Neb nins sẽn dag n tar tʋʋmã yʋy la woto:
2A Azaf kom-dibli wã sʋka, yaa a Zakʋʋre, a Zozɛfe, a Netaniya, ne a Azareyela. Bãmb ba a Azaf n dag n lʋɩt bãmb taoor n togsd pĩnd-n-bãngr goamã, wa sẽn zems rĩmã sẽn datã.
3A Yedutun kom-dibli wã yaa bãmb b yoobe: yaa a Gedaliya, a Seeri, a Ezayi, a Simeyi a Aazabiya, la a Matitiya. Bãmb ba wã n dag n lʋɩt taoor n maand no-rɛɛsdb manesem, la a wẽed pɛndg n pẽgd la a waoogd Sẽn-Ka-Saabo.
4A Eman kom-dibli wã yaa a Bukiya, a Mataniya, a Uziyɛlle, a Sebuwɛlle, a Yerimote, a Hananiya, a Anani, a Eliyata, a Gidalti, a Romamti-Ezɛɛre, a Yosbekasa, a Maloti, a Otiiri, la a Mahaziyote. 5Nin-bãmbã fãa yaa a Eman kom-dibli. A Eman dag n yaa rĩmã bãngda, sẽn kẽed ne Wẽnnaam yɛlã wɛɛngẽ, sẽn na yɩl n wilg bãmb pãn-kãsengã. Wẽnnaam dag n kõ a Eman kom-dibli piig la a naase, la kom-pugli a tãabo. 6Nin-bãmbã ba wã n dag n lʋɩt b fãa taoore, tɩ b yɩɩnd Wẽnnaam doogã yɩɩla, la b wẽed kɛm ne pends la kʋl Wẽnnaam doogã pʋgẽ tʋʋmd yĩnga.
A Azaf ne a Yedutun la a Eman dag n tʋmda rĩmã yĩnga. 7Nin-bãmbã ne b saam-biisã sẽn yaa yɩɩn-mitb sẽn waoogd Sẽn-Ka-Saabã sõor dag n yaa neb kobessi la pis-nii la a nii. B fãa yaa neb sẽn paam zãmsgo. 8B maana poeer n yãk ned fãa ne a tʋʋmde, sẽn sɩng ne kãsem tɩ ta yao-zʋʋga, ne karen-saam-dãmb la karen-biisi.
9Pipi poeerã yãka a Azaf buudã ned a Zozɛfe.
A yiibẽ soabã yãka a Gedaliya ne a saam-biisã,
la a kom-dibli wã. Bãmb yaa neb piig la a yiibu.
10A tãabẽ soabã yãka a Zakʋʋr ne a kom-dibli wã
la a saam-biisã.
Bãmb yaa neb piig la a yiibu.
11A naasẽ soabã yãka a Yitseri
ne a kom-dibli wã la a saam-biisã.
Bãmb yaa neb piig la a yiibu.
12A nu soabã yãka a Netaniya ne a kom-dibli wã
la a saam-biisã.
Bãmb yaa neb piig la a yiibu.
13A yoobẽ soabã yãka a Bukiya ne a kom-dibli wã
la a saam-biisã.
Bãmb yaa neb piig la a yiibu.
14A yopoe soabã yaa a Yesareyela ne a kom-dibli wã
la a saam-biisã.
Bãmb yaa neb piig la a yiibu.
15A nii soabã yãka a Ezayi ne a kom-dibli wã
la a saam-biisã.
Bãmb yaa neb piig la a yiibu.
16A wɛ soabã yãka a Mataniya ne a kom-dibli wã
la a saam-biisã.
Bãmb yaa neb piig la a yiibu.
17Piig soabã yãka a Simeyi ne a kom-dibli wã
la a saam-biisã.
Bãmb yaa neb piig la a yiibu.
18Piig la a yembr soabã yãka a Azareyɛlle,
ne a kom-dibli wã la a saam-biisã.
Bãmb yaa neb piig la a yiibu.
19Piig la a yiibẽ soabã yãka a Hasabiya,
ne a kom-dibli wã la a saam-biisã.
Bãmb yaa neb piig la a yiibu.
20Piig la a tãabẽ soabã yãka a Subayɛlle,
ne a kom-dibli wã la a saam-biisã.
Bãmb yaa neb piig la a yiibu.
21Piig la a naasẽ soabã yãka a Matitiya,
ne a kom-dibli wã la a saam-biisã.
Bãmb yaa neb piig la a yiibu.
22Piig la a nu soabã yãka a Yerimote,
ne a kom-dibli wã la a saam-biisã.
Bãmb yaa neb piig la a yiibu.
23Piig la yoobẽ soabã yãka a Hananiya,
ne a kom-dibli wã la a saam-biisã.
Bãmb yaa neb piig la a yiibu.
24Piig la a yopoe soabã yãka a Yosbekasa,
ne a kom-dibli wã la a saam-biisã.
Bãmb yaa neb piig la a yiibu.
25Piig la a nii soabã yãka a Anani
ne a kom-dibli wã la a saam-biisã.
Bãmb yaa neb piig la a yiibu.
26Piig la a wɛ soabã yãka a Maloti
ne a kom-dibli wã la a saam-biisã.
Bãmb yaa neb piig la a yiibu.
27Pisi soabã yãka a Eliyata ne a kom-dibli wã
la a saam-biisã.
Bãmb yaa neb piig la a yiibu.
28Pisi la a yembr soabã yãka a Otiir
ne a kom-dibli wã la a saam-biisã.
Bãmb yaa neb piig la a yiibu.
29Pisi la a yiibẽ soabã yãka a Gidalti
ne a kom-dibli wã la a saam-biisã.
Bãmb yaa neb piig la a yiibu.
30Pisi la a tãabẽ soabã yãka a Makaziyot
ne a kom-dibli wã la a saam-biisã.
Bãmb yaa neb piig la a yiibu.
31Pisi la a naasẽ soabã yãka a Romamti-Ezɛɛr
ne a kom-dibli wã la a saam-biisã.
Bãmb yaa neb piig la a yiibu.
Currently Selected:
1 Kibayã 25: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
