1 Kibayã 23

A Davɩɩd pʋɩɩ Leevi nebã ne b sagse

1 # 1Rĩm 1.1-40 A Davɩɩd sẽn dag n kʋʋl wʋsgã yĩnga, yẽnda kɩtame t'a biig a Salmo lebg Israyɛll dĩma. 2Dẽ zugẽ, a Davɩɩd tigma Israyɛll nanambsã ne a maan-kʋʋdbã la Leevi nebã fãa. 3B sõda Leevi neb nins sẽn tar yʋʋm pis-tã la sẽn yɩɩd woto. Bãmb sõorã yaa neb tus pis-tã la a nii. 4A Davɩɩd yeelame: «Yãk-y neb tus pisi la a naas sẽn na n get Sẽn-Ka-Saab roogã tʋʋm yelle, la y yãk neb tus a yoob sẽn na n yɩ seb-gʋlsdb ne bʋ-kaoodba, la neb tus a naas sẽn na n yɩ rigno-gũudba, 5la neb tus a naas sẽn na n waoogd Sẽn-Ka-Saab ne yʋʋm-teed nins mam sẽn maan Sẽn-Ka-Saab waoogr yĩngã.»

6A Davɩɩd pʋɩɩ Leevi nebã sull-sulli, wa sẽn zems a Leevi yagensã sẽn yaa a Gɛrsõ ne a Kehat la a Meraari.

7A Gerson kom-dibli yaa a Ladan ne a Simeyi.

8A Ladan roga kom-dibli a tãabo: bi-kãsengã yaa a Yekiyɛlle, tɩ sẽn pʋgd yaa a Zetam ne a Zowɛlle.

9A Simeyi roga kom-dibli a tãabo: a Selomit ne a Haziyɛll la a Haarã. Bãmb yaa a Ladan buudã kãsem-dãmba.

10A Simeyi leb n doga kom-dibli a naase: a Yahat ne a Zina la a Yewuus ne a Beriya. 11A Yahat n dag n yaa bi-kãsengã, t'a Ziza pʋgda. A Yewuus ne a Beriya ka rog kom-dibli wʋsg ye. Bãmb dag n yaa roog a yembre.

12A Kehat roga kom-dibli a naase: yaa a Amram ne a Yitsaar la a Ebrõ ne a Uziyɛlle.

13 # Yik 28.1 A Amram kom-dibli yaa a Aarõ ne a Moyiisi. B rag n welga a Aarõ toore, t'a yaa ned sẽn welg toor zalle, tɩ yẽnda ne a yagensã rag n get zĩig sẽn welg toor n yɩɩdã yelle. Yaa bãmb n dag n tog n yõogd wisdã Sẽn-Ka-Saab taoore, la b maand bãmb tʋʋmdã, la b leb n ningd bark Sẽn-Ka-Saab yʋʋrã yĩnga. 14Sã n yaa ne Wẽnnaam dao a Moyiisi, b rag n sõda yẽnda kom-dibli wã n naag Leevi buudã.

15A Moyiis kom-dibli yaa a Gersom ne a Eliyezɛɛre.

16A Gersom bi-ribl dag n yaa a Sebuwɛlle. 17A Eliyezɛɛr dag n tara bi-ribl-yende: yaa a Rehabiya. La a Rehabiya rag n tara kom-dibli wʋsgo.

18A Yitsaar bi-ribl dag n yaa a Selomiti.

19A Ebrõ rag n tara kom-dibli a naase: Bi-kãsengã yaa a Yeriyahu, tɩ sẽn pʋgd yaa a Yahazɩyɛll ne a Yokmeyam.

20A Uziyɛll rag a tara kom-dibli a yiibu: Bi-kãsengã yaa a Miise, tɩ sẽn pʋgd yaa a Yisiya.

21A Meraari kom-dibli yaa a Makli ne a Musi. A Makli kom-dibli yaa a Eleyazaar ne a Kiisi. 22A Eleyazaar kiime n ka tol n paam bi-ribl ye. Yẽnda roga kom-pugli bala. La yaa a Kiis kom-dibli wã sẽn yaa bãmb ba-biisã n dag n peeg bãmb n maan b pagba. 23A Musi rag n tara kom-dibli a tãabo: yaa a Makli ne a Edɛɛr la a Yeremote.

24Nin-bãmbã n dag n yaa Leevi buudã neb b sẽn sõd roog-roogo, ne b buudã kãsem-dãmbã, neb nins b sẽn sõde, n bool b yʋyã kãsem-kãsmã. Sẽn tar-b yʋʋm pisi la sẽn yɩɩd dẽ wã n dag n get Sẽn-Ka-Saab roogã yelle. 25Sɩd me, a Davɩɩd dag n yeela woto: Sẽn-Ka-Saab sẽn yaa Israyɛll Wẽnnaamã kõ b nebã vʋʋsgo, la b na n paa Zeruzalɛm wakat sẽn ka sɛta. 26#Tõ 10.8Woto, ka leb n yaa Leevi buudã n dag n tog n dɩkd sɛk roogã, la b get Sẽn-Ka-Saab roogã teed yell yɛs ye. 27Yaa a Davɩɩd yaoolem koe-kãensã zugẽ la b sɩng Leevi nebã sõdbo, sẽn sɩng ne sẽn tar-b yʋʋm pisi la a nu, la sẽn yɩɩd woto. 28#Sõd 3.5-9A Aarõ kom-dibli wã sʋka, bãmb tʋʋmd Sẽn-Ka-Saab roogã pʋgẽ rag n yaa zagsã ne ro-pʋsã yell gesgo, la teed nins sẽn welg toorã yɩlgre, la tʋʋm nins fãa sẽn kẽed ne Sẽn-Ka-Saab roogã. 29Yaa kaset burã, ne zom kũunã, la bur-maasã sẽn ka ning rã-bɩllã, burã sẽn kɩɩmã, wall burã sẽn wʋmã, n paas poɛɛm ne woglem makdsã. 30Yibeoog ne zaabr fãa, b tog n wata Sẽn-Ka-Saab taoore, n pẽgd-ba, la b waoogd-ba. 31Vʋʋsg rayã ne ki-paalsã la tigr rayã wakat me, b tog n maana maand sẽn yõogd bugmã fãa Sẽn-Ka-Saab taoore, wa sẽn zems tõog ning b sẽn kõ bãmbã. 32Bãmb n na n get sɛk roogã tʋʋm yelle, ne zĩ-sõngã tʋʋm yelle. La b na n naaga a Aarõ kom-dibli wã sẽn yaa b saam-biisã, n maand Sẽn-Ka-Saab roogã tʋʋmã.

Currently Selected:

1 Kibayã 23: MPBU

Highlight

Copy

Compare