Sakari 14
14
U Tienu pabienli daali
1O Diedo pabienli daali nagini.
Yinba Jerusalemi yaaba,
Yi yibalinba baa yaa boagidi yi piama
Yi nunbu nni.
2O Diedo baa taani i nilanbuoli,
Ki teni ban baa Jerusalemi.
Bi baa fie u dogu,
Ki fagi yaala n ye a diena nni kuli.
Bi baa ñii yi puoba leni u paalu.
Bi baa cuo u dogu niba boagidima
Ki gedini ti yonbidi.
Ama yaa niba n sieni
Baa yaa kaa u dogu nni.
3Li yaa puoli, o Diedo baa fii
I nilanbuoli yeni po,
Ki pua ki paadi ba,
Nani wan den kpa tieni maama
Mi janjanma leni bu toabu daali yeni.
4Lanyogunu, o baa sedi
Olivie Tiidi juali po,
Ki tiegi Jerusalemi dogu puoli.
Li juali yeni baa pudi ki yagidi,
Ki tiegi puoli leni nintuali,
Ki ŋaa joaloanciangu siiga nni.
Bonyagiyenli baa yaa ye
Nujienu, line mo nuganu po.
5Yi baa tagini ku joaloangu yaagu
N ye a juana siiga yeni,
Ki sani ki cia,
Kelima ku joaloangu yeni baa tandi
Ki pundi hali Atisali.#14.5 Li fidi ke li kaanu kuu Jerusalemi dogu ki ye puoli bi ki goa ganu po. Diidi Mise 1.11.
Yi baa sani nani yi yaajanba
N den sani maama,
Juda bado, Osiasi yogunu,
Mi tindigibima n den tieni yaa yogunu yeni.
Lanwani, o Diedo, n Tienu
Baa yegi leni o malekinba#14.5 Mi soagintianma nni li diani o nigagidiŋanba. ki cua.
6Landaali, yenma kan yaa ye.
Ti wadi baa kpandi ki tua
Nani a tatana yeni.
7Laa yogunu baa yaa ye uba yo,
O Diedo bebe n bani u.
Ku ñiagu leni u yensiinu kan yaa pia paadima,
Kelima ba ku yenjuagu, li baa yaa yieni.
8Landaali li miali ñinbunli baa pudi Jerusalemi,
Mi ñima yeni boagidima baa yaa puubi,
Ki ban koa yaa ñincianma n ye puoli,
Yaa boagidima n sieni mo,
Yaa ñincianma n ye nintuali.
Li baa yaa tie yene ku siagu leni li fali kuli. #Esk 47.1; Jan 7.38; Doa 22.1.
9Landaali, o Diedo baa yaa tie
Ŋanduna kuli bado,
Bi niba kuli baa yaa kpiagidi o,
Bikuli baa yaa taagi o yeli.
10Mi diema kuli baa tua
Nani Araba tialu yeni.
Ki cili nujienu po dogu Geba,
Ki ban pundi hali ganu po dogu Rimon.
Jerusalemi dogu baa yaa ye u kaanu,
Ki ye naani n kpedi.
U baa tandi, ki cili bani Benjamen buolu
Yaaba buliñoabu kani,
Ki ban tuoni hali bu buliñoakpelibu,
Ki bonlogidiga buliñoabu kani.
U go baa tandi, ki cili hali
Hananeeli diefoagili kani,
Ki ban tuoni hali o bado duven
Datuodikaanu kani.
11Bi niba baa yaa kaa u dogu nni,
Ke bolinma kuli ki go ŋua u.
Jerusalemi dogu baa yaa ye leni mi yanduanma. #Doa 22.3.
12O Diedo n baa teni yaa bonbiadila
N baa yaa nilanbuoli n baa fii ki tieni
Jerusalemi yaaba bu toabu tie line:
Bi gbanandi baa bedi ke bi da fo.
Bi nuni baa bedi bi nunbuodi nni,
Bi landi mo n bedi bi ñoana nni.
13Landaali, o Diedo baa teni
Ti jawaanciandi n cuo ba.
Bi baa jili ki cuo biyaba bi ŋmiali nni,
Yuakuli baa koani leni o lielo.
14Juda yaaba baa koani ki gaa
Jerusalemi dogu,
Bi baa fie yaa nilanbuoli n lindi ba
Piama kuli.
Bi baa wodi wula, ŋanjilifa
Leni ti tiayiekaadi hali boncianla.
15Yaa bonbiadila n baa bi niba yeni,
Baa cuo i taami, i buomi,
Ti yuoyuodi, i ŋunbi leni yaa yandi n ye
I nilanbuoli yeni toanaga nni kuli.
16Li baa baa yaa niba n baa ciadi
I nilanbuoli yii n den cua ki baa
Jerusalemi yeni siiga.
Laa niba baa yaa kpendi binli kuli
Laa dogu nni ki kpiagidi o bado,
Li Miali Diedo U Paaciamu Kuli Daano,
Ki go jaani a suga jaanma. #Lev 23.39-43.
17Lanwani, li yaa tie ke ki tinga
Nilanbuoli siiga, nilanbuoluba yie,
Kaa kpendi Jerusalemi ki baa yaa kpiagidi o Diedo
U Paaciamu Daano,
Taaga kan mi laa niba diema nni.
18Ejipiti yaaba yaa yie ki kan gedi
Jerusalemi ki ban jaani a suga jaanma,
O Diedo n baa soani yaa bonbiadila
Yaa nilanbuoli n yie yeni siiga,
Baa cuo bani, Ejipiti yaaba moko.
19Lani n tie yaa bonbiadila n baa cuo Ejipiti yaaba leni yaa nilanbuoli n baa yie ke bi kan gedi laa jaanma.
20Landaali, bi baa diani yaa coolonmu n juani
I taami tuli nni po:
“Bi gagidi la o Diedo po.”
O Diedo diegu boba baa gagidi ki yaa ŋani,
Nani yaa tadimu n se li padibinbinli kani,
Ke bi yen tiendi lienni mi soama ki miini yeni.
21Yaa boba n ye Jerusalemi leni Juda kuli,
Bi baa gagidi a Li Miali Diedo,
U Paaciamu Kuli Daano po.
Yaaba n baa yaa kpendi ki padi,
Baa yaa taani laa boba yo ki ŋaandi ti padinandi.
Landaali yaa pundi,
Kpendo kuli kan go yaa ye Li Miali Diedo,
U Paaciamu Kuli Daano diegu nni.
Currently Selected:
Sakari 14: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
