Mi Doagidima 2
2
Efesi Nitaanli po
1Ŋan diani Kilisiti Nitaanli, yaali n ye Efesi po yaa maleki po ki yedi o:
«Yua n muubi a ŋmabileleeda o jienu, ki go cuoni wula fidisantuankaanilele siiga yeni, yedi yaala n tie ne: 2‹N bani a bontienkaala, a tuonfala leni a juunli. N bani ke a kan tuo bi nibiadiba po. A den biigi yaaba n tua ke bi tie tondiba ki naa tie yeni, ki sua ke bi tie tuofaadanba. 3A pia li juunli. A laa fala kelima n yeli po, ki naa coagi ki cedi.
4Ama min jaligidi a yaala tie ke a ŋaa a buakpiama. 5Lanwani, ŋan tiadi ŋan baa naani, ki lebidi a yama, ki go yaa tiendi nani ŋan den kpa tiendi maama. Lan yaa ka, n baa cua a kani ki tuadi a fidisantuankaanu. 6Ba lani kuli, yaala n ŋani a kani tie ke a nani Nikola#2.6 Nikola yeni, laa doagidi cain wan den tie yua bi yaala. Li fidi ke li den tie jaancagili bi ki tie yaaba n tuuni a cancagintuona. ŋoadikaaba bontienkaala, nani mini n ba n nani la maama.
7Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o wan yaa di li miali tibu, yaabu n ye ŋalijani nni, bonluonkaala.› » #Cil 2.9; Doa 22.2; Esk 28.13; 31.8.
Simirini Nitaanli po
8Ŋan diani Kilisiti Nitaanli yaali n ye Simirini yaa maleki po ki yedi o:
«Yua n tie o kpialo leni o juodika, wani yua n den kpe ki go ye ki fo yedi yaala n tie ne: #Esa 44.6; 48.12; Doa 1.17; 22.13. 9‹N bani ŋan ye leni yaa fala leni a luoma. Ama moamoani po, a pia. N go bani yaaba n tua ke bi tie Jufinba ki naa tie, n sugidi a yaa sugidi. Ama bi tie Sutaani nitaanli yaaba. 10Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.
11Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, mi kuliedima kan nandi o.› » #Doa 20.14; 21.8.
Perigami Nitaanli po
12Ŋan diani Kilisiti Nitaanli yaali n ye Perigami yaa maleki po ki yedi o: «Yua n kubi yaa jugisieñoaliedi n mani yedi yaala n tie ne: 13‹N bani a deni n ye naankani. Likani tie Sutaani bali kalikaanu n ye naani. A kubi n yeli, ŋaa den nia li dandanli ba ban den kpa n nidugika Antipasi yaa dana nni yi dogu nni. Bi den kpa o yi dogu nni, Sutaani n ye naani yeni.
14Ama min jaligidi a yaa bonla po, tie ke a pia a kani yaaba n ŋua Balaam bangima, yua n den bangi Balaki ke o tulini Isidayeli yaaba, ke bi ŋmani ti padinandi ki go conbi. #Coa 22.5,7; 31.16; Tia 23.4; Coa 25.1-3. 15A go pia a kani yaaba moko n ŋua Nikola bangima. 16Ŋan lebidi a yama, lan yaa ka, n baa cua a kani tontoni, ki koani leni laa niba leni n ñoabu jugisiega.
17Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o yaa manni n den wuo, ki go pa o li tanpienli, ban diani li yepanli yaali yaa po, oba kuli n ki bani yaali, se yua n baa li bebe.› » #Ñam 16.14-15; 16.33-34; Jan 6.48-50; Esa 62.2; 65.15.
Tiatiri Nitaanli po
18Ŋan diani Kilisiti Nitaanli yaali n ye Tiatiri yaa maleki po, ki yedi o:
«U Tienu Bijua, yua yaa nuni n yieni nani u mupienu yeni, ke o taana mo tie nani ban duuni yaa kumoandi ke ti ñuliti yeni, yedi yaala n tie ne: 19‹N bani a bontienkaala leni a buama, a dandanli, a todima nitoaba po leni a juunli. Ŋan go yuandi ki tiendi yaa tuonŋama yabi ki cie ŋan den kpa tiendi ya.
20Ama min jaligidi a yaala po, tie ke a cedi yaa pua n yi Jesabeli, yua n tua ke o tie saawalipualo, bangi n naacenba ki tulini ba, ke bi tiendi mi conconma ki go ŋmani ti padinandi.#1Bad 16.31; 2Bad 9.22,30. 21N den puni o u yogunu wan lebidi o yama, ama waa bua ki lebidi o yama o conconma po. 22Lanwani, n baa lu o fala duanu po, ki taani leni yaaba n conbi leni o kuli, ki waani ba falabiado, se bi yaa lebidi bi pala bi tuona po bebe. 23N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama. #Ps 7.10; 62.13; Jer 17.10. 24Ama yinba Tiatiri yaaba, yaaba n sieni kaa ŋoadi laa bangima, kaa bandi ban yi yaa bangima “Sutaani ŋasiili,” n yedi yi line: N kan go tuni yi tugitoali, kali 25yin yaa kubi yin pia yaala kankani hali min cua.
26Yua n koani mi jama ki paadi ki tiendi min bili yaala hali mi juodima, n baa dini o li bali wan yaa die i nibuoli. #Ps 2.8-9. 27O baa gobidi ba leni ti kudi badigbiamu, nani ban mudi ti tandi tiadi maama yeni. 28N go baa pa o ki tiŋaaŋmabiga.
29Yua n pia a tuba, wan cengi mi Fuoma n tua Kilisiti Nitaana yaala.› »
Currently Selected:
Mi Doagidima 2: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Doagidima 2
2
Efesi Nitaanli po
1Ŋan diani Kilisiti Nitaanli, yaali n ye Efesi po yaa maleki po ki yedi o:
«Yua n muubi a ŋmabileleeda o jienu, ki go cuoni wula fidisantuankaanilele siiga yeni, yedi yaala n tie ne: 2‹N bani a bontienkaala, a tuonfala leni a juunli. N bani ke a kan tuo bi nibiadiba po. A den biigi yaaba n tua ke bi tie tondiba ki naa tie yeni, ki sua ke bi tie tuofaadanba. 3A pia li juunli. A laa fala kelima n yeli po, ki naa coagi ki cedi.
4Ama min jaligidi a yaala tie ke a ŋaa a buakpiama. 5Lanwani, ŋan tiadi ŋan baa naani, ki lebidi a yama, ki go yaa tiendi nani ŋan den kpa tiendi maama. Lan yaa ka, n baa cua a kani ki tuadi a fidisantuankaanu. 6Ba lani kuli, yaala n ŋani a kani tie ke a nani Nikola#2.6 Nikola yeni, laa doagidi cain wan den tie yua bi yaala. Li fidi ke li den tie jaancagili bi ki tie yaaba n tuuni a cancagintuona. ŋoadikaaba bontienkaala, nani mini n ba n nani la maama.
7Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o wan yaa di li miali tibu, yaabu n ye ŋalijani nni, bonluonkaala.› » #Cil 2.9; Doa 22.2; Esk 28.13; 31.8.
Simirini Nitaanli po
8Ŋan diani Kilisiti Nitaanli yaali n ye Simirini yaa maleki po ki yedi o:
«Yua n tie o kpialo leni o juodika, wani yua n den kpe ki go ye ki fo yedi yaala n tie ne: #Esa 44.6; 48.12; Doa 1.17; 22.13. 9‹N bani ŋan ye leni yaa fala leni a luoma. Ama moamoani po, a pia. N go bani yaaba n tua ke bi tie Jufinba ki naa tie, n sugidi a yaa sugidi. Ama bi tie Sutaani nitaanli yaaba. 10Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.
11Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, mi kuliedima kan nandi o.› » #Doa 20.14; 21.8.
Perigami Nitaanli po
12Ŋan diani Kilisiti Nitaanli yaali n ye Perigami yaa maleki po ki yedi o: «Yua n kubi yaa jugisieñoaliedi n mani yedi yaala n tie ne: 13‹N bani a deni n ye naankani. Likani tie Sutaani bali kalikaanu n ye naani. A kubi n yeli, ŋaa den nia li dandanli ba ban den kpa n nidugika Antipasi yaa dana nni yi dogu nni. Bi den kpa o yi dogu nni, Sutaani n ye naani yeni.
14Ama min jaligidi a yaa bonla po, tie ke a pia a kani yaaba n ŋua Balaam bangima, yua n den bangi Balaki ke o tulini Isidayeli yaaba, ke bi ŋmani ti padinandi ki go conbi. #Coa 22.5,7; 31.16; Tia 23.4; Coa 25.1-3. 15A go pia a kani yaaba moko n ŋua Nikola bangima. 16Ŋan lebidi a yama, lan yaa ka, n baa cua a kani tontoni, ki koani leni laa niba leni n ñoabu jugisiega.
17Yua n pia a tuba, wan cengi mi Fuoma n tua Kilisiti Nitaana yaala. Yua n koani mi jama ki paadi, n baa pa o yaa manni n den wuo, ki go pa o li tanpienli, ban diani li yepanli yaali yaa po, oba kuli n ki bani yaali, se yua n baa li bebe.› » #Ñam 16.14-15; 16.33-34; Jan 6.48-50; Esa 62.2; 65.15.
Tiatiri Nitaanli po
18Ŋan diani Kilisiti Nitaanli yaali n ye Tiatiri yaa maleki po, ki yedi o:
«U Tienu Bijua, yua yaa nuni n yieni nani u mupienu yeni, ke o taana mo tie nani ban duuni yaa kumoandi ke ti ñuliti yeni, yedi yaala n tie ne: 19‹N bani a bontienkaala leni a buama, a dandanli, a todima nitoaba po leni a juunli. Ŋan go yuandi ki tiendi yaa tuonŋama yabi ki cie ŋan den kpa tiendi ya.
20Ama min jaligidi a yaala po, tie ke a cedi yaa pua n yi Jesabeli, yua n tua ke o tie saawalipualo, bangi n naacenba ki tulini ba, ke bi tiendi mi conconma ki go ŋmani ti padinandi.#1Bad 16.31; 2Bad 9.22,30. 21N den puni o u yogunu wan lebidi o yama, ama waa bua ki lebidi o yama o conconma po. 22Lanwani, n baa lu o fala duanu po, ki taani leni yaaba n conbi leni o kuli, ki waani ba falabiado, se bi yaa lebidi bi pala bi tuona po bebe. 23N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama. #Ps 7.10; 62.13; Jer 17.10. 24Ama yinba Tiatiri yaaba, yaaba n sieni kaa ŋoadi laa bangima, kaa bandi ban yi yaa bangima “Sutaani ŋasiili,” n yedi yi line: N kan go tuni yi tugitoali, kali 25yin yaa kubi yin pia yaala kankani hali min cua.
26Yua n koani mi jama ki paadi ki tiendi min bili yaala hali mi juodima, n baa dini o li bali wan yaa die i nibuoli. #Ps 2.8-9. 27O baa gobidi ba leni ti kudi badigbiamu, nani ban mudi ti tandi tiadi maama yeni. 28N go baa pa o ki tiŋaaŋmabiga.
29Yua n pia a tuba, wan cengi mi Fuoma n tua Kilisiti Nitaana yaala.› »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.