Mi Doagidima 1
1
Kilisiti nitaanleleeda tila
1—3
Yua n diani li tili macilikaama
1Line n tie Jesu Kilisiti doagidima, U Tienu n den teni o yaama, ke wan waani o naacenba yaa bonla n baa ti tieni tiladi ke li kan waagi. Wani Kilisiti n den soani o maleki o naacemo Jan kani, ki teni ke o bandi mi doagidima yeni. 2Jan tieni siedi ke wan den laa yaala kuli tie U Tienu maama leni Jesu Kilisiti yaa siedi.
3Li pamanli ye leni yua n cogi leni yaaba n cengi yaa saawali maama n ye ne, ki kubi yaama n diani mi niinni kuli, kelima li yogunu nagini.
I fuondi Kilisiti Nitaanleleeda po
4Mini Jan n diani li naa tili Kilisiti Nitaanleleeda ya n ye Asi diema nni po.
U Tienu yua n den kpa ye, ki ye moala, ki go baa ti cua leni o fuoleleedima#1.4 Nekanba U Tienu fuoleleedima yeni naa tie U Tienu Fuoma Yua wani o ba ka. Ama li fidi ke li maadi o tuona maama nani Esa 11.2 n yedi maama. yaama n ye li bali kalikaanu kani, #Ñam 3.14; Doa 4.5. 5Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma!
Wani yua n bua ti ki den faabi ti leni ti tuonbiadi kelima o soama po, #Esa 55.4; Ps 89.27. 6ki go teni ke ti tua kopadicianba diema o Baa U Tienu po, n baa ti kpiagidi leni u paalu hali yaa yogunu kuli. Amina! #Ñam 19.6; Doa 5.10.
7Diidi ki le mani,
O kpendi ti tawadi nni,
Nunbu kuli baa le o,
Ba yaaba n den muu o baa le o.
Ŋanduna nibuoli mo kuli,
Baa buudi kelima o po.
Yeni n yeni! Amina! #Dan 7.13; Mat 24.30; Mrk 13.26; Luk 21.27; 1Tes 4.7; Sak 12.10; Jan 19.34,37.
8Li Miali Diedo U Tienu U Paaciamu Kuli Daano, yua n den kpa ye, ki ye moala ki go baa ti cua, wani n yedi: «N tie Alifa leni Omega.#1.8 Gireki maama u diankpialu yi alifa, o dianjuodiko yi omega. Lani n tie mi cilima leni mi juodima.» #Dan 7.13; 10.5.
Jan laa Kilisiti li bonlekaala nni
9Mini Jan, yi kpiilo, n taa leni yi o falaciamo nni. N taa leni yi U Tienu diema nni, li juunli nni leni Jesu nni. Bi den gedini nni Patimosi kpendegili po, kelima U Tienu Maama leni Jesu yaa siedi po. 10U Tienu Fuoma Yua den cuo nni o Diedo daali. N den gbadi u nialiciamu n puoli, ke u tie nani bi piebi kakaci yeni. 11U den tua: «Ŋan baa le yaala, ŋan diani la li tili nni ki soani Kilisiti Nitaanleleeda ya n ye Efesi, Simirini, Perigami, Tiatiri, Saridi, Filadelifi leni Laodise dogi nni kuli po.»
12N den jigidi ki baa le yua n maadi leni nni. Min den jigidi yaa yogunu n den laa wula fidisantuankaanilele. 13Yua n naani leni o nisaalo den ye i fidisantuankaani yeni siiga. O den la liadicianli ke li jiidi hali o taafaadi, ki ñaagi o benli wula ñagidu. #Dan 7.13; 10.5. 14O yuli leni o yudi den pieni paipai nani ti kunkundi yeni. O nuni den tie nani u mupienu yeni. #Dan 7.9; 10.6. 15O taana den ñuliti nani ban tongi yaa kumoandi ki buaga nni ke ti moandi yeni. O nialu mo den tie nani mi ñincianma yaa fuugu yeni. #Esk 1.24; 43.2. 16O den muubi ŋmabilalele o jienu. Jugisieñoaliedi, yaaga n mani den ña o ñoabu nni. O nunga den ñuliti nani u yienu n yen kpadi u yensiinu maama yeni.
17Min den laa o yaa yogunu, n den baa o taana kani nani n kpe yeni. O den maani n po o jienu ki yedi: «Ŋan da jie liba. Mini n tie o kpialo leni o juodika, #Esa 44.6; 48.12; Doa 2.8; 22.13. 18yua n ye ki fo. N den kpe, ama diidi ki le, n go fo ki baa yaa ye hali yaa yogunu kuli. N kubi mi kuuma leni bi tinkpiba yekaanu sendabila. 19Lanwani, ŋan diani ŋan laa yaala, yaala n ye moala leni yaala n baa ti yuandi ki cua. 20Ŋan laa ke n muubi yaa ŋmabileleeda n jienu nni leni wula fidisantuankaanleleedi yeni, tie line: A ŋmabileleeda tie Kilisiti Nitaanleleeda yaa malekinba,#1.20 Li go fidi ki yaa maadi bi tondiba maame. fidisantuankaanilele yeni mo tie Kilisiti Nitaanleleeda yeni.»
Currently Selected:
Mi Doagidima 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Doagidima 1
1
Kilisiti nitaanleleeda tila
1—3
Yua n diani li tili macilikaama
1Line n tie Jesu Kilisiti doagidima, U Tienu n den teni o yaama, ke wan waani o naacenba yaa bonla n baa ti tieni tiladi ke li kan waagi. Wani Kilisiti n den soani o maleki o naacemo Jan kani, ki teni ke o bandi mi doagidima yeni. 2Jan tieni siedi ke wan den laa yaala kuli tie U Tienu maama leni Jesu Kilisiti yaa siedi.
3Li pamanli ye leni yua n cogi leni yaaba n cengi yaa saawali maama n ye ne, ki kubi yaama n diani mi niinni kuli, kelima li yogunu nagini.
I fuondi Kilisiti Nitaanleleeda po
4Mini Jan n diani li naa tili Kilisiti Nitaanleleeda ya n ye Asi diema nni po.
U Tienu yua n den kpa ye, ki ye moala, ki go baa ti cua leni o fuoleleedima#1.4 Nekanba U Tienu fuoleleedima yeni naa tie U Tienu Fuoma Yua wani o ba ka. Ama li fidi ke li maadi o tuona maama nani Esa 11.2 n yedi maama. yaama n ye li bali kalikaanu kani, #Ñam 3.14; Doa 4.5. 5Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma!
Wani yua n bua ti ki den faabi ti leni ti tuonbiadi kelima o soama po, #Esa 55.4; Ps 89.27. 6ki go teni ke ti tua kopadicianba diema o Baa U Tienu po, n baa ti kpiagidi leni u paalu hali yaa yogunu kuli. Amina! #Ñam 19.6; Doa 5.10.
7Diidi ki le mani,
O kpendi ti tawadi nni,
Nunbu kuli baa le o,
Ba yaaba n den muu o baa le o.
Ŋanduna nibuoli mo kuli,
Baa buudi kelima o po.
Yeni n yeni! Amina! #Dan 7.13; Mat 24.30; Mrk 13.26; Luk 21.27; 1Tes 4.7; Sak 12.10; Jan 19.34,37.
8Li Miali Diedo U Tienu U Paaciamu Kuli Daano, yua n den kpa ye, ki ye moala ki go baa ti cua, wani n yedi: «N tie Alifa leni Omega.#1.8 Gireki maama u diankpialu yi alifa, o dianjuodiko yi omega. Lani n tie mi cilima leni mi juodima.» #Dan 7.13; 10.5.
Jan laa Kilisiti li bonlekaala nni
9Mini Jan, yi kpiilo, n taa leni yi o falaciamo nni. N taa leni yi U Tienu diema nni, li juunli nni leni Jesu nni. Bi den gedini nni Patimosi kpendegili po, kelima U Tienu Maama leni Jesu yaa siedi po. 10U Tienu Fuoma Yua den cuo nni o Diedo daali. N den gbadi u nialiciamu n puoli, ke u tie nani bi piebi kakaci yeni. 11U den tua: «Ŋan baa le yaala, ŋan diani la li tili nni ki soani Kilisiti Nitaanleleeda ya n ye Efesi, Simirini, Perigami, Tiatiri, Saridi, Filadelifi leni Laodise dogi nni kuli po.»
12N den jigidi ki baa le yua n maadi leni nni. Min den jigidi yaa yogunu n den laa wula fidisantuankaanilele. 13Yua n naani leni o nisaalo den ye i fidisantuankaani yeni siiga. O den la liadicianli ke li jiidi hali o taafaadi, ki ñaagi o benli wula ñagidu. #Dan 7.13; 10.5. 14O yuli leni o yudi den pieni paipai nani ti kunkundi yeni. O nuni den tie nani u mupienu yeni. #Dan 7.9; 10.6. 15O taana den ñuliti nani ban tongi yaa kumoandi ki buaga nni ke ti moandi yeni. O nialu mo den tie nani mi ñincianma yaa fuugu yeni. #Esk 1.24; 43.2. 16O den muubi ŋmabilalele o jienu. Jugisieñoaliedi, yaaga n mani den ña o ñoabu nni. O nunga den ñuliti nani u yienu n yen kpadi u yensiinu maama yeni.
17Min den laa o yaa yogunu, n den baa o taana kani nani n kpe yeni. O den maani n po o jienu ki yedi: «Ŋan da jie liba. Mini n tie o kpialo leni o juodika, #Esa 44.6; 48.12; Doa 2.8; 22.13. 18yua n ye ki fo. N den kpe, ama diidi ki le, n go fo ki baa yaa ye hali yaa yogunu kuli. N kubi mi kuuma leni bi tinkpiba yekaanu sendabila. 19Lanwani, ŋan diani ŋan laa yaala, yaala n ye moala leni yaala n baa ti yuandi ki cua. 20Ŋan laa ke n muubi yaa ŋmabileleeda n jienu nni leni wula fidisantuankaanleleedi yeni, tie line: A ŋmabileleeda tie Kilisiti Nitaanleleeda yaa malekinba,#1.20 Li go fidi ki yaa maadi bi tondiba maame. fidisantuankaanilele yeni mo tie Kilisiti Nitaanleleeda yeni.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.