Mi Kpanjama 2
2
Mi yanfuoma faabidi o nilo
1N bijua, a yaa gaa n maama,
Ki kubi n ñoamabonbilikaana,
2A yaa diadi a tuba ki cengi n yanfuoma,
Ki kpaagi a pali nni bonŋanla,
3A yaa kpaani ki yini mi yanfuoma,
Ki kpedi a nialu ki mia ma,
4A yaa lingi ma nani ŋanjilifa yeni,
Ki bua ki baa ma nani ŋalimani yeni,
5Lani, a baa bandi o Diedo fangili,
A baa baa ki bandi U Tienu.
6O Diedo n puuni mi yanfuoma,
Mi banma leni li kpaagili ña o yaa kane.
7O bili o todima bi niteginkaaba po yo.
O tie nani li gbankoandigu yeni yaaba
N cuoni leni li papienli po.
8O kubi yua n cuoni
Mi teginma sanu nni,
O kubi o nidugikaaba.
9Lani, a baa bandi mi teginma leni yaala n dagidi,
Yaala n tiegi leni yaala n kpendinni mi yemanma kuli.
10Mi yanfuoma baa yaa ye a niinni,
Mi banma baa pa ŋa li pamanli.
11Li kpaagili baa yaa guu ŋa,
Mi yanfuoma mo baa yaa kubi a.
12Lani kuli baa yaa guu ŋa leni mi biadima,
Ki faabidi a leni o lantondaano,
13Ki kubi a yaaba n ŋaani mi teginma sani,
Ki cuoni yaa sani n biigi niinni.
14Bi mangidi bi pala leni ti tuonbiadi tienma,
Ki kuani bi yama mi biadima nni.
15Bi ŋua yaa sani n goli,
Ki wuondi bi bontienkaala.
16Yeni a baa faabi leni o cancaginpua,
O nilanpua yua n pia ti mamandi,
17Wani yua n ŋaa o cakpelo
Ki miidi U Tienu n bili yaa ŋantaado.
18O diegu diandi ki caa mi kuuma po,
O sanu mo caani bi tinkpiba diema nni.
19Yua n gedi o po kuli kan go guani,
O kan go le li miali sanu mo.
20Fini, ŋan yaa ŋua bi niŋanba taafuuli,
Ki yaa togidi bi niteginkaaba tagu,
21Kelima yaa niba n tiendi yaala
N dagidi baa yaa ye mi diema nni.
Bi papiendanba baa yaa ye mi niinni.
22Ama bi baa ñani bi nibiadiba mi diema nni,
Bi baa deli ki ñani i janbi danba lienni.
Currently Selected:
Mi Kpanjama 2: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.