Mi Coadima 22
22
Balaam laabaalo
22.1—25.18
O bado Balaki yini Balaam
1Isidayeli yaaba den fii ki gedi, ki ban kpaa bi nagili Moabi diema tiali nni, Jurden kpenu puoli, ki tiegi leni Jeriko dogu. 2Tisipori bijua Balaki den gbadi Isidayeli yaaba n den soani Amori yaaba maama. 3Moabi yaaba den jie hali boncianla, kelima Isidayeli yaaba den yabi. Moabi yaaba tugusoama den sani boncianla, Isidayeli yaaba nintuali. 4Moabi yaaba den yedi Madiani yaaba nikpela: «Bi naa niba baa bolini moala moala yaala n lindi ti kuli, nani i ne n ŋmani li fuali nni muadi kuli maama yeni.» Tisipori bijua Balaki n den tie Moabi bado lanyogunu.
5O den soani a tonda Beori bijua Balaam kani, yua n den kaa Petori dogu nni, yuu n ye u kpenu balinma, o diema nni, ki yedi o: «Nibuolu ye nekanba, ki ñani Ejipiti po, ki wuli ki ladi mi diema nni kuli. U kaa ki tiegi leni n diema. #Coa 31.8; 2Pie 2.15-16; Jud 1.11. 6N mia ŋa, ŋan cua ki soli n po laa nibuolu, kelima u pia u paalu ki cie nni. A yaa tuo ki tieni n po yeni, li fidi min paadi u, ki deli ki ñani u n diema nni, kelima n bani, a yaa gaali yua, i gaali baa kua, a yaa soli yua mo, ti solindi baa nandi o.»
7Moabi nikpela leni Madiani nikpela den fii ki tugi bu paabu o lingido po. Bi den ban pundi Balaam kani, ki caa o Balaki tondu. 8Balaam den yedi ba: «Yin duani mani ne. Saala n baa waani yi, o Diedo n yedi nni yaala.» Lanwani, Moabi yudanba den duani Balaam deni.
9U Tienu den cua Balaam kani, ki buali o: «Bi laa niba n ye a deni yeni?» 10Balaam den guani ki lebidi U Tienu: «Moabi bado Tisipori bijua Balaki n soani ba, ke ban waani nni, 11ke nibuolu n ñani Ejipiti po, ki ladi ki mundi u tingbanu kuli. O mia nni, ke min cua ki soli o po ba. Yeni, o baa le o yaa baa fidi ki deli ba.» 12U Tienu den guani ki yedi Balaam: «Ŋan da gedi leni ba. Ŋan da soli u nibuolu yeni kelima n seligi u.»
13Balaam den faa ki fii ku tiŋaagu, ki yedi Balaki n den soani yaa yudanba yeni: «Lebidi ki kuni mani yi diema po, kelima o Diedo yie ke min da gedi leni yi lipo.» 14Moabi yudanba den fii ki lebidi ki kuni Balaki po, ki ban yedi o: «Balaam yie ke o kan yegi leni ti ki cua.»
15Balaki go den soani yudantoaba, yaaba n yabi boncianla, ki go pia ti kpiagidi ki cie yaaba n den kpa gedi. 16Bi den ban pundi Balaam kani, ki yedi o: «Tisipori bijua Balaki n soani ti yaa tondu n tie ne, ki yedi: ‹Ŋan da teni liba kuli n yie a po, ke a kan cua n kani, 17kelima n baa pa ŋa ti jigidi#22.17 Wan niani o yaa jigidi yeni fidi ki go yaa tie wan baa pa o yaa panpaani yo. Diidi vedise 18. boncianla. N baa tuo ki tieni ŋan baa yedi min tieni yaala mo kuli. N mia ŋa, ŋan li cua ki soli n po laa nibuolu.› »
18Balaam den guani ki yedi Balaki naacenba: «Ba Balaki yaa puni nni o diegu, ke ku gbie ŋanjilifa leni wula, n kan fidi ki miidi o Diedo n Tienu ñoamabonli, lan wa bi lan yabi. 19Moala, n mia yimoko n duani ne, ku naa ñiagu. Lani, n baa bandi o Diedo n go baa yedi nni yaala.»
20U Tienu den cua Balaam kani ku ñiagu, ki yedi o: «Nani bi jaba ne n cua ki baa yini a yeni, ŋan fii ki yegi leni ba ki gedi. Ama a li baa yaa maadi, min baa yedi a yaale.» 21Ku tiŋaagu, Balaam den paani o ŋunbo li gaali ki yegi leni Moabi yudanba ki gedi.
Maleki yie Balaam po
22U Tienu pali den beni o po, kelima wan den gedi yeni po. Lani, o Diedo maleki den jia ki sedi u sanu nni, ki baa yie o po. Balaam den jagi o ŋunñua, ke o naacenliediba yegi leni o. 23O ŋunñua den laa ke o Diedo maleki se u sanu nni, ki muubi o jugisiega. O ŋunñua den jadi ki kua i kuani nni. Balaam den pua o ŋunñua, ki bua ki guani o u sanu nni. 24O Diedo maleki den ban sedi sanbiga nni, duven tiidi kuani siiga. I bilini den se ki yagini u sanu yeni. 25O ŋunñua den laa U Tienu maleki, ki suli ki tabini u bilinu, ki mabini ki taani Balaam taali leni u bilinu. Balaam go den pua o. 26O Diedo maleki go den suagi liiga, ki ban sedi yaa kaanu n miabi, hali maama ke fanma ki ye yaala n baa tuo ki jadi ganu bi jienu. 27O ŋunñua n den laa o Diedo maleki, o den labini, ke o daano jagi o. Balaam pali den fii hali boncianla, ke o den pua o ŋunñua leni o gbiamu. 28Lani, o Diedo den teni ke o ŋunñua yeni maadi, ki yedi Balaam: «N tieni a be, ke a pua nni hali taalimitaa?» 29Balaam den guani ki yedi o ŋunñua: «N pua ŋa, kelima a yie n maama. N yaa bi kubi jugisiega n kane, n bi muu ki kpa ŋa yo.» 30O ŋunñua den buali o: «Naani mii tie ŋan li maani ki jagi yaa ŋunñua yogunu kuli, ki ti taa pundi hali dinla? Naani a da bi kpa maani min tieni a nanda?» O den guani ki yedi: «Aa-a.»
31O Diedo den ŋubidi Balaam nuni, ke o la o Diedo maleki ke o se u sanu nni, ki muubi o jugisiega. Lani, o den gbaani ki labini tiipo. 32O Diedo maleki den buali o: «Be yaa po ke a pua a ŋunñua hali taalimitaa? Diidi n bi cua ki baa yie a po yo, kelima ŋan ŋua yaa sanu yeni caani a li tingbali po yo. 33O ŋunñua bi laa nni, ki lagidi hali taalimitaa. O yàá bi lagidi nni, n bi kpa ŋa, ki ŋaa o ŋunñua wani leni li miali.» 34Balaam den yedi o Diedo maleki: «N tieni ti tuonbiadi, kelima mii bi bani ke a jia u sanu, ki se liiga. Ama moala, li yaa tie ke n sancenli ne ki mani a, n baa guani ki lebidi ki kuni.» 35O Diedo maleki den guani ki yedi Balaam: «Yegi leni bi jaba yeni, ki gedi. Ama a li baa n yaa togidi min baa waani a yaa maama bebe.» Lanwani, Balaam den pendi ki gedi leni Balaki n soani yaa yudanba yeni.
Balaam kali leni Balaki
36Balaki n den gbadi ke Balaam kpendi, o den ñani ki ban tuogi o, Moabi dogu yuu n kuu leni mi diema bianu, ki ye Arinoni kpenu balinma. 37Balaki den buali Balaam: «Min den kpa soani bi niba ke ban yini a yeni daa, be yaa po yo ke ŋaa den cua? Naani a tama ke n kan fidi ki jigini a yo?» 38Balaam den guani ki yedi Balaki: «Moala ke n ji cua a kani, naani n baa fidi ki yedi bonla? N li baa maadi U Tienu n baa kuani yaa maama n ñoabu nne.» 39Balaam den yegi leni Balaki ke bi gedi yaa dogu n yi, Kiriyati-Hutisoti. 40Balaki den padi i ne leni ti yanbidi, ki ñani ti padinandi Balaam leni yaa yudanba n den cangi o po.
Balaam gaali Isidayeli yaaba
41Ku tiŋaagu, Balaki den taa Balaam ki den gedi Bamoti-Baali dogu nni. Likani Balaam den laa Isidayeli yaaba bi nitianba.
Currently Selected:
Mi Coadima 22: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 22
22
Balaam laabaalo
22.1—25.18
O bado Balaki yini Balaam
1Isidayeli yaaba den fii ki gedi, ki ban kpaa bi nagili Moabi diema tiali nni, Jurden kpenu puoli, ki tiegi leni Jeriko dogu. 2Tisipori bijua Balaki den gbadi Isidayeli yaaba n den soani Amori yaaba maama. 3Moabi yaaba den jie hali boncianla, kelima Isidayeli yaaba den yabi. Moabi yaaba tugusoama den sani boncianla, Isidayeli yaaba nintuali. 4Moabi yaaba den yedi Madiani yaaba nikpela: «Bi naa niba baa bolini moala moala yaala n lindi ti kuli, nani i ne n ŋmani li fuali nni muadi kuli maama yeni.» Tisipori bijua Balaki n den tie Moabi bado lanyogunu.
5O den soani a tonda Beori bijua Balaam kani, yua n den kaa Petori dogu nni, yuu n ye u kpenu balinma, o diema nni, ki yedi o: «Nibuolu ye nekanba, ki ñani Ejipiti po, ki wuli ki ladi mi diema nni kuli. U kaa ki tiegi leni n diema. #Coa 31.8; 2Pie 2.15-16; Jud 1.11. 6N mia ŋa, ŋan cua ki soli n po laa nibuolu, kelima u pia u paalu ki cie nni. A yaa tuo ki tieni n po yeni, li fidi min paadi u, ki deli ki ñani u n diema nni, kelima n bani, a yaa gaali yua, i gaali baa kua, a yaa soli yua mo, ti solindi baa nandi o.»
7Moabi nikpela leni Madiani nikpela den fii ki tugi bu paabu o lingido po. Bi den ban pundi Balaam kani, ki caa o Balaki tondu. 8Balaam den yedi ba: «Yin duani mani ne. Saala n baa waani yi, o Diedo n yedi nni yaala.» Lanwani, Moabi yudanba den duani Balaam deni.
9U Tienu den cua Balaam kani, ki buali o: «Bi laa niba n ye a deni yeni?» 10Balaam den guani ki lebidi U Tienu: «Moabi bado Tisipori bijua Balaki n soani ba, ke ban waani nni, 11ke nibuolu n ñani Ejipiti po, ki ladi ki mundi u tingbanu kuli. O mia nni, ke min cua ki soli o po ba. Yeni, o baa le o yaa baa fidi ki deli ba.» 12U Tienu den guani ki yedi Balaam: «Ŋan da gedi leni ba. Ŋan da soli u nibuolu yeni kelima n seligi u.»
13Balaam den faa ki fii ku tiŋaagu, ki yedi Balaki n den soani yaa yudanba yeni: «Lebidi ki kuni mani yi diema po, kelima o Diedo yie ke min da gedi leni yi lipo.» 14Moabi yudanba den fii ki lebidi ki kuni Balaki po, ki ban yedi o: «Balaam yie ke o kan yegi leni ti ki cua.»
15Balaki go den soani yudantoaba, yaaba n yabi boncianla, ki go pia ti kpiagidi ki cie yaaba n den kpa gedi. 16Bi den ban pundi Balaam kani, ki yedi o: «Tisipori bijua Balaki n soani ti yaa tondu n tie ne, ki yedi: ‹Ŋan da teni liba kuli n yie a po, ke a kan cua n kani, 17kelima n baa pa ŋa ti jigidi#22.17 Wan niani o yaa jigidi yeni fidi ki go yaa tie wan baa pa o yaa panpaani yo. Diidi vedise 18. boncianla. N baa tuo ki tieni ŋan baa yedi min tieni yaala mo kuli. N mia ŋa, ŋan li cua ki soli n po laa nibuolu.› »
18Balaam den guani ki yedi Balaki naacenba: «Ba Balaki yaa puni nni o diegu, ke ku gbie ŋanjilifa leni wula, n kan fidi ki miidi o Diedo n Tienu ñoamabonli, lan wa bi lan yabi. 19Moala, n mia yimoko n duani ne, ku naa ñiagu. Lani, n baa bandi o Diedo n go baa yedi nni yaala.»
20U Tienu den cua Balaam kani ku ñiagu, ki yedi o: «Nani bi jaba ne n cua ki baa yini a yeni, ŋan fii ki yegi leni ba ki gedi. Ama a li baa yaa maadi, min baa yedi a yaale.» 21Ku tiŋaagu, Balaam den paani o ŋunbo li gaali ki yegi leni Moabi yudanba ki gedi.
Maleki yie Balaam po
22U Tienu pali den beni o po, kelima wan den gedi yeni po. Lani, o Diedo maleki den jia ki sedi u sanu nni, ki baa yie o po. Balaam den jagi o ŋunñua, ke o naacenliediba yegi leni o. 23O ŋunñua den laa ke o Diedo maleki se u sanu nni, ki muubi o jugisiega. O ŋunñua den jadi ki kua i kuani nni. Balaam den pua o ŋunñua, ki bua ki guani o u sanu nni. 24O Diedo maleki den ban sedi sanbiga nni, duven tiidi kuani siiga. I bilini den se ki yagini u sanu yeni. 25O ŋunñua den laa U Tienu maleki, ki suli ki tabini u bilinu, ki mabini ki taani Balaam taali leni u bilinu. Balaam go den pua o. 26O Diedo maleki go den suagi liiga, ki ban sedi yaa kaanu n miabi, hali maama ke fanma ki ye yaala n baa tuo ki jadi ganu bi jienu. 27O ŋunñua n den laa o Diedo maleki, o den labini, ke o daano jagi o. Balaam pali den fii hali boncianla, ke o den pua o ŋunñua leni o gbiamu. 28Lani, o Diedo den teni ke o ŋunñua yeni maadi, ki yedi Balaam: «N tieni a be, ke a pua nni hali taalimitaa?» 29Balaam den guani ki yedi o ŋunñua: «N pua ŋa, kelima a yie n maama. N yaa bi kubi jugisiega n kane, n bi muu ki kpa ŋa yo.» 30O ŋunñua den buali o: «Naani mii tie ŋan li maani ki jagi yaa ŋunñua yogunu kuli, ki ti taa pundi hali dinla? Naani a da bi kpa maani min tieni a nanda?» O den guani ki yedi: «Aa-a.»
31O Diedo den ŋubidi Balaam nuni, ke o la o Diedo maleki ke o se u sanu nni, ki muubi o jugisiega. Lani, o den gbaani ki labini tiipo. 32O Diedo maleki den buali o: «Be yaa po ke a pua a ŋunñua hali taalimitaa? Diidi n bi cua ki baa yie a po yo, kelima ŋan ŋua yaa sanu yeni caani a li tingbali po yo. 33O ŋunñua bi laa nni, ki lagidi hali taalimitaa. O yàá bi lagidi nni, n bi kpa ŋa, ki ŋaa o ŋunñua wani leni li miali.» 34Balaam den yedi o Diedo maleki: «N tieni ti tuonbiadi, kelima mii bi bani ke a jia u sanu, ki se liiga. Ama moala, li yaa tie ke n sancenli ne ki mani a, n baa guani ki lebidi ki kuni.» 35O Diedo maleki den guani ki yedi Balaam: «Yegi leni bi jaba yeni, ki gedi. Ama a li baa n yaa togidi min baa waani a yaa maama bebe.» Lanwani, Balaam den pendi ki gedi leni Balaki n soani yaa yudanba yeni.
Balaam kali leni Balaki
36Balaki n den gbadi ke Balaam kpendi, o den ñani ki ban tuogi o, Moabi dogu yuu n kuu leni mi diema bianu, ki ye Arinoni kpenu balinma. 37Balaki den buali Balaam: «Min den kpa soani bi niba ke ban yini a yeni daa, be yaa po yo ke ŋaa den cua? Naani a tama ke n kan fidi ki jigini a yo?» 38Balaam den guani ki yedi Balaki: «Moala ke n ji cua a kani, naani n baa fidi ki yedi bonla? N li baa maadi U Tienu n baa kuani yaa maama n ñoabu nne.» 39Balaam den yegi leni Balaki ke bi gedi yaa dogu n yi, Kiriyati-Hutisoti. 40Balaki den padi i ne leni ti yanbidi, ki ñani ti padinandi Balaam leni yaa yudanba n den cangi o po.
Balaam gaali Isidayeli yaaba
41Ku tiŋaagu, Balaki den taa Balaam ki den gedi Bamoti-Baali dogu nni. Likani Balaam den laa Isidayeli yaaba bi nitianba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.