Mise 6
6
Isidayeli tudima leni o Diedo ninñingbadima
6—7
U Tienu buni leni Isidayeli yaaba
1Cengi mani o Diedo n yedi nni yaala:
«Fii ki bu a buudi a joaciama nintuali,
Ŋan tua a siedinba,
A joabila moko n gbadi a yedima!
2N den yedi: ‹Yinba a joaciama
Leni ki tinga tanpuupaala,
Cengi mani o Diedo n baa bu yaa buudi,
Kelima o pia ti buudi ki baa bu leni o niba.
O bua ki bu leni bani Isidayeli yaaba.›
3O yedi: ‹N niba, n tieni yi be?
N coagi yi leni be?
Waani nni mani!
4Yi koani leni nni kelima n den ñani yi Ejipiti po?
Yi koani leni nni kelima n den faabi yi leni ti yonbidi?
Yi koani leni nni kelima n den soani Musa, Alono
Leni Miriam ke bi tua yi liiga yaaba ki gobidi yi? #Ñam 4.10-16; 12.50-51; 15.20.
5N niba, tiadi mani Moabi bado
Balaki n den jagi
Ke o baa tieni yi yaa bonbiadila,
Ki go tiadi Beori bijua Balaam
N den guani o yaa maama.
Tiadi mani yaala n den tieni
Li sancenli nni kuli,
Ki cili Sitimi ki pundi hali Giligali.
Tiadi mani lani kuli ki bandi mini o Diedo
N den tieni yi po yaa ŋanbili kuli.› » #Coa 22.2—24.25; Jos 3.1—4.19.
U Tienu n bua bi nisaaliba n ŋoadi o maama
6N baa cua o Diedo nintuali leni be?
N baa pugi tanpolijoma Tienu leni be?
Naani n baa cua leni yaa naabila
N pia binyenli yenli yo
Ki padi o po a padijuukaana?
7Naani petona tuda tuda n baa mangi o Diedo pali?
Naani o Diedo bua yaa kpama n baa gbieni i kpenciame?
Naani n baa taa n bonjakpiage ki padi n yiema po?
Naani n baa taa n bimadige ki padi n tuonbiadi po?
8U Tienu den bangi fini o nisaalo yaala n ŋani
Leni o Diedo n guu a kani yaala.
Lani n tie ke ŋan yaa ŋua yaa bujiali n tiegi,
Ki bua mi teginma,
Ki go yaa cuoni wani a Tienu nintuali leni li yumiinli.
U Tienu baa cuo i janbi leni ku tugutongu danba
9O Diedo maadi leni u dogu niba, ki yedi:
Juda yaaba leni u dogu nitaanli cengi mani,
O Diedo baa faabi yaaba n fangi o yeli.
10«Naani n baa cedi bi nibiadiba n yaa kubi
Bi diedi nni ban den janbi
Ki baa yaa ŋalimano,
Leni yaa bonbiigikaala n ki dagidi,
Mini U Tienu n solini yaala?
11Naani yaaba n kubi i boandi bonbiigikaala,
Ki ŋuuni bi boaga nni i janbi bonbiigikaala
Tiegi mini U Tienu po?
12U dogu nni piada mabindi a luoda,
Ki pua mi faama ki janbidi bi lieba.
13Li tie lani yaa po ke n teni ke fala
Baa yinba u dogu na yaaba.
N baa bolini yi kelima yi tuonbiadi po.
14Yi baa yaa di ki kan guo,
Koma kan ña yi po.
Yin baa bili yaa kpaandi ke tin faa ki todi yi,
Kan kuani yi fuomiba.
Ba yin baa bili yaala mo,
N baa teni bu toabu n bolini likuli.
15Yi baa coagi ti jaadi ki kan yendi.
Yi baa yaa ŋoali ki ñandi olivie kpama,
Ama yi nan kan sogi ma.
Yi baa yaa tuodi mi daama,
Ama yi kan ño ma.
16Yikuli ŋoadi o bado Omiri
N den bili yaa bogidibiada,
Leni Omiri bijua Akabi puoliŋuani n den tiendi yaala kuli.
Yi ŋua ki kubi ban den jagi ki bili yaa bonbiadila.
Li tie lani yaa po ke n baa taa yi
Ki teni yi yibalinba ban bolini yi.
Fini u dogu mo, n baa teni a niba n tua
Bi niba po laadi bonla.
Ban den fiagi n niba yaa fe baa jiidi yi yula po.» #1Bad 16.23-34; 21.25-26.
Currently Selected:
Mise 6: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mise 6
6
Isidayeli tudima leni o Diedo ninñingbadima
6—7
U Tienu buni leni Isidayeli yaaba
1Cengi mani o Diedo n yedi nni yaala:
«Fii ki bu a buudi a joaciama nintuali,
Ŋan tua a siedinba,
A joabila moko n gbadi a yedima!
2N den yedi: ‹Yinba a joaciama
Leni ki tinga tanpuupaala,
Cengi mani o Diedo n baa bu yaa buudi,
Kelima o pia ti buudi ki baa bu leni o niba.
O bua ki bu leni bani Isidayeli yaaba.›
3O yedi: ‹N niba, n tieni yi be?
N coagi yi leni be?
Waani nni mani!
4Yi koani leni nni kelima n den ñani yi Ejipiti po?
Yi koani leni nni kelima n den faabi yi leni ti yonbidi?
Yi koani leni nni kelima n den soani Musa, Alono
Leni Miriam ke bi tua yi liiga yaaba ki gobidi yi? #Ñam 4.10-16; 12.50-51; 15.20.
5N niba, tiadi mani Moabi bado
Balaki n den jagi
Ke o baa tieni yi yaa bonbiadila,
Ki go tiadi Beori bijua Balaam
N den guani o yaa maama.
Tiadi mani yaala n den tieni
Li sancenli nni kuli,
Ki cili Sitimi ki pundi hali Giligali.
Tiadi mani lani kuli ki bandi mini o Diedo
N den tieni yi po yaa ŋanbili kuli.› » #Coa 22.2—24.25; Jos 3.1—4.19.
U Tienu n bua bi nisaaliba n ŋoadi o maama
6N baa cua o Diedo nintuali leni be?
N baa pugi tanpolijoma Tienu leni be?
Naani n baa cua leni yaa naabila
N pia binyenli yenli yo
Ki padi o po a padijuukaana?
7Naani petona tuda tuda n baa mangi o Diedo pali?
Naani o Diedo bua yaa kpama n baa gbieni i kpenciame?
Naani n baa taa n bonjakpiage ki padi n yiema po?
Naani n baa taa n bimadige ki padi n tuonbiadi po?
8U Tienu den bangi fini o nisaalo yaala n ŋani
Leni o Diedo n guu a kani yaala.
Lani n tie ke ŋan yaa ŋua yaa bujiali n tiegi,
Ki bua mi teginma,
Ki go yaa cuoni wani a Tienu nintuali leni li yumiinli.
U Tienu baa cuo i janbi leni ku tugutongu danba
9O Diedo maadi leni u dogu niba, ki yedi:
Juda yaaba leni u dogu nitaanli cengi mani,
O Diedo baa faabi yaaba n fangi o yeli.
10«Naani n baa cedi bi nibiadiba n yaa kubi
Bi diedi nni ban den janbi
Ki baa yaa ŋalimano,
Leni yaa bonbiigikaala n ki dagidi,
Mini U Tienu n solini yaala?
11Naani yaaba n kubi i boandi bonbiigikaala,
Ki ŋuuni bi boaga nni i janbi bonbiigikaala
Tiegi mini U Tienu po?
12U dogu nni piada mabindi a luoda,
Ki pua mi faama ki janbidi bi lieba.
13Li tie lani yaa po ke n teni ke fala
Baa yinba u dogu na yaaba.
N baa bolini yi kelima yi tuonbiadi po.
14Yi baa yaa di ki kan guo,
Koma kan ña yi po.
Yin baa bili yaa kpaandi ke tin faa ki todi yi,
Kan kuani yi fuomiba.
Ba yin baa bili yaala mo,
N baa teni bu toabu n bolini likuli.
15Yi baa coagi ti jaadi ki kan yendi.
Yi baa yaa ŋoali ki ñandi olivie kpama,
Ama yi nan kan sogi ma.
Yi baa yaa tuodi mi daama,
Ama yi kan ño ma.
16Yikuli ŋoadi o bado Omiri
N den bili yaa bogidibiada,
Leni Omiri bijua Akabi puoliŋuani n den tiendi yaala kuli.
Yi ŋua ki kubi ban den jagi ki bili yaa bonbiadila.
Li tie lani yaa po ke n baa taa yi
Ki teni yi yibalinba ban bolini yi.
Fini u dogu mo, n baa teni a niba n tua
Bi niba po laadi bonla.
Ban den fiagi n niba yaa fe baa jiidi yi yula po.» #1Bad 16.23-34; 21.25-26.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.