Matie 4
4
Sutaani tulini Jesu
(Mrk 1.12-13; Luk 4.1-13)
1Lani n pendi, U Tienu Fuoma Yua den gedini Jesu mi fanpienma nni ke Sutaani tulini o. #Heb 2.18; 4.15. 2Jesu n den loli bu ñoabu dana piinaa leni ñiadi piinaa, mi koma den cuo o. 3Mi tulinma daano yeni den cua o kani ki yedi o: «A yaa tie U Tienu Bijua ŋan teni a tana na n tua jiema.»
4Jesu den guani ki yedi: «Li diani: O nisaalo kan yaa ye mi jiema bebe po ka, ama o baa yaa ye yaa maama n ñani U Tienu ñoabu nni kuli po.» #Tia 8.3.
5Sutaani den gedini Jesu u dogagidiko Jerusalemi po, ki teni ke o sedi U Tienu diegu yuli po. 6O den yedi o: «A yaa tie U Tienu Bijua, ŋan yugi ki cii tiipo, kelima li diani: ‹O baa teni o malekinba n tebini a ke a taali n da tuudi tanli.› » #Ps 91.11-12.
7Jesu den yedi o: «Li go diani kaanto: Da biigi o Diedo a Tienu.» #Tia 6.16.
8Sutaani go den gedini o yaa juali n kpedi hali boncianla yuli po, ki waani o ŋanduna diema kuli leni mi kpiagidi, 9ki yedi o: «A yaa gbaani ki kpiagi nni, n baa pa ŋa laa bonla kuli.»
10Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, ki yaa jaani wani bebe.› » #Tia 6.13.
11Lane Sutaani den ŋaa Jesu. Lanyogunu malekinba den cua Jesu kani ki tuuni o po.
Jesu gedi Galile diema nni
(Mrk 1.14-15; Luk 4.14-15)
12Jesu n den gbadi ke bi cuo Jan, o den fii ki gedi Galile. #Mat 14.3; Mrk 6.17; Luk 3.19-20. 13O den ñani Nasareti ki cua ki ye Kafarnawum dogu nni, yuu n kuu leni mi ñincianma, Sabuloni leni Nefitali buoli yaaba tinmu nni. #Jan 2.12. 14O den tieni yeni ke o saawalipualo Esayi n den maadi yaa maama n kua:
15«Sabuloni leni Nefitali tinmu yaaba,
Mi ñincianma sanu po yaaba,
Jurden kandima tinga yaaba,
Yinba Galile yaaba bi nilanba,#Esa 8.23—9.1.
16Yinba yaaba n den ye li biigili nni,
Yi laa mi yencianma.
Laa yenma yendi bani,
Yaaba n den kaa mi kuuma biigili diema nni.»
17Lanyogunu Jesu den cili ki wangi o Laabaaliŋamo, ki tua: «Lebidi mani yi pala, kelima tanpoli diema nagini.» #Mat 3.2.
Jesu yini jankpaanbinaa ke bi ŋoadi o
(Mrk 1.16-20; Luk 5.1-11)
18Jesu n den cuoni ki baali Galile ñincianma, o den laa jabilie, Simon ban go yi yua Pieli leni o waalo Andre, ke bi lu i taali mi ñincianma nni, kelima bi den tie jankpaanba. 19O den yedi ba: «Ŋoadi mani nni. Nani yin lingi i jami maama, n baa teni yin yaa lingi bi niba moko yeni.» 20Lanyogunu bi den ŋaa bi taali ki ŋoadi o.
21Jesu den suagi liiga ki go laa Sebede bijaliediba, Jaki leni o waalo Jan. Bi den ye ku ñinbiagu nni leni bi baa Sebede, ki ŋanbidi bi taali. 22O den yini ba. Lanyogunu bi den ŋaa ku ñinbiagu leni bi baa kuli, ki ŋoadi o.
23Jesu den gaandi Galile diema nni kuli ki koa li bali maama bangima diena nni, ki bangi bi niba ki wangi ba U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po. #Mat 9.35; Mrk 1.39. 24O yeli den ñani Siiri diema nni kuli. Bi den cuani o kani i yianbuoli boncianla, mi yianfulima danba, mu cicibiadimu n die yaaba, mi bisinbilima danba leni ti gbanankpiendi danba kuli. O den paagi bikuli. 25Bi niba boncianla den ŋoadi o. Yaaba n den ñani Galile, Dekapoli, Jerusalemi, Jude leni ba yaa diema n ye Jurden kpenu kandima, bikuli den ŋoadi o.
Currently Selected:
Matie 4: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 4
4
Sutaani tulini Jesu
(Mrk 1.12-13; Luk 4.1-13)
1Lani n pendi, U Tienu Fuoma Yua den gedini Jesu mi fanpienma nni ke Sutaani tulini o. #Heb 2.18; 4.15. 2Jesu n den loli bu ñoabu dana piinaa leni ñiadi piinaa, mi koma den cuo o. 3Mi tulinma daano yeni den cua o kani ki yedi o: «A yaa tie U Tienu Bijua ŋan teni a tana na n tua jiema.»
4Jesu den guani ki yedi: «Li diani: O nisaalo kan yaa ye mi jiema bebe po ka, ama o baa yaa ye yaa maama n ñani U Tienu ñoabu nni kuli po.» #Tia 8.3.
5Sutaani den gedini Jesu u dogagidiko Jerusalemi po, ki teni ke o sedi U Tienu diegu yuli po. 6O den yedi o: «A yaa tie U Tienu Bijua, ŋan yugi ki cii tiipo, kelima li diani: ‹O baa teni o malekinba n tebini a ke a taali n da tuudi tanli.› » #Ps 91.11-12.
7Jesu den yedi o: «Li go diani kaanto: Da biigi o Diedo a Tienu.» #Tia 6.16.
8Sutaani go den gedini o yaa juali n kpedi hali boncianla yuli po, ki waani o ŋanduna diema kuli leni mi kpiagidi, 9ki yedi o: «A yaa gbaani ki kpiagi nni, n baa pa ŋa laa bonla kuli.»
10Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, ki yaa jaani wani bebe.› » #Tia 6.13.
11Lane Sutaani den ŋaa Jesu. Lanyogunu malekinba den cua Jesu kani ki tuuni o po.
Jesu gedi Galile diema nni
(Mrk 1.14-15; Luk 4.14-15)
12Jesu n den gbadi ke bi cuo Jan, o den fii ki gedi Galile. #Mat 14.3; Mrk 6.17; Luk 3.19-20. 13O den ñani Nasareti ki cua ki ye Kafarnawum dogu nni, yuu n kuu leni mi ñincianma, Sabuloni leni Nefitali buoli yaaba tinmu nni. #Jan 2.12. 14O den tieni yeni ke o saawalipualo Esayi n den maadi yaa maama n kua:
15«Sabuloni leni Nefitali tinmu yaaba,
Mi ñincianma sanu po yaaba,
Jurden kandima tinga yaaba,
Yinba Galile yaaba bi nilanba,#Esa 8.23—9.1.
16Yinba yaaba n den ye li biigili nni,
Yi laa mi yencianma.
Laa yenma yendi bani,
Yaaba n den kaa mi kuuma biigili diema nni.»
17Lanyogunu Jesu den cili ki wangi o Laabaaliŋamo, ki tua: «Lebidi mani yi pala, kelima tanpoli diema nagini.» #Mat 3.2.
Jesu yini jankpaanbinaa ke bi ŋoadi o
(Mrk 1.16-20; Luk 5.1-11)
18Jesu n den cuoni ki baali Galile ñincianma, o den laa jabilie, Simon ban go yi yua Pieli leni o waalo Andre, ke bi lu i taali mi ñincianma nni, kelima bi den tie jankpaanba. 19O den yedi ba: «Ŋoadi mani nni. Nani yin lingi i jami maama, n baa teni yin yaa lingi bi niba moko yeni.» 20Lanyogunu bi den ŋaa bi taali ki ŋoadi o.
21Jesu den suagi liiga ki go laa Sebede bijaliediba, Jaki leni o waalo Jan. Bi den ye ku ñinbiagu nni leni bi baa Sebede, ki ŋanbidi bi taali. 22O den yini ba. Lanyogunu bi den ŋaa ku ñinbiagu leni bi baa kuli, ki ŋoadi o.
23Jesu den gaandi Galile diema nni kuli ki koa li bali maama bangima diena nni, ki bangi bi niba ki wangi ba U Tienu diema Laabaaliŋamo, ki paagidi bi niba bi yianbuoli leni bi tadinbuoli kuli po. #Mat 9.35; Mrk 1.39. 24O yeli den ñani Siiri diema nni kuli. Bi den cuani o kani i yianbuoli boncianla, mi yianfulima danba, mu cicibiadimu n die yaaba, mi bisinbilima danba leni ti gbanankpiendi danba kuli. O den paagi bikuli. 25Bi niba boncianla den ŋoadi o. Yaaba n den ñani Galile, Dekapoli, Jerusalemi, Jude leni ba yaa diema n ye Jurden kpenu kandima, bikuli den ŋoadi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.