Matie 3
3
Jan Batisi saawalo
(Mrk 1.1-8; Luk 3.1-18; Jan 1.19-28)
1Lanyogunu, Jan Batisi den kua Jude fanpienma nni ki wangi U Tienu maama, 2ki tua: «Lebidi mani yi pala kelima tanpoli diema nagini.» #Mat 4.17; Mrk 1.15. 3Jan n tie o saawalipualo Esayi n den maadi yua yaa maama ki yedi:
«O nilo kpaani mi fanpienma nni ki tua:
‹Yin bogini o Diedo sanu,
Ki naadi mani o sani.› » #Esa 40.3.
4Jan den laa ti yuoyuokobidi tiadi#3.4 Li tie yaa tiadi n naa pia kpiagidiba kuli. Diidi Marki 1.6 leni 2Bad 1.8. ki ñaagi o ciaga ku gbanñagidigu. O den ŋmani i naaci, ki di ku muagu nni siadi. 5Jerusalemi dogu yaaba, Jude diema yaaba leni yaa dobila n baali Jurden kpenu yaaba kuli, den kpendi o kani. 6Bi den tuodi ki doagidi bi tuonbiadi, ki cedi ke Jan batisi ba Jurden kpenu nni.
7Wan den laa ke Farisieninba leni Sadusieninba boncianla kpendi o kani ke wan batisi ba, o den yedi ba: «Yinba, u waalabi-buolu na, ŋme fandi yi yin sani ki cia U Tienu pabienli yaali n baa cua na? #Mat 12.34; 23.33. 8Yin yaa tuuni yaa tuona n doagidi ke yi lebidi yi pala. 9Yin da se ki tua yi pala nni: ‹Ti pia Abalahama ke o tie ti yaaja.› N kadi ki waani yi ke U Tienu baa fidi ki teni yaa tana n tie ne n tua Abalahama puoliŋuani. #Jan 8.33. 10Ba moala bi caani li yali i tijiini po. Yaa tibu n ki luoni yaa bonluonkaala n ŋani kuli, bi baa pedi bu, ki lu u mu nni. #Mat 7.19. 11Mini n batisi yi mi ñima nni, ke lan doagidi ke yi lebidi yi pala. Ama yua n ŋua n puoli pia u paalu ki cie nni. Mii pundi ba yua n baa pidi o cacaadi#3.11 Jufinba maasuagu nni, bi yen pia o naacemo yua n baa pidi o canbaa cacaadi o yaa kua yaa yogunu.. Wani, o baa batisi yi U Tienu Fuoma Yua leni u mu nni. 12O kubi o kaaligu o nuu nni. O baa ŋanbi o jalu cain, ki wodi ki kuodi mi bima li buali nni, ki nan sia mi fenma leni yaa mu n ki pia gbindima.»
Jan batisi Jesu
(Mrk 1.9-11; Luk 3.21-22; Jan 1.32-34)
13Lanyogunu Jesu den ñani Galile ki cua Jurden kpenu kani, ki mia Jan ke wan batisi o. 14Ama Jan den bua ki yie ki yedi: «Li bi pundi fine n batisi nni, ke a mo nan cua mini yaa kani?» 15Jesu den guani ki yedi o: «Cedi lan yaa tie yeni moala. Lani n tie tin tieni yaala n tiegi kuli.» Lanwani, Jan den tuo.
16Wan den batisi o yaa yogunu, Jesu den ñani mi ñima nni. Tanpoli den luodi ke Jesu laa ke U Tienu Fuoma Yua ñani lipo ki ji nani ki kpaajiega yeni ki ti jagini o po. 17Lanyogunu u nialu den maadi tanpoli po ki yedi: «One n tie n Bibuadiga, n pali n mani yua yaa po hali boncianla.» #Cil 22.2; Ps 2.7; Esa 42.1; Mat 12.18; 17.5; Mrk 1.11; Luk 9.35.
Currently Selected:
Matie 3: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 3
3
Jan Batisi saawalo
(Mrk 1.1-8; Luk 3.1-18; Jan 1.19-28)
1Lanyogunu, Jan Batisi den kua Jude fanpienma nni ki wangi U Tienu maama, 2ki tua: «Lebidi mani yi pala kelima tanpoli diema nagini.» #Mat 4.17; Mrk 1.15. 3Jan n tie o saawalipualo Esayi n den maadi yua yaa maama ki yedi:
«O nilo kpaani mi fanpienma nni ki tua:
‹Yin bogini o Diedo sanu,
Ki naadi mani o sani.› » #Esa 40.3.
4Jan den laa ti yuoyuokobidi tiadi#3.4 Li tie yaa tiadi n naa pia kpiagidiba kuli. Diidi Marki 1.6 leni 2Bad 1.8. ki ñaagi o ciaga ku gbanñagidigu. O den ŋmani i naaci, ki di ku muagu nni siadi. 5Jerusalemi dogu yaaba, Jude diema yaaba leni yaa dobila n baali Jurden kpenu yaaba kuli, den kpendi o kani. 6Bi den tuodi ki doagidi bi tuonbiadi, ki cedi ke Jan batisi ba Jurden kpenu nni.
7Wan den laa ke Farisieninba leni Sadusieninba boncianla kpendi o kani ke wan batisi ba, o den yedi ba: «Yinba, u waalabi-buolu na, ŋme fandi yi yin sani ki cia U Tienu pabienli yaali n baa cua na? #Mat 12.34; 23.33. 8Yin yaa tuuni yaa tuona n doagidi ke yi lebidi yi pala. 9Yin da se ki tua yi pala nni: ‹Ti pia Abalahama ke o tie ti yaaja.› N kadi ki waani yi ke U Tienu baa fidi ki teni yaa tana n tie ne n tua Abalahama puoliŋuani. #Jan 8.33. 10Ba moala bi caani li yali i tijiini po. Yaa tibu n ki luoni yaa bonluonkaala n ŋani kuli, bi baa pedi bu, ki lu u mu nni. #Mat 7.19. 11Mini n batisi yi mi ñima nni, ke lan doagidi ke yi lebidi yi pala. Ama yua n ŋua n puoli pia u paalu ki cie nni. Mii pundi ba yua n baa pidi o cacaadi#3.11 Jufinba maasuagu nni, bi yen pia o naacemo yua n baa pidi o canbaa cacaadi o yaa kua yaa yogunu.. Wani, o baa batisi yi U Tienu Fuoma Yua leni u mu nni. 12O kubi o kaaligu o nuu nni. O baa ŋanbi o jalu cain, ki wodi ki kuodi mi bima li buali nni, ki nan sia mi fenma leni yaa mu n ki pia gbindima.»
Jan batisi Jesu
(Mrk 1.9-11; Luk 3.21-22; Jan 1.32-34)
13Lanyogunu Jesu den ñani Galile ki cua Jurden kpenu kani, ki mia Jan ke wan batisi o. 14Ama Jan den bua ki yie ki yedi: «Li bi pundi fine n batisi nni, ke a mo nan cua mini yaa kani?» 15Jesu den guani ki yedi o: «Cedi lan yaa tie yeni moala. Lani n tie tin tieni yaala n tiegi kuli.» Lanwani, Jan den tuo.
16Wan den batisi o yaa yogunu, Jesu den ñani mi ñima nni. Tanpoli den luodi ke Jesu laa ke U Tienu Fuoma Yua ñani lipo ki ji nani ki kpaajiega yeni ki ti jagini o po. 17Lanyogunu u nialu den maadi tanpoli po ki yedi: «One n tie n Bibuadiga, n pali n mani yua yaa po hali boncianla.» #Cil 22.2; Ps 2.7; Esa 42.1; Mat 12.18; 17.5; Mrk 1.11; Luk 9.35.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.