Matie 17
17
Jesu lebidi cain
(Mrk 9.2-13; Luk 9.28-36)
1Danaluoba n den pendi, Jesu den taa Pieli, Jaki leni o waalo Jan, ki piadi leni ba ki doni yaa juali n kpedi yuli po. #2Pie 1.17-18. 2O den lebidi bi nintuali. O nunga den yendi nani u yienu yeni, o tiayiekaadi den pendi nani mi yenma yeni. 3Musa leni Eli den doagidi bi yula bi kani, ki maadi leni Jesu. 4Pieli den yedi Jesu: «O Diedo, li ŋani tin yaa ye nekanba. A yaa bua, n baa tii sugataa nekanba, fini yenli, Musa yenli, Eli mo yenli.» 5Wan den maadi yeni yaa yogunu, yaa tawaligu n yieni den libini ba. U nialu den maadi ku tawaligu yeni niinni ki yedi: «One n tie n Bibuadiga, n pali n mani yua yaa po hali boncianla. Cengi mani o.» #Cil 22.2; Tia 18.15; Ps 2.7; Esa 42.1; Mat 3.17; 12.18; Mrk 1.11; Luk 3.22. 6Bi ŋoadikaaba n den gbadi laa maama, bi den baa ki labini kelima ti jawaanciandi den cuo ba. 7Ama Jesu den nagini ki sii ba ki yedi: «Fii mani! Da jie mani!» 8Ban den yaadi ki noanli, baa den laa oba kuli, se Jesu bebe.
9Ban den ji li juali, Jesu den teni ba li ñoamabonli ki yedi: «Yin da waani niloba kuli yin laa yaa bonla na, hali o Joa Bijua yaa ti fii bi tinkpiba siiga.»
10Bi ŋoadikaaba den buali o: «Be yaa po ke li bali maama banda nan yedi ke li tie tiladi Eli n kpa cua?» #Mal 3.23. 11O den guani ki yedi ba: «Li tie moamoani ke Eli baa cua ki ŋanbi li bonla kuli. 12Ama n waani yi ke baa moala Eli cua, die bi niba naa bandi o, ki cuo o ki soani o ban bua maama. O Joa Bijua moko baa le fala yene bi nuu nni.» #Mat 11.14. 13Bi ŋoadikaaba ji den bandi lanyogunu, ke o maadi ba Jan Batisi yaa maame.
Jesu ñani ki cicibiadiga o jawaalo niinni
(Mrk 9.14-29; Luk 9.37-43)
14Ban den pundi ku niligu kani yaa yogunu, niyendo den cua ki gbaani Jesu kani 15ki yedi: «O Diedo, gbadi n biga po mi ninñima. O pia mi bisinbilima, ki laadi fala boncianla. Mi tianma o yen baa u mu nni, mi tianma mo mi ñima nni. 16N bi cuani o a ŋoadikaaba kani, ama baa fidi ki paagi o.» 17Jesu den yedi: «Yinba moala ne niba, yaaba n ki pia dandanli ki go bia yeni, n baa yaa taa ki ye leni yi ki pundi u laa yogunu? N go baa juuni yi po ki pundi u laa yogunu? Cuani mani ki biga n kani na!» 18Jesu den funi leni ki cicibiadiga, ke ki ñani ki biga kani, ke o paagi lanyogunu.
19Lani, bi ŋoadikaaba den nagini Jesu kani bani bi bebe, ki buali o: «Be yaa po ke tinba wani naa fidi ki deli ki naa cicibiadiga?» 20Jesu den yedi ba: «Li tie ke yi dandanli n wa yeni po yo. N waani yi i moamoani, yin pia yaa dandanli yaa pundi baa mutardi bonbibu n wa ki da maama, yi baa yedi li naa juali: ‹Fii ki fuadi likani,› lin fii ki fuadi. Yi kan gbali liba kuli#Mat 21.21; Mrk 11.23; 1Kor 13.2.. [21Ama yaa cicibiadiga n tie ne yaa buolu kan ña se jaandi leni ñoalolima.]»
Jesu go pua saawali ke o baa kpe ki go fii
(Mrk 9.30-32; Luk 9.43-45)
22Jesu leni o ŋoadikaaba n den taa ki ye Galile nni, o den yedi ba: «Bi niba baa janbi o Joa Bijua, ki teni o bi nisaaliba. 23Bi baa kpa o, ama li dataali daali o go baa fii bi tinkpiba siiga.» Bi pala den biidi boncianla.
U Tienu diegu lubili
24Ban den pundi Kafarnawum, yaaba n den gaani U Tienu diegu lubili den cua Pieli kani ki buali o: «Naani yi canbaa pa U Tienu diegu lubili?» O den yedi: «O pa.» #Ñam 30.13; 38.26. 25Ama wan den kua li dieli nni yaa yogunu, Jesu den liidi o ki buali: «A tama be Simon? Ŋanduna badiba gaani ŋme yaa kani li bancanli leni li lubili? Bi gaani bi dotieba#17.25 A titiama yedi: “Bi bila”, kelima Jesu n tie U Tienu biga yeni, o kan bi pa U Tienu diegu lubili. kani, bi, bi canba yaa kane?» 26O den guani o: «Bi canba yaa kani.» Jesu den guani ki yedi o: «Lanwani, bi dotieba kan pa. 27Ama lan baa tieni maama ke ti kan tua bi po tingbali bonla, ŋan gedi mi ñincianma po ki ban lu ki jandiaga, ki dadi ki ñani yaa jamo n baa kpa cua. A yaa yaadi o ñoabu, a baa le li kujapienli.#17.27 Binli kuli yaa Jufi n tie joa kuli yen pa U Tienu diegu tuonli po yaali n pundi kujapienli boagidima. Lani, li kujapienli den dagidi bikuli po. Diidi Mi Ñama 30.13. Ŋan taa li ki teni ba, mini leni fini po.»
Currently Selected:
Matie 17: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
