Levi 27
27
Mi mapuginkaama
27
Li nianli dunga maama
1O Diedo den maadi leni Musa, ki yedi: 2«Yedi Isidayeli yaaba: O nilo yaa niani o Diedo nisaalo, li yaa tie ke li daano ti bua ki pa i ligi ki kuani o nianli yeni, diidi li ligi n baa da maama nne:
3Li yaa tie yaa joa n pia bina piilie, ki yaa ji caa hali bina piiluoba siiga, o baa bili ke o dunga baa yaa tie kujapiena piimuu, nani u kaangagidiŋamu yaa kujapiena yeni.
4Li yaa tie pua mo, o dunga baa yaa tie kujapiena piitaa.
5Yaa biga n pia binamuu, ki yaa caa hali bina piilie siiga, a baa bili kujapiena piilie bonjaga po, kujapiena piiga bonpuoga po.
6Yaa biga n da pia ŋmayendo, ki yaa caa hali binamuu, bonjaga dunga baa yaa tie kujapienamuu, bonpuoga mo kujapienataa.
7Yaa niba n pia bina piiluoba bi ki cie yeni, a baa bili ke joa yaa dunga baa yaa tie piiga n kujapienamuu, pua mo yaa dunga n yaa tie kujapiena piiga.
8Li yaa tie ke yaa nilo n niani li nianli yeni luo hali ke li pendi, ki naa baa fidi ki pa ŋan bili yaa dunga yeni, a baa taa o ki gedini o kopadiciamo kani. Wani n baa jagi li nianli yeni po, wan sua ke yua n niani li nianli yeni n baa fidi ki pa yaala.
9Li yaa tie ke li nianli yeni tie yaa yandi n tie ban padi yaa yanbuoli o Diedo po, ban niani o Diedo yaa yanga kuli tie yaa bonla n gagidi ki ŋani.
10Bi kan lebidi laa yanga, bi kan cuani yaa yanga n ki ŋani ki lebidi leni yaaga n ŋani. Bi kan cuani yaa yanga n ŋani ki lebidi leni yaaga n ki ŋani. Bi yaa lebidi yaa yanga ki baa teni yantoaga, bani bonbilie yeni kuli baa yaa tie yaala n gagidi ki ŋani.
11Li nianli yanga yeni yaa tie yaa yanbuolu n joagini, ke bi kan fidi ki cuani ka ki padi o Diedo po, bi baa cuani ki yanga yeni ki waani o kopadiciamo. 12O kopadiciamo baa waani o dunga, ki ŋoadi ki yaa ŋani bi ki yàá ŋani. Li nianli dunga baa ŋua o kopadiciamo n baa waani maame. 13Li daano yaa bua ki guani ki daa o nianli yanga, o baa pa yeni, ki go pugini ki dunga yeni po bonlimuu kuli siiga bonyenla.
14O nilo yaa niani o dieli o Diedo, o kopadiciamo baa waani li nianli yeni dunga, ki ŋoadi li yaa ŋani bi li yàá ŋani. Ki dunga baa se nani o kopadiciamo n waani maama. 15O nilo yeni yaa bua ki guani ki daa o dieli, o baa pa li dunga yeni, ki go pugini li dunga yeni po bonlimuu siiga kuli, bonyenla. Lanwani, o baa gaa o cili.
16O nilo yaa niani o Diedo o kuanu boagidima, o baa waani ki dunga. A baa biigi leni yaa bonbuolu n baa coagi laa boagidima nni n baa yaa de maama. Li yaa tie ke yaa orje n baa coagi lienni pundi kilo kobitaa, li dunga baa yaa tie kujapiena piimuu. 17Li yaa tie mi faabima binli ke o niani o kuanu, bi baa ŋoadi ŋan bili yaa dunga. 18Li yaa tie mi faabima binli n pendi ke o niani o kuanu, o kopadiciamo baa coadi ki bandi yaa bina banlu n sieni mi faabima binli n cua. O baa wadi ki dunga, lan yaa da leni yaa bina n sieni, ki bili o nilo yeni po ki dunga. 19Yua n den niani o kuanu yeni, yaa bua ki guani ki daa o cuu, o baa pa ŋan bili o po yaa dunga, ki pugini ki dunga yeni po, bonlimuu kuli siiga bonyenla. Lanwani, o baa gaa u. 20O nilo yeni yàá guani ki daa o kuanu, ki nan kuadi wu nitoa po, o kan go fidi ki guani ki daa laa kuanu. 21Yaa nilo n den daa yeni yaa ñani lienni mi faabima binli, u kuanu yeni baa tua o Diedo yaa kuanu yo, hali yaa yogunu kuli, nani o nilo n niani yaala leni li poli yeni. O kopadiciamo n baa yaa die u. 22O nilo yaa niani o Diedo wan daa yaa kuanu ke laa tie faali, 23o kopadiciamo baa waani ki dunga, ki ŋoadi yaa bina n sieni mi faabima binli n cua. O nilo yeni baa pa ki dunga yenma landaali, kelima li tie yaa bonla n gagidi o Diedo po. 24Mi faabima binli yaa cua, bi baa guani u kuanu yua n den kpa kuadi u yeni, wani yua n den die laa tinga yeni.
25Laa dunga kuli baa ŋua u kaangagidiŋamu yaa kujapiena buolu yo. Kujapienyenli kuli tie gera piilie.
Bu paabu buoli
26Niloba kan fidi ki taa o yandi bontonkpiaga ki pa U Tienu, kelima yaaba n kpa mali kuli, o Diedo n die. Li yaa tie nua, pia bi ŋuabo, o Diedo n die o. 27Li yaa tie yaa yanga n joagini yaa bontonkpiaga, bi baa guani ki daa ki faabi ka, ki ŋoadi ŋan bili ki po yaa dunga, ki pugini ki dunga yeni po bonlimuu kuli siiga, bonyenla. Bi yàá goa ki daa ki faabi ka, a baa kuadi ka ki ŋoadi ŋan bili yaa dunga yeni.
28O nilo n baa niani yaala leni li poli o piama kuli o Diedo, li kan tuo ki guani ki kuadi, li kan tuo ki guani ki daa mo. Ba li yaa tie nilo, bi yanga bi kuanu, bi dieli, o nilo n niani yaala leni li poli kuli, li baa gagidi o Diedo po cain. #Coa 18.14. 29Ban niani yaa nisaalo leni li poli, oba kuli kan fidi ki guani ki daa ki faabi o, se ban kpa o.
30Ki tinga bonluonkaala diim kuli tie o Diedo yaala, lani n tie i kuani yaala, bi i kuani nni tiidi bonluonkaala kuli, li gagidi o Diedo po. #Coa 18.21; Tia 14.22-29. 31O nilo yaa bua ki guani ki daa bonliba o diim yaa niinni, o baa pugini ki dunga yeni po bonlimuu kuli siiga bonyenla. 32Ti yanciandi leni ti yanbidi kuli diim po, o yankpaalo gbiamu n gagidi o yandi siiga, yandi piiga siiga, yaa yanga yeni kuli, baa yaa tie yaa bonla n gagidi ki ŋani o Diedo po. 33Bi kan biigi ki le ki yanga yaa ŋani bi ki yàá ŋani, bi didi kan lebidi yantoaga mo. Bi yaa ñani yanyenga ki bua ki lebidi leni yantoaga, bani bonbilie yeni kuli baa tua yaa bonla n gagidi ki ŋani. Bi kan fidi ki guani ki daa ba.»
34Lani n tie o Diedo n den teni Musa yaa bali maama Isidayeli yaaba po, Sinayi juali po.
Currently Selected:
Levi 27: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
