Ose 8
8
Yua coagi u faalu baa yendi tafaaciangu
1Piebi mani li naatuntunli!
Yibalinba kpendi ki baa cibi o Diedo diegu,
Nani jiebani n yen cibi maama yeni,
Kelima n niba fidi min kuani leni ba yaa ŋantaado,
Ki yie n bali maama mo.
2Bani Isidayeli yaaba kpaani ki miadi nni, ki tua:
«Ti Tienu, tinba Isidayeli yaaba ti bani a!»
3Ama Isidayeli yaaba nani yaala n ŋani.
Lani yaa po n teni ke bi yibalinba baa yaa ŋua ki deli ba.
4Bi dindi bi badiba kaa buali nni min nua yaala,
Bi dindi bi yudanba kaa pua nni saawali.
Bi taani bi ŋanjilifa leni bi wula ki duadi i buli.
Li tie lani yaa po yo, ke bi baa bodi.
5O Diedo yie yinba Samari yaaba
N kpiagidi yaa naabiduadikaaga yeni.
N pali fii yi po,
Kelima yi kan fidi ki kan tieni janda.
6Ki naabiga yeni ñani yinba Isidayeli yaaba kane,
Nisaalo n duadi ka,
Kaa tie U Tienu.
Bi mudi Samari naabiga yeni yomi yomi.
7Yin den coagi u faalu yeni,
Yi baa yendi ku tafaaciangu,
Ba ŋalikama kankagiyenli kan pudi,
Yaala n pudi mo kan tieni bima,
Ba li yaa tieni mo, bi nilanba n baa je.
8Isidayeli yaaba bodi.
Moala, bi ye i nilanbuoli siiga
Nani yaa tiagu n ki pia fuoma yeni.
9Bi puagi ki lindi nani yaa fuaŋunbo n ye o bebe yeni.
Bi fii ki gedi ki ban mia Asiiri yaaba mi todima,
Bani Efrayimi buolu puuni bu paabu
Ki bua ki baa bi buakaaba.
10Ama ba ke bi puuni nibuotoe bu paabu,
U yogunu pundi ke n baa taani ba,
Ki waani ba fala.
Li kan waagi ke bi baa le fala
Leni bi badiba badiciamo mabinga.#8.10 Nekanba, li maadi Asiiri bado yaa maame.
11Efrayimi buolu maa a padibinbina boncianla,
Ki bua ki yaa tiendi ti tuonbiadi.
A padibinbina yeni teni,
Ke bi kuani bi yula ti tuonbiadi nni.
12Ba n yaa diani bi po n ñoamabonbilikaana boncianla,
Bi baa nuali a nani li boncanla yene.
13Bi padi n po ti yandi,
Ki ŋmani li nandi.
O Diedo pali ki mani li po.
N tiani bi biadima,
Ki baa waani ba fala kelima bi tuonbiadi po.
Bi baa guani ki gedi Ejipiti.
14Isidayeli yaaba sundi yua n tagi ba,
Ki maa a dieŋama,
Juda yaaba mo maa i bilinciami
Ki lindi i dogi boncianla.
Ama n baa soani u mu bi dogi nni,
Ki teni wun je bi dieŋama.
Currently Selected:
Ose 8: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
