Ose 10
10
Isidayeli yaaba diema bodima
1Isidayeli yaaba den tie
Nani yaa duventiidi n ŋani,
Ki luoni boncianla yeni.
Ama bi bonluonkaala n den yabidi ki pugidi,
Bi den pugidi a padibinbina.
Bi diema piama n den yabidi ki pugidi,
Bi den kpie ki ŋanbidi a butana mo ki pugidi.
2Bi tie palalie danba,
Moala bi baa tugi bi tudima tugili.
O Diedo baa tudi ki lu bi padibinbina,
Ki bolini bi butana mo.
3Moala bi baa yaa tua:
«Tii go pia bado,
Kelima tii fangi o Diedo.
Ba ti yaa bi pia bado wani daa,
O bi baa fidi ki tieni ti po be?»
4Bi pua mi faama,
Ki polini fanma fanma po,
Ki kuani o ŋantaado.
Ama mi teginma tie bi po nani yaa moabiadigu
N pia ti loabidi, ki pudi a bana nni yeni.
5Samari yaaba gbani baa wudi,
Beti-Afeni naabiga yeni po.
Bi baa mua ki kuuma po.
Yaa kopadicianba n tuuni o po mo baa digibi,
Kelima o kpiagidi kan go yaa ye bi siiga.
6Bi baa tugi o ki gedini Asiiri diema nni,
Ki ban pa o badiciamo.
I fe baa cuo Efrayimi buolu li po.
Bani Isidayeli yaaba baa yaa ye leni i fe,
Kelima bi janbi po.
7Li gbeni Samari yaaba leni bi bado po n yeni,
O tie nani yaa daagu n maa u ñingbanu po yeni.
8Ban den tiendi ti tuonbiadi
Ki padi yaa pada a juana yula po yeni, baa bodi.
Ti konkondi leni ti moabiaditi
Baa pudi a padibinbina yeni yula po.
Isidayeli yaaba baa yedi a joaciama: «Wuoni mani ti!»
Ki yedi a joabila mo: «Baa mani ti po!» #Luk 23.30; Doa 6.16.
Isidayeli yaaba baa yendi ban buli yaala
9Isidayeli yaaba, hali Gibeya dogu cagindi daali,
Yi li tiendi ti tuonbiade.
Yi li baa ki se lienni kaa lebidi.
Lani n teni ke bu toabu n nandi
Laa nibiadiba Gibeya dogu nni. #Buj 19.1-30.
10N baa waani ba fala,
I nilanbuoli baa taani ki fii bi po,
Ki loli ba bi tuonbiaciandi po.
11Efrayimi buolu den tie nani yaa naasalo
N bani li tuonli bonŋanla,
Ki bua ki yaa ŋmaadi ŋalikama.
N baa maani o tulu yuu n ŋani yeni po ku daagu,
Ki doali o li naakuuli.
Juda diema yaaba baa yaa ko,
Bani Jakob buolu baa yaa la
Yaala n mudi a tangbana, ki fuli.
12N yedi Isidayeli yaaba:
«Tieni mani mi teginma,
Lani n tie yin baa yaala n ŋani,
Ŋanbi mani yi pala nani yua n cuo
U koapaanu ki pedi ki ŋanbi u yeni,
Kelima u yogunu pundi,
Ke yin lingi mini o Diedo,
Hali min baa cua ki yadi yi po mi faabima. #Jer 4.3.
13Ama hali moala yi ko mi biadima,
Ki yendi ti tuonbiadi,
Ki di i boandi bonluonkaala,
Kelima yi dugi yi paalu po
Leni yi jakoanda coali po.
14Li tie lani yaa po yo, ke bu toabu baa cua yi niba siiga,
Yin baa sani ki wuoni naankani kuli baa bodi.
Laa kaani kuli baa soani nani o bado Salimani
N den baa Beti-Alibeli dogu,
Ki taani ki bolini binaanba
Leni a bila kuli yenma maama yeni.
15Isidayeli yaaba,
Diidi mani Beteli#10.15 Beteli den tie Isidayeli diema yaaba, yaaba n den ye jienu po, n den caa ki jaandi naani. n baa cuani yi po yaala,
Kelima yi biadikandikaama po.
Mi yenpudima yogunu, mi janjanma n baa cili,
Bi baa kpa Isidayeli diema bado.»
Currently Selected:
Ose 10: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
