Galati 4
4
1Diidi, n yedi ke hali o faajielo n da tie biwaaga yaa yogunu, waa paadi leni o yonbo, ba ke o die li bonla kuli. 2Wan da tie bonwaaga yeni yaa yogunu, o pia yaaba n die o ki go gobidi o piama, hali o baa n den bili yaa yogunu n baa ti pundi.#4.2 Li den tie bi yaa bogida po, ke bibaa n baa waani o biga n beni ki dagidi yaa yogunu li faali jiema po. 3Li den tie yeni leni tinba tin den tie nani a bila yeni yaa yogunu, ke ŋanduna bogida den die ti. 4Ama U Tienu n den bili yaa yogunu n pundi, o den soani o Bijua ŋanduna nni, ke o pua mali o, ke li bali maama n diedi o, 5ke wan faabi li bali maama n die yaaba kuli, ke tin tua U Tienu bila, ki baa mu bimoanmu yaa bali.#Lom 8.15-17. 6Lani yaa po, yi tua U Tienu bijaba, wani U Tienu n den soani o Bijua Fuoma ti pala nni ke o kpaani ki tua U Tienu: «N Baa, n Baa!» 7Lanwani, ŋaa go tie yonbo, a ji tie U Tienu bijua yo. Ŋan tie U Tienu bijua yeni, o baa pa ŋa wan bili o bila po yaa faali. Li tie U Tienu tuonle!
Poli yama lengidi Galati yaaba po
8Yaa yogunu n pendi, yin ki den bani U Tienu yaa yogunu, yi den ŋua tientoe yii n ki tie U Tienu yeni, ki go tie bi yonbi. 9Ama moala ke yi bandi U Tienu, bi ke U Tienu bani yi, be n teni ke yi lebidi ki go ŋua bi nisaaliba bogida, ya n tadi kaa pia mayuli, ki bua ki go tua laa bonla yonbi? 10Yi gagidi danaba, ŋmaaliba, yoginiba leni binaba, ke likuli tua yi jaanma yogini.#4.10 Poli n maadi yaala tie ke Jesu yaaba, yaaba n ye Galati kaa tie Jufinba, den moandi ki baa yaa ŋua Jufinba jaanma dana, bi bi nilanba jaanma dana. 11N jie ke daalinba min soani yaala yi siiga n da ti tua fanma fanma.
12N kpiiba, n mia yi ke yin tua nani mini n tie maama yeni, kelima nmoko tie nani yinba n tie maama#4.12 Poli bua ke ban faabi leni li bali maama kubima, ki yaa dugi Jesu po nani wan tiendi maama yeni. Li bali maama ki den die Galati yaaba. Lanwani, Poli n den faabi leni li bali maama, o den tua nani Galati yaaba yeni. yeni. Yii tudi n po ba waamu. 13Yi bani ke li tie n yianu po yo, ke n den kpa baa u sanu, ki waani yi o Laabaaliŋamo. 14Ba ke n tadingu yeni den tie yi po mi biigima, yii den fali nni ki sengi nni. Yi den gaa n cangu nani n tie U Tienu maleki yeni, nani n tie Jesu Kilisiti yeni. 15Yin den pia yaa pamancianli yeni kua le? N tieni yi po siedi ke lanyogunu, li yaa den baa tuo, yi den baa logidi yi nunceli ki pa nni. 16Naani min maadi yi i moamoani yeni n teni ke n ji tua yi yibali?
17Yaaba n kpali ke bi bua yi yeni, jaga ki ŋani. Bi bua ke yin paadi leni nni ki ŋoadi bani. 18To, li ŋani ke yin yaa pia li yankuali yaala n ŋani boncianla po yogunu kuli. Lan da tie min ye leni yi yaa yogunu bebe ka. 19N bila, n go baa ki laadi yi po yaa fala n tie nani u maditugukoanu hali yin baa baa Kilisiti tagu yi niinni. 20N bi bua ki yaa ye leni yi moala, ki lebidi mataali leni yi, kelima n yama yagi yi po.
Agari leni Sala nannanli
(Cil 16.15; Heb 12.18-24)
21Waani nni mani, yinba yaaba n bua ke li bali maama n yaa die yi, yii gba li bali maama n yedi yaala yo? 22Li diani lienni ke Abalahama den pia bonjalalie, o puotuado Agari den mali o po yendo, Sala yua n ki tie yonbo mo, den mali o po yendo.#Cil 16.15; 21.2. 23O puotuado n mali yua, bi den mali nani ban maa bi nisaaliba kuli maama. Yua n ki tie yonbo n mali yua mo, bi den mali o, kelima U Tienu ñoanianu po. 24Laa puoliediba maama tie nani kpanjama, ki doagidi U Tienu ŋantaadiliedi.#4.24 I ŋantaadiliedi yeni, one tie U Tienu n den pia yaa ŋantaado leni Abalahama ki niani o u ñoanianu kelima o den dugi wani U Tienu po, one mo tie wani U Tienu n den yuandi ki pia yaa ŋantaado leni Isidayeli yaaba, ki bili bi po o bali maama Sinayi juali kani. O ŋantaadiyendo yua n den kua Sinayi Juali kani naani leni Agari. Wan mali yaaba kuli tie yonbi. 25Agari yeni tie Sinayi Juali yaali n ye Arabi diema nni, ki naani leni yaa Jerusalemi dogu n ye moala, yua n ye ti yonbidi nni leni o bila kuli. 26Ama Jerusalemi dogu yuu n ye tanpoli die u yuli, wuni n tie ti yaa naa.#4.26 Yaa Jerusalemi n ye tanpoli yeni naani leni Sala, yua n kaa tie yonbo. O maa yaa bila n ki tie yonbi. Yaaba n dugi Jesu po naani leni bani. 27Li diani:
Fini ki ŋoaliga yua n ki mali,
Ŋan yaa ye leni li pamancianli.
Yeni de! Fini yua n daa bani u maditugukoanu,
Ŋan kpaani kelima a pamanli po.
Ku puonanbangu bila baa yaa yabi ki cie,
Yaa pua n ye leni o calo yaa bila. #Esa 54.1.
28N kpiiba, yinba n tie u ñoanianu bila nani Isaaka yeni. 29Nani ban den mali yua nani ban maa bi nisaaliba kuli maama, n den wangi ban den mali yua kelima mi Fuoma paalu po fala maama, li go tie yeni moala. #Cil 21.9. 30Ama i Diani yedi lede? Li yedi: «Deli o puotuado leni o bijua kuli, kelima o bijua kan taani ki je li faali leni yua n ki tie yonbo yaa bijua.» #Cil 21.10. 31Lanwani, n kpiiba, tii tie o puotuado yaa bila ka, ti tie yua n ki tie yonbo yaa bila yo.
Currently Selected:
Galati 4: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
