Galati 1
1
Poli doagidi wan tua Jesu tondo maama
1—2
I fuondi
1Mini Poli yua n tua Jesu tondo, ke laa ŋua bi nisaaliba ka soani nni, bi niloba mo, ama kelima Jesu Kilisiti leni U Tienu yua n tie Baa, yua n den fiini o bi tinkpiba siiga n soani nni. 2Mini leni n kpiiba, yaaba n ye ne leni nni kuli, taani ki fuondi yi yinba Kilisiti Nitaana ya n ye Galati diema nni. 3Ti Baa U Tienu leni o Diedo Jesu Kilisiti n pa yi li ŋanbili leni mi yanduanma. 4Wani Jesu Kilisiti n den puni o yuli ti tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima. 5Wani n yaa baadi ti kpiagidi hali yaa yogunu n tuu u yuu. Amina!
Laabaaliŋantoa naa ye
6Li paki nni leni yin jaligi ki lebidi ki ŋaa U Tienu yua n yini yi kelima Kilisiti ŋanbili po, ki baa ŋoadi laabaaliŋantoa. 7Moamoani laabaaliŋantoa ki ye, n maadi yeni kelima bi nitianba lengidi yi yama, ki moandi ki baa lebidi Kilisiti Laabaaliŋamo.
8Ba tinba, ti yaa wangi yi yaa laabaaliŋamo n ki taa leni tin den kpa wangi yi yua, ba maleki yaa ñani tanpoli ki tieni yeni, yua n tieni yeni kuli, wan tua ti solindi yua. 9Nani tin den kpa yedi maama, n go yedi yeni moala, yaa nilo n wangi yi laabaaliŋantoa yua n ki taa leni yin den kpa gaa yua, wan tua ti solindi yua.
10Moala po, naani n moandi ke bi nisaaliba n saa n po i moamoani bi, bi U Tiene? Naani n moandi ki bua ki mangi bi nisaaliba yaa pala bi? Li yaa tie ke n bi bua ki mangi bi nisaaliba yaa pala, n kan bi yaa tie Kilisiti naacemo.
Poli n tua tondo maama
11N kpiiba, n kadi ki waani yi ke min den waani yi yaa Laabaaliŋamo ki ñani bi nisaaliba kani ka. 12Mii den gbadi o nisaalo kani ka, o nisaalo ka den bangi nni o maama fuuli mo, ama Jesu Kilisiti n den doagidi o n po.
13Yi den gbadi n tagu n den tie maama min den ŋua Jufinba jaanma yaa yogunu. N den wangi U Tienu niba fala hali ki bua ki bolini ba. #JTT 8.3; 22.4-5; 26.9-11. 14Jufinba jaanma yeni niinni, n den ŋua ma ki cie n buolu leni yaaba n taa leni nni saala boncianla, kelima min den pia li yankuali ke li pendi maama ti danbogida po. #JTT 22.3.
15Die U Tienu den ŋanbi n po ki gandi nni ki gagidi nni hali n naa tugu nni, ki go ti yini nni o tuonli po. #JTT 9.3-6; 22.6-10; 26.13-18. 16Wan den sua ke li dagidi o po, o den doagidi n po o Bijua, ke min yaa wangi o Laabaaliŋamo bi nilanba siiga. Lanyogunu mii den kpa gedi ki buni niloba kuli. 17Mii den gedi Jerusalemi mo ki baa lingi yaaba n den kpa tie Jesu tondiba hali ke n daa tua o. Ama n den fii ki gedi Arabi diema. Li yaa puoli, n den guani Damasi dogu nni.
18Binataa n den pendi, n den gedi Jerusalemi ki baa bandi Pieli,#1.18 Gireki maama nni, li yedi Sefa yaala n tie Pieli yelieli, (2.9,11-12,14). A yela yeni kuli bundi yenma, “li tanli.” ki den tieni o deni piiga n danamuu. #JTT 9.26-30. 19Likani Jesu tondiba siiga, mii den laa nitoa kuli kali o Diedo Jesu waalo Jaki.
20Min diani yi po yaa maama na, mii pua faama, U Tienu tie n siedo.
21Li yaa puoli, n den gedi Siiri diema leni Silisi diema nni. 22Lanyogunu Kilisiti Nitaanli yaali n ye Jude diema nni, daa den laa n nunga. 23Bi den gba bebe ke bi tua: «Yua n den kpa wangi ti fala lebidi ki wangi li dandanli maama, wan den kpa moandi ki baa bolini yaama.» 24Lane bi den pagi U Tienu kelima n po.
Currently Selected:
Galati 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
