Mi Ñama 9
9
O falamuulo: U yanyianbiadu
1O Diedo den yedi Musa: «Gedi Faraon kani, ki waani o yaa maama n tie ne: ‹Li Miali Diedo, Hebilu yaaba Tienu yedi: Cedi mani n niba n gedi ki kpiagi nni. 2A yaa yie ke bi kan gedi, ki kubi ba, 3o Diedo nuu baa bolini a yangola, ya n ye i kuani nni. O baa teni u yianbiadu n baa i taami, i ŋunbi, ti yuoyuodi, i ne leni i pe kuli. Yaaba n baa kpe baa yaa yabi hali boncianla. 4O Diedo baa tieni mi gagidima Isidayeli yaaba yangola leni Ejipiti yaaba yaa yangola siiga. Isidayeli yaaba yaa yangola kan bodi ba. 5O Diedo den bili u yogunu ki yedi: Saala, mini o Diedo baa tieni lani kuli mi diema nni.› » 6Lan den fii ki faa, o Diedo den tieni yeni mo yo. Ejipiti yaaba yangola kuli den kpe, ama baa yanyenga naa den kpe Isidayeli yaaba yangola siiga. 7Faraon den buali ki bandi, ke ba yanyenga naa den kpe, Isidayeli yaaba yangola siiga. Ama Faraon pali go den juagi ki pugini. Waa den tuo ke bi niba yeni gedi.
O falaluobilo: A sinakpina
8O Diedo den yedi Musa leni Alono: «Gbieni yi nii leni ki buaga fantanpienma. Musa n lu ma tanpoli Faraon nintuali. 9Mi baa tua wagima ki yadi ki pini Ejipiti diema kuli. A sinakpinbiada baa cuo bi niba leni ti yandi, lan tie mi diema nni naani kuli.» 10Bi den taa ki buaga fantanpienma ki gedi Faraon nintuali. Musa den luni ma tanpoli ke mi tua bi niba leni ti yandi kuli po sinakpina, ki pudi bi niba leni ti yandi kuli po.#Doa 16.2. 11Bi ñoagidanba naa den fidi ki cua Musa kani, kelima a sinakpina po. A sinakpina den cuo bi ñoagidanba nani ŋan cuo Ejipiti yaaba kuli maama. 12O Diedo den teni ke Faraon pali go juagi, ke o naa den cengi Musa leni Alono maama, nani o Diedo n den tuodi ki waani Musa maama.
O falaleleelo: A tatana
13O Diedo den yedi Musa: «Fii ku tiŋaapanpangu, ki gedi Faraon kani ki yedi o: ‹Li Miali Diedo Hebilu yaaba Tienu yedi: Cedi n niba n gedi ki ban kpiagi nni. 14Moala wani, n baa soani n fala buoli kuli, fini, a naacenba leni a niba kuli po. Yeni, a baa bandi ke oba kuli naa ye, yua n naani leni nni ki tinga nni kuli. 15N yaa den tandi n nuu ki teni ke u yianbiadu cuo fini leni a niba, a den baa bodi mi tinfanma nni. 16Ama n cedi ke a ye. Yeni, a baa le n paalu, n yeli mo go baa ña li ŋandunli nni kuli.#Lom 9.17. 17A yaa go fiini a yuli n niba po, ki naa tuo ke bi gedi, 18saala u naa yogunu, n baa teni a tatana n baa ki tinga nni, ki yaa yabi hali boncianla. Laa bonbuolu daa kpa tieni Ejipiti diema nni, ki cili ban puu ma yaa yogunu, ki ban tuoni dinla. 19Lanwani, ŋan teni ban kuani a yangola leni ŋan die yaala kuli i kuani nni ki wuoni. A tatana yaa baa ki taani yaa niba leni yaa yandi kuli u kuanu nni ke baa kua ti diedi nni, bi baa kpe.› » 20Faraon naacenba siiga yaaba n den fangi o Diedo maama, den kuani bi naacenba leni bi yangola a diena nni. 21Ama yaaba n naa den nua o Diedo maama ke mi tie moamoani, den ŋaa bi naacenba leni bi yangola i kuani nni.
22O Diedo den yedi Musa: «Yugidi a nuu tanpoli, Ejipiti diema nni kuli, a tatana baa baa bi niba, ti yandi leni i kuani muadi kuli po. Laa bonla baa tieni Ejipiti n die naani kuli nni.»
23Musa den yugidi o gbiamu tanpoli, ke o Diedo den soani i tatantani leni a tatana. U mu mo den jiidi ki tinga nni. O Diedo den teni ke a tatana baa Ejipiti diema nni kuli. 24A tatana den baa ki taani leni u mu ki yabi hali boncianla, ke li buolu daa den kpa tieni Ejipiti diema nni, hali man den tua diema yaa yogunu.#Doa 8.7; 16.21. 25Ejipiti diema nni kuli, a tatana den pua yaaba n ye i kuani kuli nni, ki cili bi niba ki taani leni ti yandi kuli. A tatana den pua i kuani nni muadi ki kua kua i tiidi kuli. 26Ama Gosen diema nni wani, Isidayeli yaaba n den ye naankani yeni, tatana naa den tieni.
27Faraon den teni ke bi yini Musa leni Alono ki yedi ba: «Moala wani, n bandi ke n tieni ti tuonbiadi. Li Miali Diedo wani tiegi. Mini leni n niba n nani. 28Mia Li Miali Diedo ke wan gbeni ti po i tatantani leni a tatana. N kan go yie yi po, n baa tuo yin gedi.» 29Musa den yedi o: «N yaa ñani u dogu nni, n baa yugidi n nii ki teli o Diedo po, lanwani i tatantani baa sedi, a tatana kan go yaa baali. A baa bandi ke o Diedo n die ki tinga. 30Ama n bani ke fini leni a naacenba, yi daa jie o Diedo U Tienu.» 31Orje leni len den biidi cain, kelima orje den bua ki maa, len mo den tieni mi puuma. 32Ŋalikama leni o yaa buoli naa den biidi kelima baa den be tonma.
33Musa den fii Faraon kani, ki ñani u dogu nni. O den yugidi o nii o Diedo kani ke i tatantani leni a tatana den sedi, ki taaga moko den yandi cain. 34Faraon n den laa ke ki taaga, a tatana leni i tatantani sedi, o go den tieni ti tuonbiadi ki juagi o pali, wani leni o naacenba kuli. 35Faraon pali go den juagi ke waa den tuo ke Isidayeli yaaba n gedi nani o Diedo n den teni ke Musa yedi maama.
Currently Selected:
Mi Ñama 9: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 9
9
O falamuulo: U yanyianbiadu
1O Diedo den yedi Musa: «Gedi Faraon kani, ki waani o yaa maama n tie ne: ‹Li Miali Diedo, Hebilu yaaba Tienu yedi: Cedi mani n niba n gedi ki kpiagi nni. 2A yaa yie ke bi kan gedi, ki kubi ba, 3o Diedo nuu baa bolini a yangola, ya n ye i kuani nni. O baa teni u yianbiadu n baa i taami, i ŋunbi, ti yuoyuodi, i ne leni i pe kuli. Yaaba n baa kpe baa yaa yabi hali boncianla. 4O Diedo baa tieni mi gagidima Isidayeli yaaba yangola leni Ejipiti yaaba yaa yangola siiga. Isidayeli yaaba yaa yangola kan bodi ba. 5O Diedo den bili u yogunu ki yedi: Saala, mini o Diedo baa tieni lani kuli mi diema nni.› » 6Lan den fii ki faa, o Diedo den tieni yeni mo yo. Ejipiti yaaba yangola kuli den kpe, ama baa yanyenga naa den kpe Isidayeli yaaba yangola siiga. 7Faraon den buali ki bandi, ke ba yanyenga naa den kpe, Isidayeli yaaba yangola siiga. Ama Faraon pali go den juagi ki pugini. Waa den tuo ke bi niba yeni gedi.
O falaluobilo: A sinakpina
8O Diedo den yedi Musa leni Alono: «Gbieni yi nii leni ki buaga fantanpienma. Musa n lu ma tanpoli Faraon nintuali. 9Mi baa tua wagima ki yadi ki pini Ejipiti diema kuli. A sinakpinbiada baa cuo bi niba leni ti yandi, lan tie mi diema nni naani kuli.» 10Bi den taa ki buaga fantanpienma ki gedi Faraon nintuali. Musa den luni ma tanpoli ke mi tua bi niba leni ti yandi kuli po sinakpina, ki pudi bi niba leni ti yandi kuli po.#Doa 16.2. 11Bi ñoagidanba naa den fidi ki cua Musa kani, kelima a sinakpina po. A sinakpina den cuo bi ñoagidanba nani ŋan cuo Ejipiti yaaba kuli maama. 12O Diedo den teni ke Faraon pali go juagi, ke o naa den cengi Musa leni Alono maama, nani o Diedo n den tuodi ki waani Musa maama.
O falaleleelo: A tatana
13O Diedo den yedi Musa: «Fii ku tiŋaapanpangu, ki gedi Faraon kani ki yedi o: ‹Li Miali Diedo Hebilu yaaba Tienu yedi: Cedi n niba n gedi ki ban kpiagi nni. 14Moala wani, n baa soani n fala buoli kuli, fini, a naacenba leni a niba kuli po. Yeni, a baa bandi ke oba kuli naa ye, yua n naani leni nni ki tinga nni kuli. 15N yaa den tandi n nuu ki teni ke u yianbiadu cuo fini leni a niba, a den baa bodi mi tinfanma nni. 16Ama n cedi ke a ye. Yeni, a baa le n paalu, n yeli mo go baa ña li ŋandunli nni kuli.#Lom 9.17. 17A yaa go fiini a yuli n niba po, ki naa tuo ke bi gedi, 18saala u naa yogunu, n baa teni a tatana n baa ki tinga nni, ki yaa yabi hali boncianla. Laa bonbuolu daa kpa tieni Ejipiti diema nni, ki cili ban puu ma yaa yogunu, ki ban tuoni dinla. 19Lanwani, ŋan teni ban kuani a yangola leni ŋan die yaala kuli i kuani nni ki wuoni. A tatana yaa baa ki taani yaa niba leni yaa yandi kuli u kuanu nni ke baa kua ti diedi nni, bi baa kpe.› » 20Faraon naacenba siiga yaaba n den fangi o Diedo maama, den kuani bi naacenba leni bi yangola a diena nni. 21Ama yaaba n naa den nua o Diedo maama ke mi tie moamoani, den ŋaa bi naacenba leni bi yangola i kuani nni.
22O Diedo den yedi Musa: «Yugidi a nuu tanpoli, Ejipiti diema nni kuli, a tatana baa baa bi niba, ti yandi leni i kuani muadi kuli po. Laa bonla baa tieni Ejipiti n die naani kuli nni.»
23Musa den yugidi o gbiamu tanpoli, ke o Diedo den soani i tatantani leni a tatana. U mu mo den jiidi ki tinga nni. O Diedo den teni ke a tatana baa Ejipiti diema nni kuli. 24A tatana den baa ki taani leni u mu ki yabi hali boncianla, ke li buolu daa den kpa tieni Ejipiti diema nni, hali man den tua diema yaa yogunu.#Doa 8.7; 16.21. 25Ejipiti diema nni kuli, a tatana den pua yaaba n ye i kuani kuli nni, ki cili bi niba ki taani leni ti yandi kuli. A tatana den pua i kuani nni muadi ki kua kua i tiidi kuli. 26Ama Gosen diema nni wani, Isidayeli yaaba n den ye naankani yeni, tatana naa den tieni.
27Faraon den teni ke bi yini Musa leni Alono ki yedi ba: «Moala wani, n bandi ke n tieni ti tuonbiadi. Li Miali Diedo wani tiegi. Mini leni n niba n nani. 28Mia Li Miali Diedo ke wan gbeni ti po i tatantani leni a tatana. N kan go yie yi po, n baa tuo yin gedi.» 29Musa den yedi o: «N yaa ñani u dogu nni, n baa yugidi n nii ki teli o Diedo po, lanwani i tatantani baa sedi, a tatana kan go yaa baali. A baa bandi ke o Diedo n die ki tinga. 30Ama n bani ke fini leni a naacenba, yi daa jie o Diedo U Tienu.» 31Orje leni len den biidi cain, kelima orje den bua ki maa, len mo den tieni mi puuma. 32Ŋalikama leni o yaa buoli naa den biidi kelima baa den be tonma.
33Musa den fii Faraon kani, ki ñani u dogu nni. O den yugidi o nii o Diedo kani ke i tatantani leni a tatana den sedi, ki taaga moko den yandi cain. 34Faraon n den laa ke ki taaga, a tatana leni i tatantani sedi, o go den tieni ti tuonbiadi ki juagi o pali, wani leni o naacenba kuli. 35Faraon pali go den juagi ke waa den tuo ke Isidayeli yaaba n gedi nani o Diedo n den teni ke Musa yedi maama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.