Mi Ñama 8
8
1O Diedo den yedi Musa: «Yedi Alono ke wan tandi o nuu leni o gbiamu i kpeni po, i fuani po leni ti boandi po, ki teni a loanda n yadi Ejipiti diema nni kuli.» 2Alono den tandi o nuu Ejipiti ñima po, ke a loanda den yadi ki pini Ejipiti diema kuli. 3Ama bi ñoagidanba moko den tieni yeni leni bi ñoagi. Bi den teni ke a loanda cua Ejipiti diema nni.
4 Faraon den yini Musa leni Alono ki yedi ba: «Mia mani Li Miali Diedo ke wan foagidi a loanda mini leni n niba kani. Lani, n baa cedi bi niba ne n gedi ki ban padi Li Miali Diedo po a pada.» 5Musa den yedi Faraon: «Bili nni ŋan bua min jaandi fini, a naacenba leni a niba po yaa yogunu, ki teni a loanda ne n ña a kani leni a diedi nni, ki ji yaa ye u kpenciamu nni bebe.»
6O den guani ki yedi o: «Saala.» Musa den yedi: «Li baa tua yeni ke ŋan bandi ke laa pia yua n naani leni Li Miali Diedo ti Tienu. 7A loanda baa foagidi fini leni a diena kani. Bi go baa foagidi a naacenba leni a niba kani. Bi kan go yaa ye, se u kpenciamu nni bebe.» 8Musa leni Alono n den ñani Faraon kani, Musa den kpaani ki mia o Diedo a loanda bodima po, wan den teni ke ya n baa Faraon. 9O Diedo den tieni Musa n den mia o yaala. A loanda den bodi a diena nni, a cancana nni leni i kuani nni. 10Bi den dogini ba tina tina kaani boncianla, ke bi nuulu yadi mi diema nni kuli. 11Ama Faraon n den laa ke o baa mi faabima, o den juagi o pali, ki naa go cengi Musa leni Alono, nani o Diedo n den yedi maama.
O falataalo: I juumi
12O Diedo den yedi Musa: «Waani Alono ke wan go tandi o gbiamu, ki pua ki tinga wagima. Mi baa kpandi juumi ki yaa ye Ejipiti diema nni kuli.»#Ps 78.45; 105.31. 13Bi den tieni yeni. Alono den tandi o nuu leni o gbiamu ki pua ki tinga wagima. Mi den kpandi juumi bi niba leni ti yandi po. Ki tinga wagima kuli den kpandi juumi Ejipiti diema nni kuli. 14Bi ñoagidanba den tieni bi ñoagi ki baa tagi i juumi, ama bi naa den fidi. I juumi den ye bi niba leni ti yandi kuli po. 15Bi ñoagidanba den yedi Faraon: «Li tie U Tienu nuu yaa tuonle.» Faraon pali den juagi ke waa den cengi Musa leni Alono maama, nani o Diedo n den yedi maama.#Luk 11.20.
O falanaalo: I sibiadi
16O Diedo den yedi Musa: «Fii ku tiŋaapanpangu, ki gedi ki sedi Faraon kani, wan baa ña ki gedi u kpenu po yaa yogunu. Ŋan yedi o: ‹Li Miali Diedo yedi: Cedi n niba n gedi ki ban kpiagi nni. 17A yaa yie ke n niba kan gedi, n baa soani i sibiadi, fini, a naacenba, a niba leni a diedi kuli kani. Ejipiti yaaba diena baa gbie leni i sii, i sii baa pini ki tinga kuli.#Cil 46.34. 18Ama landaali, n baa gagidi Gosen diema n niba n kaa naani. I sii kan yaa ye lankani ba waamu. Yeni, a baa bandi ke mini Li Miali Diedo n ye mi naa diema siiga. 19N baa tieni mi gagidima, n yaa niba leni a yaa niba siiga. Laa sinankeene baa tieni saala.› » 20O Diedo den tieni yeni. I sibiadi den kua Faraon diegu nni hali boncianla. Bi go den kua o naacenba diedi nni, ke Ejipiti diema kuli den biidi kelima i sii po.
21Faraon den yini Musa leni Alono ki yedi ba: «Gedi mani ki ban padi yi Tienu po mi diema nni.» 22Musa den guani ki yedi: «Laa dagidi tin tieni yeni, kelima tin baa yaa padi yaa pada o Diedo ti Tienu po yeni, tie caginde Ejipiti yaaba po. Naani ti baa fidi ki padi bi nunbu nni yaa pada n tie bi po cagindi, ke bi kan lugidi ti a tana? 23Ti baa tieni danataa cenli banlu mi fanpienma nni, ki padi o Diedo ti Tienu po, nani wan yedi ti maama.» 24Faraon go den yedi: «N baa tuo yin gedi ki padi a pada Li Miali Diedo yi Tienu po mi fanpienma nni, ama bonyenla bebe n ye. Yin da gedi naankani n foagi boncianla. Jaandi mani n po U Tienu.» 25Musa den guani ki yedi o: «N baa ña a kani ki mia Li Miali Diedo. Saala i sii baa foagidi Faraon, o naacenba leni o niba kuli kani. Ama Faraon n da go janbi ti, ki yie ke o kan tuo bi niba n gedi ki padi o Diedo po a pada.» 26Musa den ñani Faraon kani ki jaandi o Diedo. 27O Diedo den tieni Musa n den mia o yaala. I sii kuli den foagidi Faraon, o naacenba leni o niba kuli kani. Laa go den sieni ba siyenga. 28Ama lanyogunu goga, Faraon den juagi o pali ki naa tuo ke bi niba n gedi.
Currently Selected:
Mi Ñama 8: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 8
8
1O Diedo den yedi Musa: «Yedi Alono ke wan tandi o nuu leni o gbiamu i kpeni po, i fuani po leni ti boandi po, ki teni a loanda n yadi Ejipiti diema nni kuli.» 2Alono den tandi o nuu Ejipiti ñima po, ke a loanda den yadi ki pini Ejipiti diema kuli. 3Ama bi ñoagidanba moko den tieni yeni leni bi ñoagi. Bi den teni ke a loanda cua Ejipiti diema nni.
4 Faraon den yini Musa leni Alono ki yedi ba: «Mia mani Li Miali Diedo ke wan foagidi a loanda mini leni n niba kani. Lani, n baa cedi bi niba ne n gedi ki ban padi Li Miali Diedo po a pada.» 5Musa den yedi Faraon: «Bili nni ŋan bua min jaandi fini, a naacenba leni a niba po yaa yogunu, ki teni a loanda ne n ña a kani leni a diedi nni, ki ji yaa ye u kpenciamu nni bebe.»
6O den guani ki yedi o: «Saala.» Musa den yedi: «Li baa tua yeni ke ŋan bandi ke laa pia yua n naani leni Li Miali Diedo ti Tienu. 7A loanda baa foagidi fini leni a diena kani. Bi go baa foagidi a naacenba leni a niba kani. Bi kan go yaa ye, se u kpenciamu nni bebe.» 8Musa leni Alono n den ñani Faraon kani, Musa den kpaani ki mia o Diedo a loanda bodima po, wan den teni ke ya n baa Faraon. 9O Diedo den tieni Musa n den mia o yaala. A loanda den bodi a diena nni, a cancana nni leni i kuani nni. 10Bi den dogini ba tina tina kaani boncianla, ke bi nuulu yadi mi diema nni kuli. 11Ama Faraon n den laa ke o baa mi faabima, o den juagi o pali, ki naa go cengi Musa leni Alono, nani o Diedo n den yedi maama.
O falataalo: I juumi
12O Diedo den yedi Musa: «Waani Alono ke wan go tandi o gbiamu, ki pua ki tinga wagima. Mi baa kpandi juumi ki yaa ye Ejipiti diema nni kuli.»#Ps 78.45; 105.31. 13Bi den tieni yeni. Alono den tandi o nuu leni o gbiamu ki pua ki tinga wagima. Mi den kpandi juumi bi niba leni ti yandi po. Ki tinga wagima kuli den kpandi juumi Ejipiti diema nni kuli. 14Bi ñoagidanba den tieni bi ñoagi ki baa tagi i juumi, ama bi naa den fidi. I juumi den ye bi niba leni ti yandi kuli po. 15Bi ñoagidanba den yedi Faraon: «Li tie U Tienu nuu yaa tuonle.» Faraon pali den juagi ke waa den cengi Musa leni Alono maama, nani o Diedo n den yedi maama.#Luk 11.20.
O falanaalo: I sibiadi
16O Diedo den yedi Musa: «Fii ku tiŋaapanpangu, ki gedi ki sedi Faraon kani, wan baa ña ki gedi u kpenu po yaa yogunu. Ŋan yedi o: ‹Li Miali Diedo yedi: Cedi n niba n gedi ki ban kpiagi nni. 17A yaa yie ke n niba kan gedi, n baa soani i sibiadi, fini, a naacenba, a niba leni a diedi kuli kani. Ejipiti yaaba diena baa gbie leni i sii, i sii baa pini ki tinga kuli.#Cil 46.34. 18Ama landaali, n baa gagidi Gosen diema n niba n kaa naani. I sii kan yaa ye lankani ba waamu. Yeni, a baa bandi ke mini Li Miali Diedo n ye mi naa diema siiga. 19N baa tieni mi gagidima, n yaa niba leni a yaa niba siiga. Laa sinankeene baa tieni saala.› » 20O Diedo den tieni yeni. I sibiadi den kua Faraon diegu nni hali boncianla. Bi go den kua o naacenba diedi nni, ke Ejipiti diema kuli den biidi kelima i sii po.
21Faraon den yini Musa leni Alono ki yedi ba: «Gedi mani ki ban padi yi Tienu po mi diema nni.» 22Musa den guani ki yedi: «Laa dagidi tin tieni yeni, kelima tin baa yaa padi yaa pada o Diedo ti Tienu po yeni, tie caginde Ejipiti yaaba po. Naani ti baa fidi ki padi bi nunbu nni yaa pada n tie bi po cagindi, ke bi kan lugidi ti a tana? 23Ti baa tieni danataa cenli banlu mi fanpienma nni, ki padi o Diedo ti Tienu po, nani wan yedi ti maama.» 24Faraon go den yedi: «N baa tuo yin gedi ki padi a pada Li Miali Diedo yi Tienu po mi fanpienma nni, ama bonyenla bebe n ye. Yin da gedi naankani n foagi boncianla. Jaandi mani n po U Tienu.» 25Musa den guani ki yedi o: «N baa ña a kani ki mia Li Miali Diedo. Saala i sii baa foagidi Faraon, o naacenba leni o niba kuli kani. Ama Faraon n da go janbi ti, ki yie ke o kan tuo bi niba n gedi ki padi o Diedo po a pada.» 26Musa den ñani Faraon kani ki jaandi o Diedo. 27O Diedo den tieni Musa n den mia o yaala. I sii kuli den foagidi Faraon, o naacenba leni o niba kuli kani. Laa go den sieni ba siyenga. 28Ama lanyogunu goga, Faraon den juagi o pali ki naa tuo ke bi niba n gedi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.