Mi Ñama 35
35
Li gbandieli tiima
35—40
U Tienu fuodima daali
1 Musa den taani Isidayeli yaaba nitaanli kuli ki yedi ba: «Diidi mani o Diedo n bili ke ban tieni yaala: 2Yi baa soani yi tuona hali danaluoba, ama li daleleeli wani baa yaa tie yaa daali n gagidi ki ye li baa. Lini n tie U Tienu fuodima daali, yaali n tie mi jaanma daali o Diedo po. Yua n soani lan tie yaa tuonli kuli landaali, yi baa kpa o.#Ñam 20.8-11; 23.12; 31.15; 34.21; Lev 23.3; Tia 15.12-14. 3U Tienu fuodima daali, yin da cuoni mu dieguba kuli nni, yin ye yaa diedi yaa niinni.»
Isidayeli yaaba cuani bi todima
4Musa den maadi leni Isidayeli yaaba nitaanli kuli ki yedi: «O Diedo n yedi yaala nne: #Ñam 25.1-9. 5Yin ñani yi bonpiakaala siiga yin baa pa yaala o Diedo. Yua n pia ti bulicindi kuli baa cuani yaa paabu buolu n tie ne o Diedo kani: Wula, ŋanjilifa, ti kumoandi, 6ti pekobidi yaadi n moani ki suudi, ki moani colicoli, len gaali, ti ŋuakobidi, 7a petona gbandi ke ti tuu ki moani moani, yaa gbandi n nugi ki juagi, akasia daadi, 8mi fidisankpama, yaa tibidi n pia u nuulumanu mi gagidiŋanbima kpama po, tulale mi juuma po, 9onigisi tana leni tantoana ya moko n pia li mayuli ke bi baa ŋuuni li cabilakaali nni leni bi kopadicianba bado bencabili nni. 10Yi siiga nni a tuonsoanbanda kuli n taani ki soani U Tienu n puogi yin soani yaa tuona, ŋani n tie ne: #Ñam 39.32-43. 11u kaangagidiŋamu, li gbandieli leni yaa kpalibu n liibi li po, i bongobidi, ti dapagidi, ti kpalidoaginkaadi, a dasaana leni a bunbuna. 12Ku ŋantaadikpaku, ku dopandi, ku ŋantaadikpaku bonbiili, bu kpalidoaginkaabu, 13tabili, li dopandi, li tiabidi bidi, o dupengagidika. 14U fidisantuankaanu, u tiabidi bidi, mu fidisanmu leni mu kpama, 15tulale padibinbinli leni li dopandi, mi kpagagidikaama, yaa tulale n baa juu, bu kpalidoaginkaabu yaabu n ye U Tienu gbandieli buliñoabu kani. 16A padijuukaana padibinbinli leni li kumoanganbu, li dopandi leni li tiabidi bidi, ku tadigu leni ku tuankaanu, 17u luolu caba, u dasaana, u bunbuna, u kpalidoaginkaabu yaabu n ye u luolu buliñoabu kani, 18yaa kpaana n gaani ki lindi li gbandieli leni u luolu yaa kpaana, li baabi kuli, 19yaa tiadi n gagidi ki tie bi kopadicianba n baa yaa la yaa tiadi ki kua u kaangagidiŋamu nni leni Alono leni o bijaba yaa tiadi yaadi n gagidi ki ye li kopadiciantuonli po.»
20Isidayeli yaaba nitaanli den ñani Musa kani ki kuni.
21Yaa niba n den pia ti bulicindi kuli den cuani o Diedo po bi paabu u Kadikaanu Gbandieli tuonli po, laa dieli nni ŋantaadi kuli leni ti tiagagidikaadi po. 22Bi jaba leni bi puoba yaaba n den pia ti bulicindi kuli, den cuani bi tianba a tubilenlena, mi ñoagima, bine mo i laani leni tiatoadi boncianla, yaala n den tie wula, ki tieni yaa bogidili n doagidi ke bi teni la U Tienu. 23Yaaba n den pia yaa caba n moani ki suudi ki moani colicoli, len gaali, ti ŋuakobidi, a petona gbandi ke li moani ki tuu tuu, ban nugi yaa gbandi ke ti juagi, den cuani likuli. 24Yaaba n den bili o Diedo po ŋanjilifa, ti kumoandi ke li tie bi paabu kuli den cuani la. Yaaba mo n den pia akasia daadi moko den cuani ti.
25Yaa puoba n bani li kunkunpiali mo den pia ki cuani a cabimoana, ya moani colicoli leni len gaali. 26Yaa puoba n den pia ti bulicindi, ki go bani li tuonli bonŋanla kuli den pali ti ŋuakobidi gaali. 27U dogu badijaba mo den cuani onigisi tana leni tantoana ya n ŋani ke a dunga pa, o kopadiciamo cabilakaali leni o bencabili po. 28Bi go den cuani tulale, mi kpama mu fidisanmu po, mi kpagagidikaama leni tulale ban baa juu yua. 29Isidayeli jaba leni li puoba kuli, yaaba n pia ti bulicindi ki bua Musa n tii o Diedo n den puogi o wan tii yaa gbandieli yeni kuli, den cuani o Diedo po bu paabu leni li yankuali.
Betisaleeli leni Oholiabi cili bi tuonli
30Musa den yedi Isidayeli yaaba: «Diidi mani o Diedo wani o ba yini Betisaleeli, Uri bijua, Huri yaabili, Juda buolu yua. 31U Tienu gbieni o leni o Diedo Fuoma leni mi yanfuoma, mi banma leni i tuonbuoli kuli banma. 32O bani a tuona boncianla n baa cuoni maama, o bani ki duadi wula, ŋanjilifa leni ti kumoandi. O bani a tanmoana leni ti daadi n baa kpie maama. 33O bani a tana ya n pia mayuli ke a dunga pa n baa kpie maama, ti daadi n baa kpie maama, o bani tuonli kuli n baa soani maama. 34O Diedo go puni wani leni Ahisamaki bijua Oholiabi, Dan buolu yua mi bangima paabu.
35O puni ba yaa banma n baa kpie yaa tana n ŋani ke a dunga pa, a tuona boncianla banma, ki lu ki kpaa yaa caba n moani ki suudi ki ŋmadi leni ya moani colicoli, len gaali leni yaa banma n baa bogini a tuonjaana buoli kuli n baa cuoni maama.
Currently Selected:
Mi Ñama 35: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 35
35
Li gbandieli tiima
35—40
U Tienu fuodima daali
1 Musa den taani Isidayeli yaaba nitaanli kuli ki yedi ba: «Diidi mani o Diedo n bili ke ban tieni yaala: 2Yi baa soani yi tuona hali danaluoba, ama li daleleeli wani baa yaa tie yaa daali n gagidi ki ye li baa. Lini n tie U Tienu fuodima daali, yaali n tie mi jaanma daali o Diedo po. Yua n soani lan tie yaa tuonli kuli landaali, yi baa kpa o.#Ñam 20.8-11; 23.12; 31.15; 34.21; Lev 23.3; Tia 15.12-14. 3U Tienu fuodima daali, yin da cuoni mu dieguba kuli nni, yin ye yaa diedi yaa niinni.»
Isidayeli yaaba cuani bi todima
4Musa den maadi leni Isidayeli yaaba nitaanli kuli ki yedi: «O Diedo n yedi yaala nne: #Ñam 25.1-9. 5Yin ñani yi bonpiakaala siiga yin baa pa yaala o Diedo. Yua n pia ti bulicindi kuli baa cuani yaa paabu buolu n tie ne o Diedo kani: Wula, ŋanjilifa, ti kumoandi, 6ti pekobidi yaadi n moani ki suudi, ki moani colicoli, len gaali, ti ŋuakobidi, 7a petona gbandi ke ti tuu ki moani moani, yaa gbandi n nugi ki juagi, akasia daadi, 8mi fidisankpama, yaa tibidi n pia u nuulumanu mi gagidiŋanbima kpama po, tulale mi juuma po, 9onigisi tana leni tantoana ya moko n pia li mayuli ke bi baa ŋuuni li cabilakaali nni leni bi kopadicianba bado bencabili nni. 10Yi siiga nni a tuonsoanbanda kuli n taani ki soani U Tienu n puogi yin soani yaa tuona, ŋani n tie ne: #Ñam 39.32-43. 11u kaangagidiŋamu, li gbandieli leni yaa kpalibu n liibi li po, i bongobidi, ti dapagidi, ti kpalidoaginkaadi, a dasaana leni a bunbuna. 12Ku ŋantaadikpaku, ku dopandi, ku ŋantaadikpaku bonbiili, bu kpalidoaginkaabu, 13tabili, li dopandi, li tiabidi bidi, o dupengagidika. 14U fidisantuankaanu, u tiabidi bidi, mu fidisanmu leni mu kpama, 15tulale padibinbinli leni li dopandi, mi kpagagidikaama, yaa tulale n baa juu, bu kpalidoaginkaabu yaabu n ye U Tienu gbandieli buliñoabu kani. 16A padijuukaana padibinbinli leni li kumoanganbu, li dopandi leni li tiabidi bidi, ku tadigu leni ku tuankaanu, 17u luolu caba, u dasaana, u bunbuna, u kpalidoaginkaabu yaabu n ye u luolu buliñoabu kani, 18yaa kpaana n gaani ki lindi li gbandieli leni u luolu yaa kpaana, li baabi kuli, 19yaa tiadi n gagidi ki tie bi kopadicianba n baa yaa la yaa tiadi ki kua u kaangagidiŋamu nni leni Alono leni o bijaba yaa tiadi yaadi n gagidi ki ye li kopadiciantuonli po.»
20Isidayeli yaaba nitaanli den ñani Musa kani ki kuni.
21Yaa niba n den pia ti bulicindi kuli den cuani o Diedo po bi paabu u Kadikaanu Gbandieli tuonli po, laa dieli nni ŋantaadi kuli leni ti tiagagidikaadi po. 22Bi jaba leni bi puoba yaaba n den pia ti bulicindi kuli, den cuani bi tianba a tubilenlena, mi ñoagima, bine mo i laani leni tiatoadi boncianla, yaala n den tie wula, ki tieni yaa bogidili n doagidi ke bi teni la U Tienu. 23Yaaba n den pia yaa caba n moani ki suudi ki moani colicoli, len gaali, ti ŋuakobidi, a petona gbandi ke li moani ki tuu tuu, ban nugi yaa gbandi ke ti juagi, den cuani likuli. 24Yaaba n den bili o Diedo po ŋanjilifa, ti kumoandi ke li tie bi paabu kuli den cuani la. Yaaba mo n den pia akasia daadi moko den cuani ti.
25Yaa puoba n bani li kunkunpiali mo den pia ki cuani a cabimoana, ya moani colicoli leni len gaali. 26Yaa puoba n den pia ti bulicindi, ki go bani li tuonli bonŋanla kuli den pali ti ŋuakobidi gaali. 27U dogu badijaba mo den cuani onigisi tana leni tantoana ya n ŋani ke a dunga pa, o kopadiciamo cabilakaali leni o bencabili po. 28Bi go den cuani tulale, mi kpama mu fidisanmu po, mi kpagagidikaama leni tulale ban baa juu yua. 29Isidayeli jaba leni li puoba kuli, yaaba n pia ti bulicindi ki bua Musa n tii o Diedo n den puogi o wan tii yaa gbandieli yeni kuli, den cuani o Diedo po bu paabu leni li yankuali.
Betisaleeli leni Oholiabi cili bi tuonli
30Musa den yedi Isidayeli yaaba: «Diidi mani o Diedo wani o ba yini Betisaleeli, Uri bijua, Huri yaabili, Juda buolu yua. 31U Tienu gbieni o leni o Diedo Fuoma leni mi yanfuoma, mi banma leni i tuonbuoli kuli banma. 32O bani a tuona boncianla n baa cuoni maama, o bani ki duadi wula, ŋanjilifa leni ti kumoandi. O bani a tanmoana leni ti daadi n baa kpie maama. 33O bani a tana ya n pia mayuli ke a dunga pa n baa kpie maama, ti daadi n baa kpie maama, o bani tuonli kuli n baa soani maama. 34O Diedo go puni wani leni Ahisamaki bijua Oholiabi, Dan buolu yua mi bangima paabu.
35O puni ba yaa banma n baa kpie yaa tana n ŋani ke a dunga pa, a tuona boncianla banma, ki lu ki kpaa yaa caba n moani ki suudi ki ŋmadi leni ya moani colicoli, len gaali leni yaa banma n baa bogini a tuonjaana buoli kuli n baa cuoni maama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.