Mi Ñama 34
34
Li bali maama tanpabipanmu
1O Diedo den yedi Musa: «Kpie tanpabimulie, yaamu n naani leni mu kpiamu. N go baa diani mu po yaa maama n den ye mu tanpabikpiamu po, ŋan den mudi yaamu yeni. 2Ŋan baani ki gbeni ke li daa faa. Ŋan do Sinayi juali ku tiŋaapanpangu, ki yaa se lankani n nintuali li juali yuli po. 3Niloba kuli n da yegi leni a ki do li juali po, ban da le niloba kuli li juali po. Lan tie yanbidi, lan tie yangbenga, ban da kpaa baa ki nagini li juali ne.»
4Lanwani, Musa den kpie tanpabimulie, yaamu n naani leni mu kpiamu yeni. O den fii ku tiŋaapanpangu, ki taa mu tanpabiliedimu, ki doni Sinayi juali nani o Diedo n den puogi o maama. 5O Diedo den ye ku tawaligu nni, ki jiidi ki nagini ki sedi Musa kani, ki kpaani ki taa wani Li Miali Diedo yeli. 6O Diedo den pendi Musa nintuali ki kpaani: «O Diedo, Li Miali Diedo mi ninñima Tienu, yua n tiendi mi ŋanma, ke o pali mo ki be tontoni. O ŋanbili leni o dugidi mo ki pia bianu. 7Yua n kubi yaa buama n kan lebidi hali nifiima tudili po, ki tiendi sugili i tagili po, mi yiema leni ti tuonbiadi kuli po, ama o kan saa i tagili danba po i moamoani. Yua n teni ke ti tuonbiadi danba bila leni bi yaabila tugi bi tuonbiadi panpaani, hali ki pundi nifiimitaa leni nifiiminaa kuli.»#Ñam 20.5-6; Coa 14.18; Tia 5.9-10; 7.9-10.
8Lanyogunu Musa den jaligi ki gbaani ki pugi o Diedo. 9O den yedi: «O Diedo, li yaa tie ke a pali mani n po moamoani, n mia ŋa, fini o Diedo, ŋan yaa ye ti siiga ki yegi leni ti, kelima ti tie i tupaali danba. Ama ŋan tieni ti po sugili ti tagili leni ti tuonbiadi po, ki taa ti tin yaa tie a piama.»
O Diedo guani ki mangi leni ba
10O Diedo den guani ki yedi: «Diidi ki le, n go baa kuani o ŋantaado leni yi. N baa tieni mi bancianma a niba kuli nintuali, yaama n daa tieni diemiba kuli nni leni nibuoluba kuli siiga. Yaa nibuoli n lindi yi kuli, baa le mini o Diedo bontienkaala. Min baa tieni yaa bonlidinkaala yeni baa yaa pia i jeje.#Ñam 23.14-19; Tia 7.1-5; 16.1-17.
11Yin fangi yi yula leni min bili yi po yaa mabilikaama dinla. N baa deli yi nintuali Amoriti, Kanana, Hititi, Perisiti, Hiviti leni Jebusi yaaba. 12Yin fangi yi yula, ki da kuani yin baa kua yaa diema nni yaaba leni ŋantaadoba, ke ban da ti tua yi po diagu. 13Ama yin tudi ki lu bi padibinbina, ki mudi ban sieni yaa tanfoagiditi i buli po, ki pedi ban caani yaa dafoagiditi, Akera buli po yeni.#Tia 16.21. 14Yin da gbaani ki pugi buloba kuli, kelima o Diedo tie li nunponli daano. O tie yaa Tienu n pia li nunponli. 15Yin da baa ŋantaadoba kuli leni mi diema nni yaaba, kelima bi yaa ti gbaani ki padi bi cancaginbuli, ban da ti yini yi yin je ti padijiedi. 16Yin fangi yi yula ki da taa bi bisiaba yi bijaba po, ban da ti kuani yi bijaba bi tieni ŋoadima nni.
17Yin da taa kuduadikaadi, ki tagi buloba kuli.#Ñam 20.4; Lev 19.4; Tia 5.8; 27.15.
18Yin yaa tiendi yaa dupen n ki pia dabinli jaanma u jetaagu ŋmaalo nni, ki yaa di yaa dupen n ki pia dabinli hali danalele, nani min den bili yi po maama, kelima yi den ñani Ejipiti nni u jetaagu ŋmaalo nne. #Ñam 12.14-20; Lev 23.6-8; Coa 28.16-25.
19Ban mali yaa bonjakpiaga kuli tie n yua yo, ba li yaa tie i ne bi ti yanbidi n kpa mali yaa bontonga kuli.#Ñam 13.2. 20Yin lebidi, ki teni ki pebiga n gaa o ŋunbo bontonkpiaga kaanu. Yi yàá lebidi ki faabi o ŋunbo bontonkpiaga, yin mudi o bunkpanli. Yin go lebidi ki faabi yi bonjakpiala kuli. Yin da cua n kani nikuomi.#Ñam 13.13.
21Yin yaa tuuni mani yi tuona kuli danaluoba, ki fuodi ki da soani li daleleeli. Yin yaa fuodi mani yeni, ba bu kpaabu leni u jetaagu yogunu kuli.#Ñam 20.9-10; 23.12; 31.15; 35.2; Lev 23.3; Tia 5.13-14.
22Yin yaa kubi mani danalele taalimilele yaa jaanma, yaama n go yi ŋalikama bonluonkpiala jaanma leni u jetaagu jaanma, yaama n ye li binli juodima.#Ñam 23.16; Coa 28.26-31.
23Yi jaba kuli baa cua, mini yi Diedo, Li Miali Diedo Isidayeli Tienu kani taalimitaa binli kuli nni. 24N baa deli i nibuoli kuli yi nintuali, ki diadi yi diema tinbianu. Niloba kan yedi ke o baa diedi yi diema yin kpendi o Diedo yi Tienu kani taalimitaa li binli kuli nni yaa yogunu.
25Yin da padi n po yaa dupen n pia dabinli ki taani leni yin padi n po yaa yanga soama. Yin da teni mi Pendima jaanma padinandi n duani lan faa.#Ñam 12.10. 26Yin taa mani yaala n ŋani ki cie ki tinga bonluonkpiala kuli nni, ki cuani mini o Diedo yi Tienu diegu nni. Yin da kodi ki ŋuabiga ki ŋaani ki nandi ki naa biima nni.»#Tia 14.21; 26.2.
27O Diedo go den yedi Musa: «Ŋan diani laa maama kuli, kelima leni laa maama yo, ke n kuani o ŋantaado fini leni Isidayeli yaaba kuli.»
28Musa den kali lankani leni o Diedo dana piinaa leni ñiadi piinaa. Waa den dini jiema, waa den ñuni ñima moko. O Diedo den diani o ŋantaado maama mu tanpabimu po, lani n tie o bali mapiiga yeni.
Musa guani li nagili nni
29Musa n den jiidi Sinayi juali yaa yogunu, li bali maama tanpabiliedimu yeni den ye o nuu nni. Musa naa den bani ke wan den maadi leni o Diedo yeni, o nunga den ñuliti. #2Kor 3.7-16. 30Alono leni Isidayeli yaaba kuli den nuali Musa ki sua ke o nunga ñuliti. Lani yaa po, ti jawaandi den cuo ba, ke bi den jie ki naa bua ki nagini o. 31Musa den yini Alono leni li nitaanli yudanba kuli ke bi den cua o kani, ke o maadi leni ba. 32Li yaa puoli, Isidayeli yaaba kuli den nagini o kani, ke o waani ba wan den baa yaa ñoamabonbilikaana o Diedo kani Sinayi juali po.
33Musa n den maadi leni ba ki gbeni, o den pigini o nunga li cabili. 34Musa yaa den baa kua o Diedo kani yaa yogunu ki maadi leni o, o yen pigidi li cabili, hali o yaa ti ñani yaa yogunu ki baa waani Isidayeli yaaba U Tienu n teni o yaa ñoamabonbilikaana kuli. 35Isidayeli yaaba yen diidi Musa nunga ki sua ke o nunga ñuliti. Lane Musa yen pigini o nunga li cabili, hali wan baa ti guani ki kua ki maadi leni o Diedo yaa yogunu.
Currently Selected:
Mi Ñama 34: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Ñama 34
34
Li bali maama tanpabipanmu
1O Diedo den yedi Musa: «Kpie tanpabimulie, yaamu n naani leni mu kpiamu. N go baa diani mu po yaa maama n den ye mu tanpabikpiamu po, ŋan den mudi yaamu yeni. 2Ŋan baani ki gbeni ke li daa faa. Ŋan do Sinayi juali ku tiŋaapanpangu, ki yaa se lankani n nintuali li juali yuli po. 3Niloba kuli n da yegi leni a ki do li juali po, ban da le niloba kuli li juali po. Lan tie yanbidi, lan tie yangbenga, ban da kpaa baa ki nagini li juali ne.»
4Lanwani, Musa den kpie tanpabimulie, yaamu n naani leni mu kpiamu yeni. O den fii ku tiŋaapanpangu, ki taa mu tanpabiliedimu, ki doni Sinayi juali nani o Diedo n den puogi o maama. 5O Diedo den ye ku tawaligu nni, ki jiidi ki nagini ki sedi Musa kani, ki kpaani ki taa wani Li Miali Diedo yeli. 6O Diedo den pendi Musa nintuali ki kpaani: «O Diedo, Li Miali Diedo mi ninñima Tienu, yua n tiendi mi ŋanma, ke o pali mo ki be tontoni. O ŋanbili leni o dugidi mo ki pia bianu. 7Yua n kubi yaa buama n kan lebidi hali nifiima tudili po, ki tiendi sugili i tagili po, mi yiema leni ti tuonbiadi kuli po, ama o kan saa i tagili danba po i moamoani. Yua n teni ke ti tuonbiadi danba bila leni bi yaabila tugi bi tuonbiadi panpaani, hali ki pundi nifiimitaa leni nifiiminaa kuli.»#Ñam 20.5-6; Coa 14.18; Tia 5.9-10; 7.9-10.
8Lanyogunu Musa den jaligi ki gbaani ki pugi o Diedo. 9O den yedi: «O Diedo, li yaa tie ke a pali mani n po moamoani, n mia ŋa, fini o Diedo, ŋan yaa ye ti siiga ki yegi leni ti, kelima ti tie i tupaali danba. Ama ŋan tieni ti po sugili ti tagili leni ti tuonbiadi po, ki taa ti tin yaa tie a piama.»
O Diedo guani ki mangi leni ba
10O Diedo den guani ki yedi: «Diidi ki le, n go baa kuani o ŋantaado leni yi. N baa tieni mi bancianma a niba kuli nintuali, yaama n daa tieni diemiba kuli nni leni nibuoluba kuli siiga. Yaa nibuoli n lindi yi kuli, baa le mini o Diedo bontienkaala. Min baa tieni yaa bonlidinkaala yeni baa yaa pia i jeje.#Ñam 23.14-19; Tia 7.1-5; 16.1-17.
11Yin fangi yi yula leni min bili yi po yaa mabilikaama dinla. N baa deli yi nintuali Amoriti, Kanana, Hititi, Perisiti, Hiviti leni Jebusi yaaba. 12Yin fangi yi yula, ki da kuani yin baa kua yaa diema nni yaaba leni ŋantaadoba, ke ban da ti tua yi po diagu. 13Ama yin tudi ki lu bi padibinbina, ki mudi ban sieni yaa tanfoagiditi i buli po, ki pedi ban caani yaa dafoagiditi, Akera buli po yeni.#Tia 16.21. 14Yin da gbaani ki pugi buloba kuli, kelima o Diedo tie li nunponli daano. O tie yaa Tienu n pia li nunponli. 15Yin da baa ŋantaadoba kuli leni mi diema nni yaaba, kelima bi yaa ti gbaani ki padi bi cancaginbuli, ban da ti yini yi yin je ti padijiedi. 16Yin fangi yi yula ki da taa bi bisiaba yi bijaba po, ban da ti kuani yi bijaba bi tieni ŋoadima nni.
17Yin da taa kuduadikaadi, ki tagi buloba kuli.#Ñam 20.4; Lev 19.4; Tia 5.8; 27.15.
18Yin yaa tiendi yaa dupen n ki pia dabinli jaanma u jetaagu ŋmaalo nni, ki yaa di yaa dupen n ki pia dabinli hali danalele, nani min den bili yi po maama, kelima yi den ñani Ejipiti nni u jetaagu ŋmaalo nne. #Ñam 12.14-20; Lev 23.6-8; Coa 28.16-25.
19Ban mali yaa bonjakpiaga kuli tie n yua yo, ba li yaa tie i ne bi ti yanbidi n kpa mali yaa bontonga kuli.#Ñam 13.2. 20Yin lebidi, ki teni ki pebiga n gaa o ŋunbo bontonkpiaga kaanu. Yi yàá lebidi ki faabi o ŋunbo bontonkpiaga, yin mudi o bunkpanli. Yin go lebidi ki faabi yi bonjakpiala kuli. Yin da cua n kani nikuomi.#Ñam 13.13.
21Yin yaa tuuni mani yi tuona kuli danaluoba, ki fuodi ki da soani li daleleeli. Yin yaa fuodi mani yeni, ba bu kpaabu leni u jetaagu yogunu kuli.#Ñam 20.9-10; 23.12; 31.15; 35.2; Lev 23.3; Tia 5.13-14.
22Yin yaa kubi mani danalele taalimilele yaa jaanma, yaama n go yi ŋalikama bonluonkpiala jaanma leni u jetaagu jaanma, yaama n ye li binli juodima.#Ñam 23.16; Coa 28.26-31.
23Yi jaba kuli baa cua, mini yi Diedo, Li Miali Diedo Isidayeli Tienu kani taalimitaa binli kuli nni. 24N baa deli i nibuoli kuli yi nintuali, ki diadi yi diema tinbianu. Niloba kan yedi ke o baa diedi yi diema yin kpendi o Diedo yi Tienu kani taalimitaa li binli kuli nni yaa yogunu.
25Yin da padi n po yaa dupen n pia dabinli ki taani leni yin padi n po yaa yanga soama. Yin da teni mi Pendima jaanma padinandi n duani lan faa.#Ñam 12.10. 26Yin taa mani yaala n ŋani ki cie ki tinga bonluonkpiala kuli nni, ki cuani mini o Diedo yi Tienu diegu nni. Yin da kodi ki ŋuabiga ki ŋaani ki nandi ki naa biima nni.»#Tia 14.21; 26.2.
27O Diedo go den yedi Musa: «Ŋan diani laa maama kuli, kelima leni laa maama yo, ke n kuani o ŋantaado fini leni Isidayeli yaaba kuli.»
28Musa den kali lankani leni o Diedo dana piinaa leni ñiadi piinaa. Waa den dini jiema, waa den ñuni ñima moko. O Diedo den diani o ŋantaado maama mu tanpabimu po, lani n tie o bali mapiiga yeni.
Musa guani li nagili nni
29Musa n den jiidi Sinayi juali yaa yogunu, li bali maama tanpabiliedimu yeni den ye o nuu nni. Musa naa den bani ke wan den maadi leni o Diedo yeni, o nunga den ñuliti. #2Kor 3.7-16. 30Alono leni Isidayeli yaaba kuli den nuali Musa ki sua ke o nunga ñuliti. Lani yaa po, ti jawaandi den cuo ba, ke bi den jie ki naa bua ki nagini o. 31Musa den yini Alono leni li nitaanli yudanba kuli ke bi den cua o kani, ke o maadi leni ba. 32Li yaa puoli, Isidayeli yaaba kuli den nagini o kani, ke o waani ba wan den baa yaa ñoamabonbilikaana o Diedo kani Sinayi juali po.
33Musa n den maadi leni ba ki gbeni, o den pigini o nunga li cabili. 34Musa yaa den baa kua o Diedo kani yaa yogunu ki maadi leni o, o yen pigidi li cabili, hali o yaa ti ñani yaa yogunu ki baa waani Isidayeli yaaba U Tienu n teni o yaa ñoamabonbilikaana kuli. 35Isidayeli yaaba yen diidi Musa nunga ki sua ke o nunga ñuliti. Lane Musa yen pigini o nunga li cabili, hali wan baa ti guani ki kua ki maadi leni o Diedo yaa yogunu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.