SAKALI 10
10
1A sakuana yaa pundi,
Yin mia mani Li Miali Diedo ke ki taaga n mii.
O baa teni kan yini
Ki mii hali boncianla.
Yua kuli kuani baa goa ki boandi.
2Diidi mani i *buli n guandi yi yaala kuli tie faama,
A baabuula n doagidi yaala kuli tie faama,
Yaaba n bundi ti dangidi maadi mafanma,
Ki baagidi yi fanma fanma.
Lani n cedi ke bi niba puagi ki lindi
Ki laadi fala nani yaa yankulu n ki pia kpaalo yeni.
3Li Miali Diedo yedi:
«N pali beni leni bi nilanba yaaba n gobidi n niba,
Ke n baa waani ba fala.
Mini Li Miali Diedo, U Paaciamu Kuli Daano n yedi yeni.
N baa taa n niba, Juda yaaba, ki kubi ba.
Bi baa tua nani min jagi yaa taamo leni ti kpiagidi bu toabu po yeni.
4Juda yaaba siiga baa ña li tanpuuli tanjigi
Leni li gbandieli kpaali,
Leni bu toabu dabanli.#10.4 «Li tanpuuli tanli, li gbandieli kpaali, bu toabu dabanli.» Lani kuli bundima tie bi yudanba ki wangi ke nilanba ka go baa yaa gobidi Isalele yaaba, ama bani Isalele yaaba yaa yudanba n baa yaa tugi bi yuli, ki caani ba bu toabu.
Bi yudanba buoli buoli baa ña bi siiga ki taani,
5Nani a jakoanda yeni,
Ki ŋma nani i sani nni moamoadi, yaaba n koani leni ba.
Bi baa koani yeni,
Kelima mini Li Miali Diedo ye leni ba.
I fe baa cuo bi yibalinba yaaba n jagi i taami.
6N baa pa Juda yaaba u paalu,
Ki faabi bani Isalele yaaba.
N baa gbadi bipo mi niñima,
Ki lebidi ki guani ba bi deni.
Bi baa yaa tie npo nani mii den kpa yie ba baa yenma yeni,
Kelima n tie Li Miali Diedo, bi Tienu.
N baa guani bi miabu.
7Bani Isalele buolu yaaba baa yaa tie nani a jakoanda yeni,
Bi pala baa yaa mani nani yaaba n ñuni mi daama yeni.
Bi puoliŋuani baa le lani,
Li Miali Diedo n baa pa ba yaa pamancianli yeni.
8N baa teni ban kpaani ki taani n niba.
Min faabi ba,
Ki teni ban yabidi nani ban den kpa yabidi maama.
9N den yadi ba i nilanbuoli nni,
Ama bi den tiani npo, baa ke bi den ye foagima.
Bani leni bi bila kuli baa ciadi,
Ki yegi ki lebidi ki kpeni.
10N baa ñani ba Ejipiti leni Asili diema,
Ki goa ki kpenni n ba bi deni.
N baa kaani ba Galaadi leni Libani diema nni,
Ama baa yeni, mi fanma kan dagidi ba.
11Bi baa duodi li paboanli ñincianma,#10.11 Gileka maama nni, li diani “Ejipiti ñincianma.” Laa maama tiadi Isalele yaaba n den ñani Ejipiti yo. Diidi Ñam 14.21-22; Esa 51.10; Pis 106.9.
Bi baa pua ki duani mi ñincianma ñingola,
U kpenu Nili baa ñuudi.
Asili yaaba japaadi baa jiidi,
Li bali baa bodi Ejipiti nni mo.
12N baa pa n niba u fidu,
Bi baa yaa kpiagidi nni,
Ki tuodi ki tiendi min yedi yaala.
Li Miali Diedo n yedi lani.»
U Tienu baa bolini yaa diema n pia u paalu kuli
Currently Selected:
SAKALI 10: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
