LOMA YAABA 15

1Li pundi ke tinba yaaba n pa U Tienu sanŋoadima nni n juuni leni yaaba n tadi lienni, ki yaa todi ba bi tadingu nni, ki da lingi yaala n mani tinba bebe yaa po. 2Li pundi ke ti siiga yendo yendo kuli n yaa tiendi yaala n baa mani o nisaalilielo po, ki tiendi opo yaala n baa todi o wan suagi liiga U Tienu sanŋoadima nni. 3Kelima baa Kilisiti naa den lingi yaala n mani o, ama nani lan diani maama: «Ban den sugidi a yaa sugidi baa mini n yaa yuli po.»#Pis 69.10 4To, yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi yaa po, tin fidi ki baa mi suginma.

5U Tienu yua puuni li juunli leni li papaali n teni yin yaa pia yantiayenli leni yiyaba nani Jesu Kilisiti n bua maama, 6ke yin taani yanyenma leni ñoayenbu ki yaa kpiagidi ti Diedo Jesu Kilisiti Tienu leni o Baa.

U Tienu Laabaaliŋamo tie i nibuoli kuli po

7Yin yaa gaani mani yiyaba nani Kilisiti n den ga yi maama U Tienu yaa kpiagidi po. 8Kelima n waani yi ke Kilisiti den tua Isalele buolu yaaba#15.8 Isalele buolu: Gileka maama yedi: «Yaaba n kua ku koanciagu.» naacemo ki baa doagidi ke U Tienu tie dugika ki teni ban baa U Tienu n den niani bi yaajanba yaa ñoanianu, 9ki go teni ke bi nilanba moko n kpiagi U Tienu o niñigbadima po. Nani lan diani maama:

«Lani yaa po n baa pagi a

I nilanbuoli siiga,

N baa yiini ki kpiagi a yeli.»#2Sam 22.50; Pis 18.50

10Li go diani:

«Yinba i nilanbuoli kuli,

Taani mani leni o nibuolu

Ki yaa mangidi yi pala.»#Tia 32.43

11Li go diani:

«Pagi mani o Diedo,

Yinba i nilanbuoli kuli,

Kpiagi o mani, yinba i nibuoli kuli.»#Pis 117.1

12 *Esayi moko yedi:

«Li benkpeli baa pudi *Isayi#15.12 Isayi: Yeni den tie o badiciamo Dafidi baa. Go diidi Esa 11.1,10. jiinu nni,

Yua n baa fii ki diedi i nibuoli kuli.

I nibuoli baa bili bi suginma o yaa kani.»

13Mi suginma Tienu n gbieni yi pala leni li pamanli leni mi yanduanma li *dandanli nni. U Tienu Fuoma Yua paaciamu n teni yin yaa pia mi suginma ki pugidipugidi.

Polo n pia yaa bali ki diani ki tundi Jesu yaaba

14N kpiiba, n bani ke yi pala gbie leni li *ŋanbili, ke yi bani cain yin baa tiendi yaala kuli, ki go baa fidi ki tundi yiyaba. 15Baa yeni, n diani yipo bonyenla yenla leni li papaali, ki bua ki tiadi yi yin bani yaala no kelima U Tienu n puni nni yaa ŋanbili yaa po, 16ki teni ke n tua Jesu Kilisiti naacemo bi nilanba siiga. N tuuni yaa tuonli n gagidi ki wangi ba U Tienu Laabaaliŋamo ke bani bi nilanba n tua nani U Tienu n baa tuo yaa padili ke li mani o yeni, U Tienu Fuoma Yua n gagidi yaali wani U Tienu po.

17Lanwani n baa fidi ki kpiagi n yuli Jesu Kilisiti nni kelima n tuuni U Tienu po. 18Mii pia li papaali ki maadi matoama kuli kali Kilisiti n den taa nni ke min yaa gobidi bi nilanba ban tuo ki ŋoadi U Tienu kelima n maama leni n tuona po. 19N den baa U Tienu Fuoma paalu, ki tieni bi siiga sinankeeninba leni mi bancianma. N den cili ki wangi Kilisiti Laabaaliŋamo Jelusalema, ki yuandi ki wangi li maama i kaani kuli hali ki ban gaani ki pundi Ilili diema. 20N den bua ki tieni bonyenla, lani n tie ki yaa wangi Kilisiti Laabaaliŋamo yaaba n daa kpa gbadi o, ke min da ŋuani nitoa tanpuuli po. Nani lan diani maama:

21«Ban ki den kpa waani yaaba

O maama fuuli, bani n baa le,

Bani yaaba n ki den kpa gbadi o maama

Baa bandi ma.»#Esa 52.15

Polo jagi ke o baa gedi Loma

22Lani n den yiedi npo yaa yogini n yaba ke n daa cua yikani.#Lom 1.13 23Moala n soani n tuonli ki gbeni yaa dogi n lindi na kuli. Nani lan tie yaa bina n yaba ke n moko bua ki cua yikani yeni, 24n sugini ke n yaa caa Esipana diema, n baa tagi ki fuondi yi. N yaa mangi n pali leni yi danaba, n sugini ke yi baa todi nni min gedi lipo.

25Moala n da baa fii ki gedi Jelusalema bi *nigagidiŋanba yaa todima po.#1Kol 16.1-4 26Kelima Kilisiti n yini yaaba, ke bi ye Maseduana leni Akayi diema nni kuli den sua ke li ŋani ke bi taani mi todima, ki soani bi nigagidiŋanba siiga yaaba n tie luoda ki ye Jelusalema po. 27Bi den tieni yeni bi yama po, li pundi ban tieni yeni moko. Kelima bani bi nilanba yaa den taani leni Jufinba ki boagidi U Tienu sela, li pundi bi nilanba n boagidi bi yema bonbaakaala leni Jufinba.#1Kol 9.11 28N yaa caa ba laa tondu, ki teni ba ban taani bipo yaa paabu ki dudi, n baa tagi yikani ki gedi Esipana diema. 29N bani ke n yaa cua yikani, n baa gbie leni Kilisiti seli.

30N kpiiba, n mia yi kelima ti Diedo Jesu Kilisiti yaa po leni U Tienu Fuoma yaa buama yaa po, ke yin taani leni nni min moa yaa muali nni, ki yaa jaandi U Tienu ki miadi o npo leni li yankuali, 31ke min faabi leni yaaba n ye Jude diema po ki naa tuo ki daani. N go mia yi yin yaa miadi ke min baa gedini yaa todima Jelusalema po, baa mangi bi nigagidiŋanba lipo. 32Lanwani, U Tienu yaa bua, n baa pundi yikani leni li pamanli ki go baa yi siiga fuodimaba. 33Mi yanduanma Tienu n yaa ye leni yikuli. Amina!

I fuondi

Currently Selected:

LOMA YAABA 15: GUX03

Highlight

Copy