MATIYU 7
7
1Yin da ja mani ti buudi, ke U Tienu n da ti jia leni yi mo ti buudi. 2Kelima U Tienu baa bu leni yi nani yin bu leni yi nisaalilieba maama. O go baa taa yin bigidi nitoaba po leni yaa *bonbiigikaala ki biigi yi mo yaa po.#Mak 4.24 3Be n teni ke a nua yaa muagu n ye a lielo nunbu nni ki naa nua yaa dajengu n ye a yaabu nni? 4Li ga lede ke a baa yedi a kpiilo: ‹Cedi min ñani apo yaa muagu n ye a nunbu nni, ke ku dajengu duogi a yaabu nni?› 5Fini pala lie daano, ŋan kpa ñani yaa dajengu n ye a yaa nunbu nni, lanwani a baa fidi ki le bonŋanla ŋan baa ñani ku muagu yeni maama a lielo yaabu nni.
6Da taa mani yaala n gagidi ki ŋani ki teni i sangbanli, ke ban da ti jigidi ki toatoadi yi. Da taa mani yi laani yi yaa dunga n pa ki lu i duoli, ke ban da ti ŋma ki piini la.
Yaa miadi mani U Tienu
(Luk 11.9-13)
7Mia mani, bi baa pa yi, lingi mani, yi baa le. Yedi mani: ‹Gafala› bu buliñoabu kani, bi baa luodi yipo. 8Kelima yua n mia kuli baa baa, yua mo n lingi kuli, o baa le, bi baa luodi yua n yedi: ‹Gafala› ki bua ki kua kuli po.
9Yinba bi jaba siiga, ŋme yaa biga n baa mia o dupen, wan teni o li tanli? 10Bi o baa mia o o jamo, wan teni o o wa? 11Yinba yaaba n bia yaa bani ki pa yi bila li bonŋanla, laa pia kuli tama ke yi Baa yua n ye tanpoli baa pa yaaba n mia o li bonŋanla.
12Lani yaa po yin bua ke bi niba n tieni yipo yaala kuli, yi mo n tieni la bipo. Lani n tie li *bali maama leni bi sawalipuaba kuli bangima.#Luk 6.31
Yaa buliñoabu n miabi
(Luk 13.24)
13Kua mani yaa buliñoabu n miabi kani, kelima yaa buliñoabu n pia leni yaa sanu n pia kuli caa mi bodima po, yaaba n tagi lankani mo n nan yaba. 14Ama yaa buliñoabu n miabi leni yaa sanu n miabi kuli caa yaa miali n kan gbeni kani, yaaba n laadi laa sanu mo naa yaba.
Bu tibu leni bu bonluonkaala
(Mat 12.33-37; Luk 6.43-45)
15Yin fangi mani yi yula leni bi sawalipua-faadanba. Bi kpendi yikani ki dingi nani i pe yeni, ama moamoani, bi tie nani yaa fuasangbanbiadi n bua ki bolini yi yeni. 16Yi baa bandi baa bi bontienkaala po yo. Naani yi baa sobidi i cabi ku konkongu po bi? Bi ki sobidi a kankana a kongoaba po bi? 17Yaa tibu n ŋani kuli baa luoni yaa bonluonkaala n ŋani, yaa tibu n ki ŋani mo baa luoni yaa bonluonkaala n ki ŋani. 18Yaa tibu n ŋani kan fidi ki luoni yaa bonluonkaala n ki ŋani, yaa tibu n ki ŋani mo kan fidi ki luoni yaa bonluonkaala n ŋani. 19Yaa tibu n ki luoni yaa bonluonkaala n ŋani kuli, bi baa pedi bu ki lu mi fantama nni.#Mat 3.10; Luk 3.9 20Li tie bi bontienkaala po yo ke yi baa bandi ba.#Mat 12.33
Mii bani yi
(Luk 13.25-27)
21Yaaba n tua nni: ‹O Diedo, o Diedo,› bikuli ka baa kua *tanpoli diema nni, se yaaba n tiendi n Baa yua n ye tanpoli yaa yanbuama. 22Li bujiali daali, bi niba boncianla baa yedi nni: ‹O Diedo, o Diedo, naani tii den wangi U Tienu maama a yeli nni kaa? Tii den deli mu cicibiadimu a yeli nni kaa? Tii go den tiendi mi bancianma boncianla a yeli nni kaa?› 23Lane n baa kadi ki yedi ba: ‹Kalam, mii bani yi. Fuadi mani n kani, yinba yaaba n tiendi mi biadima.›#Pis 6.9
A dielieda
(Luk 6.46-49)
24Lani yaa po yua n gbadi min maadi yaa maama na, ki tiendi man yedi yaala, o baa tie nani yaa yanfodaano n den maa o dieli ku tangu po. 25Ki taaga den mini, a ñingola den puubi, ku tafaagu mo den figi ki pua laa dieli, ama lii den baa, kelima li den pu ku tangu po. 26Ama yua n gbadi min maadi yaa maama na, ki naa tiendi man yedi yaala, o baa tie nani yaa yanluodaano n maa o dieli mi tanbiima nni. 27Ki taaga den mini, a ñingola den puubi, ku tafaagu den figi ki pua laa dieli ke li den baa ki mumudi.»
Jesu bali
28Jesu n den maadi laa maama kuli ki gbeni, ku niligu den ye leni li pakili kelima o bangima po.#Mak 1.22; Luk 4.32 29Kelima o den bangi nani yua n pia li bali mi bangima po yeni. Waa den bangi nani li *balimaama bangikaaba#7.29 Li balimaama bangikaaba yeni den ŋua bi nikpiaba bangima. yeni ka.
Jesu ŋanbi o gbaado
(Mak 1.40-45; Luk 5.12-16)
Currently Selected:
MATIYU 7: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
