MATIYU 3
3
1Laa yogunu Jan Batisi den kua Jude diema yaa fanpienma nni ki wangi U Tienu maama, 2ki tua: «Lebidi mani yi yama kelima *tanpoli diema kuli.»#Mat 4.17; Mak 1.15 3Wani Jan n tie o sawalipualo Esayi n den maadi yua yaa maama ki yedi:
«O nilo kpaani mi fanpienma nni ki tua:
‹Yin bogini mani o Diedo sanu,
Ki naadi mani o sani.› »#Esa 40.3
4Jan den laa ti yuoyuokobidi tiadi#3.4 Li tie yaa tiadi n naa pia kpiagidiba kuli. Diidi Mak 1.6 leni 2 Bi Badiba 1.8. ki ñaagi o ciaga ku gbanñagidigu. O den di i naaci leni ku muagu nni yaa siadi. 5Jelusalema dogu yaaba leni Jude diema yaaba kuli, leni yaa tinkundogi n baali Judana kpenu yaaba kuli, den kpendi o kani. 6Bi den tuodi ki doagidi bi *tuonbiadi, ki cedi ke Jan *batisi ba Judana kpenu nni.
7Wan den laa ke *Falisieninba leni *Sadusieninba boncianla kpendi o kani ke wan batisi ba, o den yedi ba: «Yinba, u waalabi-buolu na, ŋme fandi yi yin sani ki cia U Tienu pabienli yaali n baa cua na?#Mat 12.34; 23.33 8Yin yaa tuuni mani yaa tuona n doagidi ke yi lebidi yi yama. 9Yin da se ki tua yi pala nni: ‹Ti pia Abalahama ke o tie ti yaaja.› N kadi ki waani yi ke U Tienu baa fidi ki teni yaa tana n tie na n tua Abalahama puoliŋuani.#Jan 8.33 10Baa moala bi caani li yali i tijiini po. Yaa tibu n ki luoni yaa bonluonkaala n ŋani kuli, bi baa pedi bu ki lu mi fantama nni.#Mat 7.19 11Mini n batisi yi leni mi ñima, ke lan doagidi ke yi lebidi yi yama. Ama yua n ŋua n puoli pia u paalu ki cie nni. Mii pundi baa yua n baa tugi o cacaadi. Wani, o baa batisi yi leni U Tienu Fuoma Yua leni mi fantama. 12O kubi o kaaligu o nuu nni. O baa ŋanbi o jalu cain, ki wodi ki kuodi mi bima li buali nni, ki nan sia mi fenma leni yaa fantama n kaa pia gbindima.»
Jan batisi Jesu
(Mak 1.9-11; Luk 3.21-22; Jan 1.32-34)
13Laa yogunu Jesu den ñani *Galile diema ki cua u kpenu Judana, Jan kani, ke wan batisi o. 14Ama Jan den bua ki yie opo ki yedi: «Li bi pundi fine n batisi nni, ke a mo nan cua mini yaa kani?» 15Jesu den goa ki yedi o: «Cedi ki tieni yeni moala, yeni n tie tin tieni yaala n tiegi kuli.» Lanwani Jan den tuo, waa go yie.
16Wan den batisi o yaa yogunu, Jesu den ñani mi ñima nni. Tanpoli den luodi ke Jesu laa ke *U Tienu Fuoma ñani lipo ki ji nani ki kpaajiega yeni ki ti jagini opo. 17Lanyogunu u nialu den maadi tanpoli po ki yedi: «One n tie n *Bijabuadiga, n pali n mani yua yaa po hali boncianla.»#Cil 22.2; Pis 2.7; Esa 42.1; Mat 12.18; 17.5; Mak 1.11; Luk 9.35
Sutaani tulini Jesu
(Mak 1.12-13; Luk 4.1-13)
Currently Selected:
MATIYU 3: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
