GALATI YAABA 1
1
I fuondi
1Mini Polo yua n tua Jesu tondo, ke laa ŋua bi nisaaliba ka soani nni, bi niloba mo, ama kelima Jesu Kilisiti leni U Tienu yua n tie Baa, yua n den fiini o bi tinkpiba siiga n soani nni. 2Mini leni n kpiiba, yaaba n ye ne leni nni kuli, taani ki fuondi yi yinba Kilisiti n yini yaaba nitaana ya n ye Galati diema nni. 3Ti Baa U Tienu leni o Diedo Jesu Kilisiti n pa yi li *ŋanbili leni mi yanduanma. 4Wani Jesu Kilisiti n den puni o yuli ti *tuonbiadi po, nani ti Baa U Tienu n den bua maama, ki baa faabi ti leni ŋanduna na leni o biadima. 5Wani n yaa baadi ti kpiagidi hali yaa yogunu n tu uyu. Amina!
Laabaaliŋantoa naa ye
6Li paki nni leni yin jaligi ki lebidi ki ŋa U Tienu yua n yini yi kelima Kilisiti ŋanbili po, ki baa ŋoadi laabaaliŋantoa. 7Moamoani laabaaliŋantoa ki ye, n maadi yeni kelima bi nitianba lengidi yi yama, ki moandi ki baa lebidi Kilisiti Laabaaliŋamo.
8Baa tinba, ti yaa wangi yi yaa laabaaliŋamo n ki taa leni tin den kpa wangi yi yua, baa maleki yaa ñani tanpoli ki tieni yeni, yua n tieni yeni kuli, wan tua ti solindi yua. 9Nani tin den kpa yedi maama, n go yedi yeni moala, yaa nilo n wangi yi laabaaliŋantoa yua n ki taa leni yin den kpa ga yua, wan tua ti solindi yaa.
10Moala po, naani n moandi ke bi nisaaliba n saa npo i moamoani bi, bi U Tiene? Naani n moandi ki bua ki mangi bi nisaaliba yaa pala bi? Li yaa tie ke n bi bua ki mangi bi nisaaliba yaa pala, n kan bi yaa tie Kilisiti naacemo.
Polo n tua tondo maama
11N kpiiba, n kadi ki waani yi ke min den waani yi yaa Laabaaliŋamo ki ñani bi nisaaliba kani ka. 12Mii den gbadi o nisaalo kani ka, o nisaalo ka den bangi nni o maama fuuli mo, ama Jesu Kilisiti n den doagidi o npo.
13Yi den gbadi n tagu n den tie maama min den ŋua Jufinba*jaanma yaa yogunu. N den wangi U Tienu niba fala hali ki bua ki bolini ba.#JTT 8.3; 22.4-5; 26.9-11 14Jufinba jaanma yeni niinni, n den ŋua ma ki cie n buolu yaaba leni yaaba n taa leni nni saala boncianla, kelima min den pia li yankuali ke li pendi maama ti danbogida po.#JTT 22.3
15Die U Tienu den ŋanbi npo ki gandi nni ki gagidi nni hali n naa tugu nni, ki go ti yini nni o tuonli po.#JTT 9.3-6; 22.6-10; 26.13-18 16Wan den sua ke li dagidi opo, o den doagidi npo o Bijua, ke min yaa wangi o Laabaaliŋamo bi nilanba siiga. Lanyogunu mii den kpa gedi ki buni niloba kuli. 17Mii den gedi Jelusalema mo ki baa lingi yaaba n den kpa tie Jesu tondiba hali ke n daa tua o. Ama n den fii ki gedi Alabi diema. Li yaa puoli n den guani Damasa dogu nni.
18Bina taa n den pendi, n den gedi Jelusalema ki baa bandi Pieli,#1.18 Gileka maama nni, li yedi Sefa yaala n tie Pieli yelieli, (2.9,11-12,14). A yela yeni kuli bundi yenma, “li tanli.” ki den tieni o deni piiga n dana muu.#JTT 9.26-30 19Likani Jesu tondiba siiga, mii den laa nitoa kuli kali o Diedo Jesu waalo Jaka.
20Min diani yipo yaa maama na, mii pua faama, U Tienu tie n siedo.
21Li yaa puoli n den gedi Sili diema leni Silisi yaa diema nni. 22Laa yogunu Kilisiti n yini yaaba yaaba n ye Jude diema nni, daa den laa n nunga. 23Bi den gba bebe ke bi tua: «Yua n den kpa wangi ti fala lebidi ki wangi li *dandanli maama, wan den kpa moandi ki baa bolini yaama.» 24Lane bi den pagi U Tienu kelima npo.
Polo leni Jesu tondiba yaaba n sieni
Currently Selected:
GALATI YAABA 1: GUX03
Highlight
Copy
Compare
Share
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
