Zakari 6
6
A bʋ̃-nyɛrɩ ani sob: a zɛbr-torkori anaar
1Ɩ̃ tɩ lɛb'a zɛw a zu nyɛ̃ bʋ̃-nyɛra kãw: zɛbr-torkori anaar, a yi kur-zɩɛ tan ayi cara pʋɔ, 2wur-zɩɩr tɩ caw na ƴãw a zɛbr-torko-dãw-niwn sob ƴãw, ɛ́ wur-sɛbl caw ƴãw a ayi sob ƴãw, 3wur-pɛlɛ caw ƴãw a ata sob ƴãw, ɛ́ wie na ɓalɩ zɩɛ wʋlʋlʋ a, caw ƴãw a anaar sob ƴãw. 4Ɩ̃ tɩ sowr'ɩ a malkɩ na tɩ ƴɛ̀rɛ a ɩ̃ zie a: «Ɩ̃ sore e, a wie na caw ƴãw a zɛbr-torkori ƴãw a, bʋ̃ʋ n'ʋ a wule?» 5Ʋ tɩ sɔw mɛ̃ na: «A sɛsɛbr anaar'a. A tɩ be n a tẽw za Sore niŋé, ɛcɛ ƴɛrɛŋa a, a cere na.» 6A zɛbr-torko a wur-sɛbl na tawr a, tɩ cen nɩ a saa-pɛrɩ́-gʋba-lowr tẽw lowr, a wur-pɛlɛ tɩ cen nɩ a mʋ̃tɔ̃w-kpɛb-lowr tẽw lowr, ɛ́ a wie na ɓalɩ zɩɛ wʋlʋlʋ a, cen a saa-pɛrí-dʋrʋ-lowr tẽw lowr. 7A wur-zɩɩr-wʋlʋlʋ tɩ taw na ta àrɛ guur, a tẽw zɔ cɔlʋ ƴãw. A Sore tɩ yel a na: «Nyɩ cen tɩ zɔ cɔlɩ a tẽw.» A lɛ n'a a tɩ ɩ. 8Lɛ n'a a Sore tɩ bʋɔlɩ mɛ̃ yel: «Jɩ́r nyɛ̃, a al na cere a saa-pɛrɩ́-gʋba-lowr tẽw lowr a, na ɩ na a ɩ̃ Vʋʋrʋ siw a vuo ʋl pʋɔ.»
A Zozue naalʋ-dɩb na ɩ bãwfʋ a
9A Sore tɩ yel'ɩ à ŋá kʋ̀ m: 10«Sàw de a nɩbɛ bɛ na diw cen nɩ a Babɩlɔn a bʋ̃-kʋ̀rɩ#6:10 Nyɛ̃ Ɛsd 1.4., a Hɛldaɩ nɩ Toviya, nɩ Yedaya na wa n a. A dɩ̃a tɔr za a, fʋ na cen nɩ a Sefanɩa bidɛb Yosiya yir, a be a nɩbɛ bɛ ŋa na yi a Babɩlɔn tẽw wa be a. 11Fʋ na tɩ de nɩ salm-pla nɩ salm-zɩɛ, maal'ɩ nãà-kpawʋɔ vɔblɩ a bàwr-maal-kara Zozue na ɩ Yosadakɩ bidɛb a, zũú, 12ɛ́ yel ʋ: “À ŋá n'a a Sore, a Kpɛnʋ-za-sob, yere:
Nɩr be n a ka, a yúor dɩ kɛ́ “Bʋ̃-bul#6:12 Nyɛ̃ 3.8 nɩ a manʋ.”,
a nyɔ-vʋʋrʋ na búle nɩ a ʋ gbɛ́ɛ bɔwrɩ pʋɔ,
ɛ́ ʋlɛ n'ʋ na lɛb mɛ a ɩ̃ yir-kpɛ̃ɛ,
13ʋlɛ sɩrɩ n'ʋ na lɛb mɛ ʋ.
Ʋ na su n a nãà bʋ̃-suuri,
ɛ́ zɩ̃ a naalʋ-dà-kɔw zu,
dɩrɛ naalʋ a nɩbɛ zu.
Bàwr-maalɛ na zɩ̃ na kɔwlɩ ʋ:
ɛ́ bɛ za ayi na wone nɩ taa vla vla.
14“A nãà-kpawʋɔ ʋl na be n a Ŋmɩn-yir-kpɛ̃ɛ pʋɔ, k'aa nɩbɛ tɛr a Hɛldaɩ, a Toviya nɩ a Yedaya tɩɛrʋ, nɩ a vla a Sefanɩa bidɛb na maalɩ a.”»
15Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.
Currently Selected:
Zakari 6: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Zakari 6
6
A bʋ̃-nyɛrɩ ani sob: a zɛbr-torkori anaar
1Ɩ̃ tɩ lɛb'a zɛw a zu nyɛ̃ bʋ̃-nyɛra kãw: zɛbr-torkori anaar, a yi kur-zɩɛ tan ayi cara pʋɔ, 2wur-zɩɩr tɩ caw na ƴãw a zɛbr-torko-dãw-niwn sob ƴãw, ɛ́ wur-sɛbl caw ƴãw a ayi sob ƴãw, 3wur-pɛlɛ caw ƴãw a ata sob ƴãw, ɛ́ wie na ɓalɩ zɩɛ wʋlʋlʋ a, caw ƴãw a anaar sob ƴãw. 4Ɩ̃ tɩ sowr'ɩ a malkɩ na tɩ ƴɛ̀rɛ a ɩ̃ zie a: «Ɩ̃ sore e, a wie na caw ƴãw a zɛbr-torkori ƴãw a, bʋ̃ʋ n'ʋ a wule?» 5Ʋ tɩ sɔw mɛ̃ na: «A sɛsɛbr anaar'a. A tɩ be n a tẽw za Sore niŋé, ɛcɛ ƴɛrɛŋa a, a cere na.» 6A zɛbr-torko a wur-sɛbl na tawr a, tɩ cen nɩ a saa-pɛrɩ́-gʋba-lowr tẽw lowr, a wur-pɛlɛ tɩ cen nɩ a mʋ̃tɔ̃w-kpɛb-lowr tẽw lowr, ɛ́ a wie na ɓalɩ zɩɛ wʋlʋlʋ a, cen a saa-pɛrí-dʋrʋ-lowr tẽw lowr. 7A wur-zɩɩr-wʋlʋlʋ tɩ taw na ta àrɛ guur, a tẽw zɔ cɔlʋ ƴãw. A Sore tɩ yel a na: «Nyɩ cen tɩ zɔ cɔlɩ a tẽw.» A lɛ n'a a tɩ ɩ. 8Lɛ n'a a Sore tɩ bʋɔlɩ mɛ̃ yel: «Jɩ́r nyɛ̃, a al na cere a saa-pɛrɩ́-gʋba-lowr tẽw lowr a, na ɩ na a ɩ̃ Vʋʋrʋ siw a vuo ʋl pʋɔ.»
A Zozue naalʋ-dɩb na ɩ bãwfʋ a
9A Sore tɩ yel'ɩ à ŋá kʋ̀ m: 10«Sàw de a nɩbɛ bɛ na diw cen nɩ a Babɩlɔn a bʋ̃-kʋ̀rɩ#6:10 Nyɛ̃ Ɛsd 1.4., a Hɛldaɩ nɩ Toviya, nɩ Yedaya na wa n a. A dɩ̃a tɔr za a, fʋ na cen nɩ a Sefanɩa bidɛb Yosiya yir, a be a nɩbɛ bɛ ŋa na yi a Babɩlɔn tẽw wa be a. 11Fʋ na tɩ de nɩ salm-pla nɩ salm-zɩɛ, maal'ɩ nãà-kpawʋɔ vɔblɩ a bàwr-maal-kara Zozue na ɩ Yosadakɩ bidɛb a, zũú, 12ɛ́ yel ʋ: “À ŋá n'a a Sore, a Kpɛnʋ-za-sob, yere:
Nɩr be n a ka, a yúor dɩ kɛ́ “Bʋ̃-bul#6:12 Nyɛ̃ 3.8 nɩ a manʋ.”,
a nyɔ-vʋʋrʋ na búle nɩ a ʋ gbɛ́ɛ bɔwrɩ pʋɔ,
ɛ́ ʋlɛ n'ʋ na lɛb mɛ a ɩ̃ yir-kpɛ̃ɛ,
13ʋlɛ sɩrɩ n'ʋ na lɛb mɛ ʋ.
Ʋ na su n a nãà bʋ̃-suuri,
ɛ́ zɩ̃ a naalʋ-dà-kɔw zu,
dɩrɛ naalʋ a nɩbɛ zu.
Bàwr-maalɛ na zɩ̃ na kɔwlɩ ʋ:
ɛ́ bɛ za ayi na wone nɩ taa vla vla.
14“A nãà-kpawʋɔ ʋl na be n a Ŋmɩn-yir-kpɛ̃ɛ pʋɔ, k'aa nɩbɛ tɛr a Hɛldaɩ, a Toviya nɩ a Yedaya tɩɛrʋ, nɩ a vla a Sefanɩa bidɛb na maalɩ a.”»
15Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.