Zakari 4
4
A bʋ̃-nyɛrɩ anũu sob: a fɩ̃tɩlɩ dɔwlʋ zie nɩ a olivʋ tɩɩr ayi
1A malkɩ na tɩ ƴɛ̀rɛ a ɩ̃ zie a, tɩ wa na wa sɩ̃w a ɩ̃ tɩɛrʋ, mɛ̃ nɩr bɛ na sɩ̃w gʋ̃ɔ pʋɔ a. 2Ʋ tɩ sowri mɛ̃ na: «Bʋ̃ʋ n'ʋ fʋ nyɛ̃?» Ɩ̃ sɔw: «Fɩ̃tɩlɩ dɔwlʋ zie na ɩ salm-zɩɛ tɛwr'a n'ʋ ɩ̃ nyɛ̃, ʋ tɛr kãá ƴãwfʋ zie a saa-zu. Ʋ tɛr'ɩ fɩ̃tɩlɩ ayopõi nɩ kãá yib ziir ayopõi a fɩ̃tɩlɛ za ƴãw. 3Olivʋ tɩɩr ayi tɩ be n a kãá ƴãwfʋ zie lõbowrí, kãw a dʋrʋ lowr ɛ́ kãw a gʋba lowr.» 4Ɩ̃ tɩ sowr'ɩ a malkɩ na ƴɛ̀rɛ a ɩ̃ zie a: «Ɩ̃ sore e, bʋ̃ʋ n'ʋ à á ŋá za wule?» 5Ʋ tɩ sowri mɛ̃ na: «Fʋ bɛ bãw ɛ?» Ɩ̃ tɩ sɔw ʋ kɛ́ ʋ̃ʋ'hʋ̃. 6aLɛ n'a ʋ tɩ man mɛ̃ à ŋá#4:6a : A kan-gbɛlɛ 6b tɩ tɔ a 10a na càarɩ a Zorobabɛl a, ŋmãa nɩ a malkɩ sɔwfʋ bɛr. Bɛ lɛb'a cow a a kan-gbɛlɛ 14 sob.:
10b«A fɩ̃tɩlɩ ayopõi ɩ n a Sore mimie na piwre a tẽw zu yele za a.» 11Ɩ̃ tɩ lɛb'a sowr'ʋ: «A olivʋ tɩɩr ayi na be a fɩ̃tɩlɩ dɔwlʋ zie dʋrʋ lowr nɩ a gʋba lowr a, bʋ̃ʋ n'ʋ a wule?» 12Sowru ŋa n'ʋ ɩ̃ tɩ lɛb sowri ƴãw pʋɔ: «A olivʋ tɩɩr wuli ayi na àr kɔw a salm-zɩɛ kur-vɛɛ ayi, ɛ́ a kãá yire a pʋɔ, ɩ mɛ̃ salm-zɩɛ a, bʋ̃ʋ n'ʋ a wule?» 13Ʋ tɩ sowri mɛ̃ na: «Fʋ bɛ bãw ɛ?» Ɩ̃ tɩ sɔw ʋ kɛ́ ʋ̃ʋ'hʋ̃. 14Lɛ n'a ʋ tɩ man mɛ̃ à ŋá: «A nɩbɛ ayi bɛl#4:14 A nɩbɛ ayi bɛl: A na ɩ n a bàwr-maal-kara Zozue nɩ a na-kpɛ̃ɛ-lɩɛrɛ Zorobabɛl nɛbɛ bɛ yere. bɛ na cir a kãá ƴãw a zũú, kɛ́ bɛ ɩ a tẽ-daa za Sore tõ-tõ-biir a nɛbɛ.»
Nɛ́ɛ a Sore na ƴãw a Zorobabɛl ƴãw a
6bA malkɩ tɩ yel'a k'ɩ̃ɩ ƴɛ̀r ƴɛ̀rʋ ŋa kʋ̀ a Zorobabɛl:
«Gãdaalʋ nɩ fʋ mɩŋa fãw bɛ n'a
fʋ na tõ n a fʋ ton ɛ,
a ɩ̃ vʋʋrʋ n'ʋ na so fʋ tõ.»
7Ʋ tɩ yel'a ƴãw pʋɔ:
«A tã-kpɛ̃ɛ ŋa ɩ n bɩwra bɩɩ?
Zorobabɛl na ɩ na ʋ lɩɛbɩ zi-tɩ̃tal.
Ʋ na tuw ʋ na ír a kʋsɩɛr,
a na fɛr k'ʋʋ ƴãw a Ŋmɩn-yir-kpɛ̃ɛ zu-sɔw a.
Bɛ na cɩɩrɛ na: “Nyɛ̃ ʋ na vɩɛl a! Nyɛ̃ ʋ na vɩɛl a”!»
8A Sore tɩ cãà na lɛb ƴɛ̀r ƴɛ̀rʋ ŋa kʋ̀ m:
9«A Zorobabɛl nuru n'a sʋ̃ɔ́
a Ŋmɩn-yir-kpɛ̃ɛ pɛr,
ɛ́ na mɛ ʋ tɩ baarɩ.»
A yele á ŋá za wa ta baar'a, nyɩ na bãw na k'aa Sore, a Kpɛnʋ-za-sob, sɩrɩ n'ʋ tõ m a nyɩ zie.
10aA bɛ sɛw kɛ́ nyɩ ɩ a tome tib daar tõ-pʋrɩ kãw la ɩ,
a nɩ̃ɛ vɛ̃ kɛ́ ɩrɛ nʋ̃ɔ̀, a Zorobabɛl bɛ na nyɛ̃,
ʋ ƴãw a tõ-tõ-bom a nũú a.
Currently Selected:
Zakari 4: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
