Zakari 2
2
A bʋ̃-nyɛrɩ ayi sob: ɩ́lɛ́ nɩ sãa-kpɩɛrbɛ
1Ɩ̃ tɩ zɛw nɩ zu nyɛ̃ bʋ̃-nyɛra kãw: ɩ́lɛ́ anaar tɩ n'a. 2Ɩ̃ tɩ sowr'ɩ a malkɩ na tɩ ƴɛ̀rɛ a ɩ̃ zie a: «Bʋ̃ʋ n'ʋ a ɩ́lɛ́ á ŋá wule?» Ʋ tɩ sɔw mɛ̃ na: «Alɛ n'ɩ a ten al na tɛr fãw, diw a Zuda, a Ɩsɩrayɛl nɩ a Zerizalɛm nɩbɛ yaarɩ a.»
3Al pùorí, a Sore tɩ wul mɛ̃ nɩ sãa-kpɩɛrbɛ anaar. 4Ɩ̃ tɩ sowr'a: «Bʋ̃ʋ n'ʋ bɛ waar kɛ́ bɛ wa ɩ?» Ʋ tɩ sɔw mɛ̃ na: «Bɛ wa na kɛ́ bɛ wa ƴãw a tẽ-kpɛn dɛ̃bɩ̃ɛ, ɛ́ ŋmɛ a lɔb, al na ìr àr a Zuda tẽw ƴãw, diw a nɩbɛ yaarɩ kɛ̀ nɩr za bɛ tʋ̃ɔ́ bà gbɛ́r a niŋé a.»
A bʋ̃-nyɛrɩ ata sob: miw-máná
5Ɩ̃ tɩ zɛw nɩ zu nyɛ̃ bʋ̃-nyɛra kãw: nɩr na tɛr miw-máná a. 6Ɩ̃ tɩ sowr'ʋ na: «Nyɩnɛ na fʋ cere?» Ʋ sɔw mɛ̃: «Zerizalɛm'a, k'ɩ̃ɩ tɩ manɩ a ʋ wogo nɩ a ʋ yɛ̀lʋ.»
7Lɛ n'a a malkɩ na tɩ ƴɛ̀rɛ a ɩ̃ zie a, tɩ cere malkɩ ƴen sob zie na tɩ tuore ʋ a. 8Ʋ tɩ yel ʋ na: «Zɔ cen tɩ yel a pɔlbile na tɛr a miw-máná a: Dacine kʋ̃ mɛ viiri koli a Zerizalɛm ɛ, a nɩbɛ nɩ a dʋn na na yãwmɛ a ʋ pʋɔ bɛ dɩ vuo a ƴãw. 9À ŋá n'a a Sore yel a yel ŋa ƴãw: “Mãa mɩŋa, ɩ̃ na be n be, ɩ mɛ̃ vũu dacin na viiri koli ʋ a, ɩ̃ɩ na ɩ n a ʋ yúor-vɩɛlʋ-danʋ a ʋ pʋɔ.”»
A Sore lɛb'a bʋɔlɛ a nɩbɛ bɛ na diw cen nɩ a tẽ-yoru a
10Yel ŋa n'ʋ a Sore yere kʋ̀rɛ nyɩ:
«Alɛ! Nyɩɩm ɩ̃ na diw yaarɩ a tẽw zu ziir za a,
nyɩ zɔrɛ ƴɛrɛŋa, nyɩ yi kɛ́ bɛr
a saa-pɛrɩ́-gʋba-lowr ten!
11Alɛ! Zerizalɛm nɩbɛ
bɛ na diw cen nɩ a Babɩlɔn a,
nyɩ paw fɔ̃w zɔ cɩ̃ɛ.»
12A Sore Kpɛnʋ-za-sob na kʋ̀ m tõ-nɔ-kpɛ̃ɛ a, yere nɩ à ŋá a nɩ-bʋʋrɛ bɛl na fá nyɩ a ƴãw:
«Nɩr za na tʋɔr nyɩ a, a ɩ̃ bʋ̃-tuo n'ʋ ʋ tʋɔr.
13Sɩza, ɩ̃ na wa n a nɩ-bʋʋr-yoru ƴãw:
a bɛ gbãgbaar mɩ̀ na fá n a bɛ bome.»
A yele á ŋá wa ɩ a, nyɩ na bãw na k'aa Sore Kpɛnʋ-za-sob sɩrɩ n'ʋ tõ m.
14A Sore cãà na yere:
«Nyɩ cɩlɛ ŋmɩɛr'ɩ nʋ̃ɔ̀ cɛlsɩ, Sɩyɔ̃ tẽw dem i,
ɩ̃ waar'a k'ɩ̃ɩ wa kpɩɛr a nyɩ sɔgɔ.
A yele á ŋá wa ɩ a, nyɩ na bãw na k'aa Sore Kpɛnʋ-za-sob sɩrɩ n'ʋ tõ m a nyɩ zie.
15A ʋlɩ bibir nɛ a, nɩ-bʋʋr-yoru yaga
na tu m'a, a mãa, Sore,
ɛ́ bɛ na lɩɛb'ɩ a ɩ̃ nɩ-bʋʋrɛ.
Ɛcɛ a nyɩɩm sɔgɔ n'a ɩ̃ na kpɩɛr.»
A yele á ŋá wa ɩ a, nyɩ na bãw na k'aa Sore Kpɛnʋ-za-sob sɩrɩ n'ʋ tõ m a nyɩ zie.
16A Zuda tẽw na lɛb'a ɩ a Sore bʋ̃-sora
a tẽw ʋl ʋ na so a pʋɔ,
ɛ́ a Zerizalɛm lɛb ɩ a tẽ-kpɛ̃ɛ ʋ na kaa ír a.
17Bʋ̃-vʋʋra za, ʋ ɩ gbili a Sore niŋé,
bʋ̃ʋ n'ʋ vɛ̃, bɛ nãà wa bere na
ʋ yi a ʋ kpɛb-zi-sõw pʋɔ!
Currently Selected:
Zakari 2: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
